Gretchen at Tonyboy, hiwalay na nga ba?
Mga kaibigan ayaw maniwala
Meron na namang chika na diumano’y hiwalay na sina Gretchen Barretto at Tonyboy Cojuangco.
Pero hindi naniniwala ang ibang friends ni Gretchen na may alam kung gaano ka-in love ang negosyante sa dating ST Queen ng Pilipinas.
Malabo raw mangyari ‘yun dahil super love raw nito ang partner nang kung ilang dekada na.
Anyway, maaalalang last November ay umingay uli ang issue kina Gretchen and Atong Ang na nakitang magkasama sa Iloilo.
Dinumog daw kasi ang dalawa, hindi nakitang kasama si Mr. Cojuangco, nang dumating sa isang resort sa nasabing probinsya at nakalimutan ng karamihan ang social distancing na importante ngayong may pandemya at kalat na kalat pa rin ang virus.
Lumabas sa chika na may kinalaman diumano sa bagong negosyo ni Mr. Ang na online cockfighting ang nasabing biyahe nila sa Iloilo at wala diumanong nakakaalam kung bakit kasama si Gretchen.
May nagsabi naman na moral support lang ang pagsama ni Gretchen.
Well, nauna nang sinabi nina Gretchen at Mr. Ang, na family friends sila kaya ‘wag nang mag-isip ng masama tungkol sa kanila.
- Latest