Mapuno sa buhakhak

Pampakatawa o pampa-good vibes maoy nagpahipi sa latest project sa Viva Films  nga Pakboys Takusa nga gibidahan nila ni Janno Gibbs, Dennis Padilla, Jerald Napoles ug Andrew E.

Si Al Tantay maoy direktor sa maong pelikula nga pambato sa Viva sa Metro Manila Film Festival karong tuiga ug mosikad na kini karong December 25.

Suma pa ni Janno nga seguradong magsige og katawa ang mga motan-aw niini.

Sa panahon karon, importante nga mogahin usab og oras sa paglingaw-lingaw ug swak kaayo matud pa ang maong pelikula.

Ang Pakboys Takusa naghisgot sa istorya sa upat ka maghigala nga sila si Justine (Janno), John (Andrew E), Bruno (Dennis), ug Drake (Jerald) kinsa nagluib sa ilang mga hinigugma.

Tungod sa maong binuhatan, nahimutang na hinuon sa peligro ang ilang kinabuhi.

Nalakip usab sa maong pelikula sila si Maui Taylor, Angelu De Leon, Marissa Sanchez, Ana Roces, ug Leo Martinez.