Mas gwapa

CEBU, Philippines — Dili apektado si Wynwyn Marquez sa komento sa usa ka netizen nga mas guwapa pa niya ang iyang inahan nga si Alma Moreno. Tubag pa ni Wynwyn, mas guwapa gyud tinuod iyang mama sanglit dyosa kini.

Tungod ni Sarah

Viva Artist Agency talent na ang labing unang grand winner sa The Voice Kids Philippines nga si Lyca Gairanod. Ug giangkon sa karon 16 anyos na nga singer nga ang iyang coach kanhi nga si Sarah Geronimo ang usa sa mga nagdasig niya nga mobalhin na sa VAA. Matud ni Lyca nga buot niya nga makaapil sa mga concerts ni Sarah ug dunganon ang iyang singing ug acting career busa wala na siya nagduhaduha paglayat sa talent agency nga maoy nagdumala sa career sa iyang coach sa dugay na nga katuigan.

Wala mag-drama uy!

Wala palabya ni Michelle Gumabao ang intriga nga nagdrama siya hinungdan nga wala siya niapil sa opening production sa ASAP niadtong Domingo, kauban ang top 5 winners sa Miss Universe Philippines. Suma pa ni Michelle nga ang iyang handler ug ang production staff mismo sa ASAP ang nihukom nga dili na lang siya paapilon sa maong guesting alang usab sa kasigurohan sa tanan. Kini kay kanunay siya ma-expose sa daghang mga tawo gumikan sa iyang charity works. Hinuon, kanunay siyang negative siya sa swab test. Ug kay wala naman lang siya paapila, nilupad siya paingon sa Isabela alang sa lain na usab nga charity work.

Puros na uyab!

Naliki ang mga kauban ni Maris Racal sa co-star nila nga si Ruffa Gutierrez human gibutyag sa kanhi beauty-queen ang iyang mga nauyab kaniadto pinaagi sa latest vlog ni Maris. Managkauban sila si Ruffa ug Maris sa rom-com sa TV5 nga Stay In Love nga kasamtangan nga nag-lock in taping. Sa usa sa ilang mga breaks, nagduwa sila og "dyodyowain o trotropahin, diin mohatag og ngalan si Maris ug tubagon sa iyang co-stars. Pwes, gibutyag ni Ruffa ang iyang mga nauyab kaniadto nga sila si John Lloyd Cruz, Aga Muhlach ug Zoren Legazpi, hinungdan nga labihan nilang lingawa.

Patani maoy puli

Si Jervy "Patani" Dano na  maoy gihulip kang Mystica sa rom-com sa GMA7 nga kasamtangan sab nga nag-lock in taping, ang Owe My Love nga gibituonan nila ni Lovi Poe ug Benjamin Alvez. Kahinumduman nga sunod-sunod ang reklamo ni Mystica nga gibalewala siya sa production staff samtang didto pa siya sa Bulacan alang sa lock-in taping. Puros gihimakak sa GMA7 ang tanang pasangil ni Mystica.

Nasobrahan ka arte

Ubay-ubay ang gi-artehan kang Anne Curtis samtang nagtan-aw sa iyang interview sa iyang idol nga si Dua Lipa.  Suma pa sa netizens, OA ra ang Australian accent ni Anne, ug daw iya kining gituyo. May nikomento pa nga mas maayo pa ang iyang manghod nga si Jasmine Curtis Smith kay maayo na motagalog. May niingon sab nga daw gilaay si Dua Lipa kang Anne ug nga ang naka OA gyud sa interview kay klaro kaayo nga gikilig si Anne samtang nag-interview. Unta, nila pa, gipugngan ni Anne ang iyang pagka fan samtang nakighinabi sa iyang idolo.