Kapamilya Forever

CEBU, Philippines — Gipasalig ni Piolo Pascual ngadto kang ABS-CBN content chief Charo Santos Concio nga kapamiya forever gyud siya, ug igo lamang siyang nanarbaho sa laing estasyon pagkakaron. Giluwatan kini ni Piolo atol sa interview ni Charo niya para sa Kumu show nga Dear Charo niining bag-o lang. Kasamtangan nga makita si Piolo sa Sunday Noontime Live sa TV5 nga iya sa Brightlight Productions.

Star Cinema ug Briglight collab

Nagtambayayong ang Star Cinema ug Brightlight Productions alang sa usa ka project nga isalida sa TV5. Kini mao ang Love On The Move, nga adunay 13 ka episodes ug istorya kabahin sa mga riders karong may pandemic. Line producer ang Star Cinema, buot pasabot, sila maoy magdumala sa mga buhatonon matag shooting. Lakip sa mga artista niini mao sila si Elisse Joson, JC Alcantara ug Elmo Magalona. Upat matud pa kini ka mga love story.

Bwelta ni G.!

Gibirahan ni G. Tongi niadtong Miyerkules sa gabii si Arnel Ignacio,human namahayag ang nauwahi nga lisud na depensahan ang mga artista karon sanglit hinay na og utok, hambog pa. Walay ginganlan si Arnell, apan ang netizens ni-mention kang Angelica Panganiban isip maoy gipasabot niini. Kini human usab ni-tweet si Angelica niadtong Domingo kun unsa nay plano atol sa pagsingabot sa bagyong Rolly. Walay ginganlan si Angelica, apan gisabot kini sa mga DDS nga si Presidente Rodrigo Duterte ang gipasabot sa aktres. Busa, bwelta ni G. pinaagi sa twitter: “Arnel- dahan dahan lang sa pag atake ng mga kasamahang sa industrya na ginagamit lang naman ang kanilang boses na karapatan naman nila... Sa kaalaman ko, ang may mahinang ulo ay yung di tumutubong buhok mo, kaya tuloy naka plug ins ka...”

Mag-voice lessons

Gidasig ni Marian Rivera ang iyang anak nga si Zia, nga mag-voice lesson sanglit hilig man gyud kini mokanta. Gani, bag-o lang gi-upload ni Dingdong Dantes sa iyang Instagram account ang video nila sa iyang anak nga si Zia nga nikanta og Stand By Me. Matud ni Marian, dili siya makatudlo ni siya og kanta kay mora’g baki ang iyang tingog. Si Dingdong, pwede unta apan busy. Una na nga gipamahayag ni Marian nga uyon sila ni Dingdong kun mag-artista man gyud gani si Zia apan kinahanglan makahuman kini og eskuyla.

Princess Dayereese

Giplano na ang comeback movie sa Mayward loveteam nga gilangkuban nila ni Maymay Entrata ug Edward Barber. Kini mao ang ‘Princess Dayareese” sa Star Cinema. Romantic-comedy ang maong project, kansang shooting hapit na sugdan.

Live na sa Studio

Nitulo ang luha ni Willie Revillame pagbalik niya’g taak sa Studio 6 sa GMA7, human sa unom ka bulan nga wala na makasulod didto gumikan sa pandemic. Matud ni Willie, nahingawa siya sa kamingaw na sa studio. Hinuon, sugod karong adlawa, balik na sa maong studio ang Wowowin ni Willie. Lunes hangtud Huwebes, adto gihapon siya sa pethouse sa Wil Tower mag-live suma pa sa PEP.

Deserve mo…

“Deserve mo na paliguan ng happiness dahil mabuti kang tao, kaibigan, kapatid, anak, pinsan, artista ng bayan, and many more.” Tipik sa mensahe ni Kim Chiu sa iyang barkada nga si Angelica Panganiban nga nag-34th birthday niadtong Miyerkules. Nagpasalamat si Kim kang Angelica gumikan kay gisakyan matud pa niini ug ni Bela Padilla ang iyang mga trip. Mag-bestfriends silang tulo.

My Korean Jagiya

Ibalik sa GMA7 ang “My Korean Jagiya” starring Heart Evangelista ug ang Korean star si Alexander Lee. Ihulip kini sa Kambal Karibal. Karong November 23 na kini sugdan, 10:15pm, human sa Descendants of the Sun.

Niatras si Marvin

Kalit nga niatras si Marvin Agustin sa Hoy! Love You!, ang project unta nila ni Jolina Magdangal para sa Iwant TFC sa wala pa matino nga rason. Naglibog ang production people sanglit hagbay ra kining gidawat ni Marvin, ug karon nga magsugod ang lock in taping nila, kalit kining dili na modayon. Nangita pa og hulip kang Marvin alang sa maong project nga apil sab sila si Dominic Ochoa, Wennie Cordero ug Pepe Herrera.

Wildest Dreams

Nitala na og 1 million Youtube views ang Wildest Dreams visual album ni Nadine Lustre sulod lang sa tulo ka mga adlaw. Gumikan niini, gi-congratulate siya sa iyang ex-boyfriend nga si James Reid, kansang record label nga Careless maoy producer niini. Lakip sa mga kanta nga nalakip niini mao ang  "Dance with Danger," "White Rabbit (ft. Massiah)," "Glow," "Ivory," "Grey Skies," ug ang title track, "Wildest Dreams."

Blessing para kang Alex

Wala na matud pay angayan tin-awon si Alex Diaz sa isyu nga naglambigit kanilang duha ni Tony Labrusca sanglit makapila na sila nagpa interview kabahin niini.

Ug kun ugaling adunay BL series nga itanyag ngadto nilang duha, dawaton kini ni Alex basta nindot ang istorya.

“I think to dissect the situation, I need to take complete ownership sa lahat ng mga bagay sa buhay natin. In terms of clarification, wala na akong kailangan i-clarify kasi I think naka ilang interview na ako and I think kami din ni Tony alam namin na kahit anong sabihin namin, you know people will really talk and the issue won’t die because it’s on the internet. To answer the question, alam ko naman na pag nag-project kami ni Tony, maraming manunuod. Papatok siya because of the issue. So if the script is really good, if the script is fantastic, why not?”, nagkanayon siya kabhain niya ug sa iyang bestfriend nga si Tony.

Masud-ong na sugod karong gabii (9pm) ang iyang BL series nga Oh, Mando sa Iwant TFC, diin makauban niya sila si Cocoy delos Santos ug Barbie Imperial. Excited na matud pa siya niini sanglit nindot kining maong proyekto ug nanghinaot siya nga matabunan na ang isyu diin gibuking siya sa nilabay nga tuig nga usa ka bisexual.

Padayag niya, blessing kining maong boy love series para niya sanglit niabot kini sa panahon nga nipauli na siya sa Canada kay talikdan na unta niya sa hingpit ang showbiz gumikan sa isyu batok niya sa nilabay nga tuig kabahin sa iyang sekswalidad.

I was kind of waiting for a sign. I thought maybe this was God’s way of telling me that, ‘You have to come back and show everybody that you’re just as entitled to the dream as everybody else. No matter where you came from or no matter what you’ve gone through, no matter what you’re struggling with on the inside or at home, the dream is for everybody. So we’re all entitled to it.’ So that’s why I said yes to the project,” nagkanayon siya atol sa mediacon sa Oh, Mando. /Gikan sa PUSH.