Darna 2021
Mahinayon gyud matud pa ang Darna ni Jane de Leon apan magugod usa kini isip TV series sa dili pa gam-on ang pelikula. Matud pa nga una kining isalida pinaagi sa IWant TFC, sa dili pa ipakita sa A2Z ug Kapamilya Channels. Gitakda sab matud pa nga mopirma si de Leon og network contract sa ABS-CBN karong Disyembre. Siya maoy labing unang mopirma og network contract sukad nga wala na renew ang franchise sa ABS-CBN ug sukad sab pagsugod sa pandemic.
Happy lang
Walay opisyal nga reaction si Kiray Celis sa intriga ni Mystica niya nga matud pa gidaot sa nahauna ang co-star niini sa Owe My Love nga si Buboy Villar. Suma pa ni Mystica, kinsa apil unta sa maong GMA7 rocm-com apan gihulipan human sa sunod-sunod niyang reklamo, niingon matud pa si Kiray nga bulingit si Buboy, dili pang artista ug mora'g taong grasa. Walay direkta nga tubag si Kiray apan sunod-sunod ang iyang videos sa Instagram diin kauban niya si Buboy og gisungog og maayo nganong na artista nga baho ma'g buhok, bulingit pa gyud. Nagkinataw-anay sila og maayo nga buot ipasabot, dili sila apektado sa intriga ni Mystica ug nga suod na gyud si Kiray ug Buboy.
- Latest