Pia, giyagyag ang charity works

CEBU, Philippines — Nasakitan si 2015 Miss Universe Pia Wurtzbach sa mga komento nga dili siya angayan sa Woman of the Year 2020 award nga iyang nadawat gikan sa Xpedition Middle East magazine nga nagbase sa Dubai.

Ikaduhang tuig na kini sa maong award-giving body. Ang una nilang gipasidunggan sa nilabay nga tuig mao si 2018 Miss Universe Catriona Gray.

Suma pa sa bashers ni Pia, walay nahimo ang beauty-queen karong tuiga hinungdan nga dili siya angayan hatagan og maong pasidungog. Gumikan niini, gitagsatagsa ni Pia iyang mga charity works karong tuiga taliwala sa pandemya.

“Now I dont really like having to explain myself, Im sure nanotice nyo naman ia tuwing mag binabato sakin na issue tahimik lang talaga ako.

“But this time I feel like I need to say something. “Ang saya-saya ko everytime I give back in my own little way.

“And it hurts me when people say na wala naman akong ginawa or ginagawa.” Dinhi na gitagsatagsa ni Pia ang iyang mga charity works.

“After the success of my very first fundraiser I gained the confidence to do more,” niya pa.

“So then when Vestido and Aquafina asked me to donate gowns I wore as Misa Universe, I said yes! Gowns and shoes were auctioned off all for charity.

“A few months later I was asked by WWF [World Wide Fund for Nature] to join their team and I was so happy to be a part of it and learn more, also because Jeremy who is a global Ambassador for WWF, has been teaching me so much about it,” padayon pa niya.

Suma pa ni Pia nagpa-auction sab siya og mga relo sa charity event nila ni Anne Curtis ug Angel Locsin. ““I also do a free talk with UNAIDS every 3 months.”

Nakahipos sab siya niya pa og dako-dako nga pundo dihang nanawagan siya sa iyang mga higalang beauty queen nga magtinabangay sila aron makakuha og donasyon ug gihatag kini ngadto sa ma nangihanglan.

Nagpada sab matud pa siya og pagkaon sa frontliners sa usa ka hospital sulod sa pipila ka mga semana gamit ang iyang kwarta.

Nag-date?

Nagpiyesta ang mga himantayon sa posibilidad nga nagkuyog og laag didto sa Mt. Kunis sa Tanay, Rizal sila si Julia Barretto ug Gerald Anderson niining bag-o lang. Walay mga hulagway nga kumpirmado nga nag-uban sila didto, apan mga pictures nga gi-upload si Gerald ug Julia sa tagsa-tagsa nila ka Instagram nga daw kuha didto. Apan ang mga fans sa duruha nagkanayon nga walay dautan kun nagkuyog ang ilang mga idolo sanglit managsama naman sila nga mga single karon, ug nga angayan na matu pa mo move on sa isyu sa duruha ug ni Bea Alonzo.

Gardo,

Kapuso na pud

Balik GMA7 si Gardo Versoza human nitabok sa ABS-CBN sa nilabay nga tuig diin nalakip siya san g Probinsyano ug Sandugo. Makita pa sab si Gardo sa online movie series sa Kathniel nga The Hows Arrest of Us. Pero nagtaping na si Gardo alang sa umaabot nga teleserye sa GMA7 nga “First Yaya” nga bituonan nila ni Gabby Concepcion ug Sanya Lopez.

Kinsa gyuy papa?

Nalingaw ang mga fans ni Ellen Adarna sa IG story niini niadtong nilabay nga adlaw diin gipangutana niya ang iyang anak ng si Elias unsay ngalan sa amahan niini. Tubag sa bata: Piolo Pascual. Sa laing video, gipangutana na pud ni Ellen ang iyang anak kinsay amahan niini ug Papa P ang tubag ni Elias. Nalingaw si Ellen ug gitag si Piolo kabahin niini. Ang us aka video gi-captionan niya’g: Mr. John Lloyd Cruz left the group chat.

Dili tinuod

Gihimakak sa usa ka suod ni Sarah Geronimo ang pagduda nga mabdos na ang Pop Star Princess sa unang anak nila ni Matteo Guidicelli. Nagsugod ang pagduda human may usa ka video ni Sarah nga nigawas diin medyo dako ang tiyan niini nga giisip sa mga nakakita nga “baby bump.” Apan matud pa sa maong higala, mga duha ka tuig gikan karon pa gyud ang plano nila ni Sarah ug Matteo nga makabaton og anak.

Dili patingongon

Dili una patingogon si Alex Gonzaga sulod sa duha ka semana. Wala pa niya ibutyag unsay problema sa iyang tutunlan apan matud pa niya sa usa ka IG post, gidid-an siya sa iyang throat doctor nga dili motingog o musulti, gawas lang kun gikinahanglan gyud or kun naa siya sa entablado. Busa, sign language ug isuwat ni Alex sa papel iyang mensahe ngadto sa iyang mga kauban.

Perteng  kulbaa

Giklaro ni Bianca Gonzales nga adunay importante nga gimbuhaton niadtong Domingo si Toni Gonzaga hinungdan nga wala kini igkita atoll sa PBB Connect opening ug siya maoy natahasan nga mopadayag sa major announcement sa pagbukas na sa maong reality show. Matud ni Bianca, hilabihan gyud niyang kuyawa, hinungdan nga nagpraktis gyud siya’g maayo pagka dawat niy sa script, nag-ampo pud siya og maayo, ug mapasalamaton siya sa production people nga niabag niya.

Bestfriends sila

Giisip ni Nancy Mcdonie, sakop sa sikat nga Kpop group Momoland nga besfriend si Charlie Dizon. Gumikan niini, nanwagan si Nancy sa iyang fans nga suportahan ang umaabot nga pelikula ni Charlie nga Four Sisters Before The Wedding nga ipasalida na sa Star Cinema karong December 11. Suportado sab ni Nancy an Fan Girl movie ni Charlie kauban si Paulo Avelino nga entry sa Metro Manila Film Festival.

Nitaas ang rating

Nakaangkon matud pa og 2% nga rating ang Maalaala Mo Kaya episode sa A2Z niadtong Sabado sa AGB Nutam. Bida niining maong serye si Arjo Atayde kinsa bag-ohay lang nidaog isip Best Actor sa 3rd Asian Academy Creative Awards para sa pelikulang “Bagman.” Giisip nga dako na kini nga rating sanglit wala pa kaayo niarangkada sa ratings game ang nga salida sa Kapamilya Network sa AZ Channel. Kasagaran matud sa rating sa ilang shows anaa pa sa 1%.