Raymart gikiha; Jodi, hayan iapil

CEBU, Philippines — Gireklamo sa kampo ni Claudine Barretto ang kanhi niini bana nga sir Raymart Santiago gumikan sa ka pakyas matud pa sa actor paghatag sa nasabutan nga sustento sa duha nila ka mga anak. Suma pa ni Atty. Ferdinand Topacio, abogado ni Claudine, P100, 000 kada bulan ang nasabutan sa duha ka mga habig kaniadto, apan dugay na matud pa nga wala makahatag niini ang actor. Nakahatag matud  pa kini kaniadto og P14,000 lang.

Gibutyag sab ni Topacio nga nasayud na matud pa daan si Claudine sa relasyon ni Raymart  ug Jodi Sta. Maria. Si Jodi matud pa mismo ang nanawag kang Claudine ug nipahibawo sa ilang relasyon sa kanhi bana sa nahauna. Suma pa sa balita sa PEP Troika, niingon si Topacio nga  gitun-an matud pa nila ang tanang anggulo ug wala nila isalikway ang posibilidad nga ikiha sab si Jodi gumikan sa pakig relasyon niini kang Raymart.

Kasamtangan nga nag-lock in taping pa si Raymart  sa teleserye nga FPJ’s Ang Probinsyano busa wala pa kini pamahayag kabahin sa reklamo sa kanhi niya asawa. Apan gipaniguro sa usa niya ka higala nga kun muluwat man gani kini og pamahayag dili kini ipaagi sa media.

Sarah ug Ella, targets ni Minzy

Sila si Sarah Geronimo ug Ella Cruz ang buot sa Korean star nga si Minzy nga makatrabaho sa higayon nga maka anhi na siya sa Pilipinas. Ang kanhi main dancer sa Korea girl group 2NE1 maoy labing bag-ong contract star sa Viva Artist Agency. Sa us aka virtual presscon niadtong Huwebes nga nasayran niya nga fan si Ella sa 2NE1 busa buot niya nga makatrabaho kini. Nakakita sab matud pa siya sa Tala ni Sarah nga aduna na karoy 161 million views sa Youtube busa ganahan sab siya nga makatrabaho ang Pop Star Princess. Isip unang project niya sa Pilipinas, gi-record ni Minzy ang tagalog version sa iyang Korean song nga “Lovely” alang sa iyang mga fans sa nasud.

Naapil ang manghod

Nag-sorry si Michelle Gumabao ngadto sa iyang manghod nga si Marco Gumabao gumikan kay nanaghan ang bashers sa actor human sa kontrobersyal nga wala pagtambong sa beauty-queen sa press presentation sa mga mananaog sa Miss Universe Philippines sa nilabay nga bulan. Nanghinaot si Michelle nga maundang na ang bashing ug nga naka move on na matud pa siya. Padayon siya sa iyang mga adbokasiya ug suportado gyud niya ang MUP organization.

Dili intensyon

“Cultural differences” ang gitumbok nga rason sa Miss Universe Colombia nganong nagkasayup sayop ang introduction ni 2018 Miss Universe Catriona Gray atol sa nasudnong pageant didto. Kahinumduman nga “Garay” ang nasuwat nga apelido inay nga Gray, ug nga gipaila siya isip “Australian by birth who represented the Philippines.” Suma pa sa organizer, sayup ang translation nga napadala ngadto sa production apan wala gyud matud pa kadto tuyoa. Dili matud pa nila intension nga insultuhon o pasakitan si Catriona kay sila mismo kumbinsido sa katakus niini ug us aka kini ka inspirasyon, hinungdan nga ilang gidapit aron mulangkob isip sakop sa panel of judges sa bag-ohay lamang nahuman nga pageant.

Iza and Ian again

Adunay reunion project sila si Iza Calzado ug Ian Veneracion human sa tulo ka tuig nga wala nagkauban og trabaho. Kini pinaagi sa romantic-comedy web series nga Brady and Brody nga isalida sa WeTV Philippines sunod tuig. Ang Sangre Productions sa grupo nila ni direk Mark Reyes, Sunshine Dizon, Diana Zubiri ug Iza maoy mogama niini. Kanhi mga bida sa ABS-CBN teleseries nga A Love To Last sila si Iza ug Ian.

Respeto sa naandan

Giklaro  ni Bella Padilla nga mapasalamaton siya sa live streaming platforms apan padayon gihapon siyang nagrespeto sa naandang pamaagi pagpasalida og pelikula. Kini kay gitakda na nga mulugwa sunod bulan ang ilang 2019 MMFF movie ni Aga Muhlach nga Miracle in Cell No.7 sa labing bag-ong live streaming platform nga WeTV Philippines.   “I feel like we just always have to be open to what’s new and what we can do. I just hope that the actors, the creative team, the staff and everyone can be treated or respected as they were when we were working for the silver screen and or even better kung hindi mapantayan ay mahihigitan pa yung level of respect for the work,” nagkanayon siya sa presscon sa WeTV Philippines adtong nilabay adlaw.