Nanguyab diay

CEBU, Philippines — Gibuking ni Julia Barretto si Marco Gumabao nga nanguyab niya kaniadto, apan wala niya sugta sanglit bag-o pa siya na-broken-hearted niadtong panahona. Mao kini ang makalingaw nga unod sa latest vlog ni Julia kauban si Marco. Gibutyag ni Marco nga barkada na gyud sila ni Julia kaniadto pa, 18 years old ang dalaga ug 21 years old siya. Niya pa, ma develop gyud kasa sige nila’g kuyog-kuyog. Pero matud nilang duha, bisan paman sa nahitabo, wala maapektuhi ang ilang oanaghigalaay, kundi, mas nalig-on.

Dagha’g uyab

Gitug-an ni Vina Morales atol sa latest vlog nila ni Mariel Rodriguez nga usa ka tuig ug tunga ang on and off relationship nila ni Robin Padilla kay daghan kaayo og uyab ang actor. Bisan kinsa matud pa nga mapares ni Robin, malambigit niini. Alegre ang panagtabi nila ni Mariel ug Vina. Niingon si Mariel nga part gyud matud pa sa ilang kiabuhing minyo ni Robin si Vina sanglit nisaad siya nga kun kinsa man gani ang love sa iyang bana, love na sab niya.

Winner sa Italy!

Nidaog sa best performance category ang pelikulang Kaputol sa 4th Innuendo International Film Festival didto sa Milan, Italy niadtong October 27 hangtud October 30, 2020. Fragments ang international title sa maong indie movie nga gibituonan nila ni Quezon City District V House Representative Alfred Vargas ug Cherie Gil. Si Ricky Lee ang scriptwriter niining maong indie movie, sa direksyon ni MacArthur Alejandre.

Breakthrough category

Nominado sa 6th Wish Music Awards Breakthrough Artist of the Year Category si Michael Pacquiao alang sa iyang kanta nga “Hate” nga aduna nay 12 million views ang performance sa Wih Youtube channel. Katigi niya sa titulo sila si The Vowels, They Orbit ug  Zild Benitez of IV of Spades.

Lena

Panimalos ang tema sa bag-ong teleserye ni Erich Gonzales nga isalida na pinaagi sa IWANT TFC karong November 14. Kini mao ang ‘La Vida Lena,” diin leading men ni Erich sila si Carlo Aquino, JC de Vera ug Kit Thompson. Istorya kini sa us aka buotang dalaga, nga gidaog-daog sa adunahan nga pamilya sa ilang lungsod, bati og nawong, ug nagpa plastic surgery, dayon gibalikan ang mga nipasakit niya ug sa iyang pamilya.

Kasal

“Everything I do right now, kumbaga, part siya ng grand plan of settling down. Hindi lang ‘to ‘yung basta ‘Ay tanggap akong show para may panggastos ako, hindi. Ngayon, tanggap akong ganito para may panggastos sa magiging pamilya, may pahabol ng thought na gano’n.” Kana maoy pamahayag ni Luis Manzano atol sa programang Push Bets Live sa push-abs-cbn.com  niadtong Biyernes kabahin sa samputanan sa upat na ka tuig nga relasyon nila ni Jessy Mendiola.

My first love sweetheart

Emotional si Yohan Agoncillo sa surprised virtual birthday celebration nga gimugna sa iyang mga ginikanan nga sila si Ryan ug Judy Ann Santos Agoncillo sa nilabay nga adlaw, diin natambong iyang mga suod nga mga higala. Suma pa ni Yohan, mapasalamaton siya ngadto sa iyang mga ginikanan, daghan pa unta siya og buot isulti apan naglumbaanay na og tubod iyang mga luha. Samtang ania ang tipik sa mensahe ni Juday para sa iyang anak: “You will always be my first love sweetheart ... you are one of God’s greatest blessings and will forever be mommy and daddy’s baby girl! We love you so much sweetie pie ... I know, in my heart.. that we were meant to be... #yohan16. Thank you to everyone who made our baby girls bday extra special!”

Puros Nindot!

Aminado si Kokoy de Santos nga dili gyud malikayan nga itandi ang iyang bag-ong BL series nga Oh! Mando ngadto sa sikat kaayo ug malampuson niya nga series nga mao ang Gameboys. Pero kun siya maoy pabut-on, mas maayo nga dili na lang kini mahitabo sanglit managlahi ang duruha ka mga istorya apan managsama nga nindot ug may pagtulun-an. Nagsugod na ang Oh Mando sa iWANT TFC, diin kauban niya dinhi sila si Alex Diaz ug Barbie Imperial.

Number 1!

Number 1 trending sa Netfix Philippines ang Alone/Together movie nila ni Liza Soberano ug Enrique Gil, hinungdan nga nagpasalamat og maayo ang aktres sa suporta nga gibubo ngadto niya. Sa Instagram Post ni Liza, nagkanayon siya nga naghinamhinam na siya og maayo nga makabalik og trabaho aron makamugna pa og mga pelikula alang sa kalingawan sa mga nagsuporta kanila.