“The Truth Behind The Ring”

Nagbuwag diay sila si Jessy Mendiola ug Luis Manzano niadtong Mayo, hinungdan nga kinahanglan nga gipa-redesign nila ang engagement ring sa laing jewelry company.

Kini maoy rebelasyon ni Jessy sa iyang vlog niadtong Martes nga giulohan og “The Truth Behind The Ring.”

Suma pa niya, aduna siyay suod nga higala kanhi nga nagtrabaho sa Radiant Lux Jewelry nga maoy giduol ni Luis aron makuha ang sukod sa iyang tudlo, ug didto na lang sab gipa design ang unang singsing.

“Unfortunately, maraming bagay ang nangyari. May 2020, Luis and I went through something to the point na naghiwalay kami and this person from Radiant Lux Jewelry was a good friend of mine. I trusted her. We both trusted her, Luis and I. We had good faith her that’s why siguro Luis chose her to make my ring kasi friend ko siya. Well, she was my friend,” ni Jessy pa.

Dinhi matud pa siya gisultihan sa iyang higala kabahin sa singsing, ug gipasukod pa gyud kini niya. Mao ni rason nganong nasayud siya nga mag-propose si Luis niya, apan wala siya nakasabot sa iyang gibati sanglit nag-away sila sa TV host ug naglibog siya kun magkauli ba sila.