Dating aktres na si Beth Tamayo, ayaw na sa bonggang kasalan

MANILA, Philippines — Kahit na one year nang engaged ang dating aktres na si Beth Tamayo, wala pa raw silang pinaplano ng kanyang fiancé na si Adam Hutchinson na wedding.

Nag-propose si Adam kay Beth noong October 13, 2019 pagkatapos nilang tumakbo sa Chicago Marathon. Sey ni Beth, “He proposed right after I finished the race. So, naka-anniversary na kami na engaged.”

Through common friends daw nakilala ni Beth si Adam noong lumipat siya from New York to San Francisco. Katatapos lang daw ng relasyon ni Beth sa ex-boyfriend nito na six years niyang nakasama sa New York. Si Adam ay nagtatrabaho sa Google.

“We were both invited to a party. And then I met him there. Okey naman. He was like two years younger. I’m still older. Nakakaloka, ‘di ba? Walang kasing edad ko o mas matanda sa akin na manliligaw sa akin.

“I guess from there, ‘yong friendship (namin) naging relationship na rin. We’ve been together since March of 2017.”

Tungkol sa pagpapakasal, mas gusto raw ni Beth na simpleng wedding dahil naranasan na raw niyang magkaroon ng enggrandeng wedding noon. Kailangan daw nilang maging praktikal dahil sa nangyaring COVID-19 pandemic. “I was telling Adam, even before when he proposed tapos after that I sat down with him, we talked na sabi ko, ‘You know what? This is my second wedding.’ And he knows it. Sabi ko, ‘I’ve had a big wedding before and I don’t think I want that anymore.’ Kasi I’ve ‘been there, done that,’ e. Sabi ko, ‘Sayang lang ang pera.’ 

“I told Adam, if it was really up to me, I want it to be like small, like my immediate family, same thing with his family, mom, dad, sister. And you know? Simple lang. We can just go down to the city hall. And after that, we will text everybody, ‘We’re having party at home. Punta kayo.’ Whoever makes it then that’s it. ‘We just elope after if that’s okay with you. If you’re totally fine with it.’”

Aicelle, sa December na manganganak

Sa December na iluluwal ni Aicelle Santos ang first baby nila ni Mark Zambrano at ang napili nilang name para kay Baby Z ay Zandrine Anne. 

Ni-reveal nila ito sa naganap na virtual baby shower kamakailan.

1D member Liam Payne, tinawag na bad dad

Binash ng netizens ang former One Direction member na si Liam Payne dahil sa pagiging “part-time” parent nito.

Inamin ni Payne na he will take some time away sa kanyang three-year old son na si Bear for personal reasons. Isa na rito ay ang hindi nila pagkakasundo ng partner niyang si Cheryl.

“We discussed from the start and for different reasons, me and Cheryl decided I should be away for a little bit, it’s not unusual for me to be in and out of his life. He’s a quiet and chill child. He doesn’t worry about things too much.”

Pero hindi natuwa ang maraming netizens sa sinabi ni Liam at kinukuwestiyon nila ang parenting skills nito, lalo na’t hindi ito present parati sa buhay ng anak. Tinawag tuloy siyang “bad dad.”