Tinuyo nga pagbiya

Pagtuo ni Miss Universe Philippines Mateo Rabiya nga plano na gyud sa iyang amahan nga si Syed Mohammed Abdullah Moqueet Hashmi nga talikdan sila kay ang nahitabo, dihang nilarga kini paingon sa Amerika aron ipadayon ang pagka-doctor didto, may duha pa kini ka mga igsuon nga nahibilin dinhi sa nasud ug padayong nagtungha. Busa, giadto kini sa iyang inahan aron magpakisayud kabahin sa ilang amahan, apan giputol matud pa sa duruha ang ilang komunikasyon. Apan giklaro ni Rabiya nga bisan paman og gibiyaan sila sa iyang amahan, wala siya magbaton og kayugot niini diha sa iyang kasing-kasing, ug malaumon siya nga magkita ra gyud sila puhon sa umaabot.

Kinasingkasing nga pagtabang

Wala sa ulo ang korona kun dili anaa sa kasingkasing sa usa'g-usa. Kini maoy pamahayag ni Miss Universe Philippines 2nd Runner-up Michele Gumabao ngadto sa iyang mga supporters nga nidayeg kaniya kay padayon gihapon siya sa iyang charity works. Nitekang si Michele sa Nueva Ecija niining bag-o lang ug nanghatag og school supplies sa mga bata didto. May kalambigitan kini sa programa sa Rektang Bayanihan sa PNP diin dugay na nga advocate si Michele.

Lig-on nga istorya

Seryoso ug bug-at ang tema sa umaabot nga teleserye sa Ritken sa GMA7 nga mao ang Dalawang Ikaw. Sa istorya, adunay dissociative identity disorder ang character ni Ken Chan diin aduna siya'y multiple personalities. Gumikan niini, gawas sa iyang asawa nga si Rita Magdalena, malambigit pa sya og laing babaye.