Lucy, hindi hinihigpitan si Juliana sa mga manliligaw

Naniniwala si Lucy Torres-Gomez na hindi dapat pinaghihigpitan ang mga kabataan lalo na ang nag-iisang anak nila ni Richard Gomez na si Juliana. Ngayon ay 20 taong gulang na at hindi naman daw naging rebelde bilang anak si Juliana. “’Pag pinigilan mo nang sobra magrerebelde ang bata. What’s there to control so much ba? You’re only young once. And it’s normal to have friends. It’s normal to have suitors. So why put malice in things that are a normal part of growing up,” paliwanag ni Lucy.

Suportado rin ng Congresswoman ang pagkakaroon ng crush ni Juliana. Para kay Lucy ay normal din na nagkakagusto na sa mga lalaki kapag nagdadalaga na. “Parang there was no defining moment na parang, ‘Ah! She likes boys na.’ Kasi parang we were always free to say, ‘Ay! Ang cute niya.’ Parang I was so supportive. When she was into One Direction, buong room niya puno ng sign. She had a corner and she put everything she liked. The whole wall will be filled with pictures of mga One Direction members,” kuwento niya.

Kung minsan ay natatanong ni Congresswoman Lucy si Juliana kung nakararamdam ng kalungkutan dahil sa hindi nito pagkakaroon ng kapatid. “It was just three of us, our little family of three. I asked her nga, ‘Juliana, are you ever lonely?’ Kasi nga she’s our only child. And then I remember one time she called me into her room and then she brought me to her banyo and said, ‘Mama, look I’m an only child but there are eleven toothbrushes in my room.’ ‘Coz all her friends sleepover and then they leave their toothbrushes with their names na. So yeah, her friends are like extended family na. We treat them like our own children too,” pagbabahagi ni Lucy.

Joao, naging marupok sa pagso-solo sa condo

Walang kasintahan ngayon si Joao Constancia. Matatandaang si Sue Ramirez na ngayon ay kasintahan ni Javi Benitez ang huling nakarelasyon ni Joao. Umaasa ang aktor na muling makakakilala ng bagong babaeng magmamahal sa kanya. “Mahilig ako sa mga babae na who is very loving, who I can connect on a deeper level po. Fun to talk to. Pagdating naman sa physical traits, I don’t really mind kung whatever she looks like as long as she’s respectful, loving and beautiful. I’m pretty sure all of them are beautiful naman,” pagbabahagi ni Joao.

Mag-isang naninirahan sa Pilipinas ang aktor dahil sa China nakabase ang pamilya nito. Ayon kay Joao ay may mga pagkakataong nakikipag-usap siya sa mga kaibigang babae dahil walang kasama sa condominium unit. “Dahil mag-isa lang ako sa condo, I tried to talk with some of my friends, tried to reconnect with them. I guess I became marupok din dahil I got to meet new people ang got to talk to them for a while pero hanggang doon lang naman po,” pagtatapat ng aktor. Reports from JCC