Jinkee at Mommy D. bibida rin sa game app ni Sen. Manny!

Grabe namigay na nga ng tulong si Sen. Manny Pacquiao, binibira pa siya ngayon dahil sa pag-violate diumano sa mass gathering.

Natural kasi na ‘pag nalamang darating ang boxing champion sa isang lugar, like sa Batangas, dadagsa ang mga nangangailangan at naghihintay ng tulong lalo na nga’t malapit na ang Christmas.

Nagkakaroon sila ng kaunting pag-asa na baka si Sen. Manny na ang hinihintay nila.

Kaya ang tendency, mass gathering.

Sa kasalukuyan, binabawalan pa rin ang malakihang pagtitipon para hindi na dumami pa ang magkaroon ng infection ng coronavirus.

Anyway, marami namang celebrity gamers ang nag-welcome kay Sen. Manny bilang newest ambassador Mobile Legends na kahapon niya officially ini-announce sa kanyang social media accounts. “I’m now ready to enter a new arena! I am very excited to announce this amazing opportunity to be MLBB’s newest brand ambassador. Join me on this journey and as allies, we will be legends.”

Samantala, bibida rin pala si Mommy Dionisia at malamang pati ni Jinkee sa isang mobile game application na pinagbibidahan ng boxing champion.

Kasama rin kaya rito ang Hermes collection ni Madam Jinkee?