Fan Girl, nangharos!

CEBU, Philippines — Giharos sa Antonette Jadaone movie Fan Girl ang major award sa Metro Manila Film Festival niadtong Domingo sa gabii, diin walo ka pasidungog ilang naangkon gikan sa siyam ka nominasyon.

Sama sa napanlantawan na daan, ang mga bida gyud sa maong pelikula nga sila si Paolo Avelino ug Charlie Dizon ang nidaog nga best actor ug best actress. Si Jadaone mismo nagmadaugon isip best director.

Ania ang kumpletong lista sa mga mananaog:

Best Actress: Charlie Dizon (Fan Girl)

Best Actor: Paulo Avelino (Fan Girl)

Best Picture: Fan Girl

2nd Best Picture: The Boy Foretold By The Stars

3rd Best Picture: Tagpuan

Best Director: Antoinette Jadaone (Fan Girl)

Best Supporting Actress: Shaina Magdayao (Tagpuan)

Best Supporting Actor: Michael de Mesa (Isa Pang Bahaghari)

Best Screenplay: Fan Girl (Antoinette Jadaone)

Best Child Performer: Seiyo Masunaga (The Missing)

Best Cinematography: Fan Girl (Neil Daza)

Best Editing: Fan Girl (Benjamin Tolentino)

Best Production Design: Magikland (Erikson Navarro)

Best Visual Effects: Magikland (Richard Francia, Ryan Grimarez of Central Digital Lab)

Best Original Theme Song: The Boy Foretold by the Stars ("Ulan" by Jhay Cura/Pau Protacio)

Best Musical Score: Magikland (Emerzon Texon)

Best Sound: Fan Girl (Vincent Villa)

Best Student Film: Paano Maging Babae (De La Salle College of St. Benilde)

Best Virtual Float: Magikland (1st place), Isa Pang Bahaghari (2nd place), Fan Girl (3rd place)

Gatpuno Antonio J. Villegas Cultural Award: Suarez, The Healing Priest

FPJ Memorial Award: Magikland

Gender Sensitivity Award: The Boy Foretold By The Stars

Special Jury Prize: Peque Gallaga

Marichu Vera-Perez Maceda Memorial Award: Gloria Romero

Reunion project

Adunay giplantsa nga reunion project para nila ni Jennylyn Mercado ug Jericho Rosales kinsa unang nag-uban sa 2015 blockbuster movie Walang Forever nga nikita og kapin P100 million. Sa 2021 kini nila himuon.

Promise ring

Gihatagan og gold ring nga adunay letrang M sa iyang uyab nga si Timmy Llana ang kanhi beauty-queen ug karon Kapuso star nga si Maxine Medina isip christmas gift. Promise ring kini sanglit gisaad ni Timmy ngadto kang Maxine nga higugmaon ug panggaon siya niini hangtud sa hangtud. Usa ka tuig na ang relasyon sa duruha niadtong Hunyo.

Iza, happy para kang Charlie

Nagtigi sila sa best actress category sa bag-o pa lamang nahuman nga Metro Manila Film Festival Awards Night, apan gipadayag ni Iza Calzado nga naglaom gyud siya nga si Charlie Dizon maoy modaog. Si Charlie sab sa iyang bahin, nagpasalamat kang Iza sanglit kini matud pa maoy nagpaila niya ngadto kang direk Antonette Jadaone hinungdan nga siya ang nakakuha role nga Fan Girl ug mao gyuy napili nga best actress.

Nagdate uy

Human giangkon ni Bea Alonzo nga dating iyang status karon, sunod-sunod ang paglugwa sa mga hulagway sa aktres ug ni Dominic Roque nga nasigpatan nga nanuroy didto sa Baguio City sa ikaduhang semana niining bulana. Aduna silay mga kaubang higala. Nabantayan sab sa fang nga nangaon sila sa usa ka Japanese restaurant niadtong December 16, sanglit managsama og dagway ang chopsticks nga ilang gi-upload sa ilang tagsa-tagsa ka social media accounts. Wala pay direktang pang-angkon ang duruha sa ilang relasyon.

Pasilutan Gyud

Nidangop sa NBI ang inahan ni Maine Mendoza nga si Mary Ann kauban ang abogado sa TV host aron imbestigahon sa ingon masilutan ang nagpakatap og video scandal sa TV host nga nasuta nga mugnamugna lang. “Lumagay man kayo sa ‘min bilang magulang, siguro mararamdaman niyo rin yung sakit, yung nararamdaman naming mga pamilya niya,”nagkanayon si Mary Ann ngadto sa ABS-CBN News. Una nang giklaro ni Maine nga anggid lamang niya og nawong ang babaye nga naa sa malisyosong video.

Kapamilya Movies

Ubay-ubay ang mga pelikula nga isalida sa Kapamilya Network sunod tuig pinaagi sa nagkadaiya nilang social media accounts ug streaming platforms.

Kini maglangkob sa Princess Dayareese nila ni Maymay Entrata ug Edward Barber; Hello Stranger The Movie starring JC Alcantara ug Tony Labrusca; Love or Money starring Coco Martin  ug Angelica Panganiban; ug Soul Sistahs nga bituonan sa Magandang Buhay hosts nga sila si Karla Estrada, Jolina Magdangal, ug Melai Cantiveros.

Suma pa sa Kapamilya Online World FB page, himuon sab sunod tuig ang mga pelikula sama sa  All-Nighter,” “Keys to the Heart,” ang Joshua Garcia starrer “Ang Mga Kaibigan ni Mama Susan,” ingon man ang movies sa loveteams nila nila ni KathNiel, LizQuen, DonBelle.  May pelikula sab si KimChiu, ViceGanda, ug ang movie comeback ni John Lloyd Cruz kauban si Bea Alonzo.

Ipadayon sab sa Star Cinema ang pagproduce sa mga show sama sa “Like A Boss” ni Raymond Gutierrez ug “He’s Into Her” nila ni Donny Pangilinan ug Belle Mariano.