“Stop calling people ugly”

Nanawagan si Miss Universe Philippines Rabiya Mateo nga sa dili paghingan og batig nawong sa ubang tawo. Kini iyang giluwatan pinaagi sa IG story niya kagahapon dungan sa pag-upload sab sa iyang yearbook photo nga gipistahan sa netizens kay lagi dako og kalainan iyang dagway kaniadto ug karon.

Gikagis ang kilay

Gikiskisan ni Vice Ganda ang iyang kilay kagahpon atol sa “Mass Testing” segment sa It’s Showtime sanglit wala siya katag-an sa angay nga tubag. Bisag nagyawyaw, napugos siya pagkiskis sa iyang kilay. Nakabayad sab siya og P110,000 kay wala niya mabaligyai og tanom si ASB-CBN executive Charo Santos Concio.

Ka edad ang auntie

Nahugyaw si Coleen Garcia sa kamatuoran nga magdungan sila sa iyang amahan nga magpadako og tagsa-tagsa nila ka mga anak. Naminyo ang iyang amahan nga si Jose Luis sa nilabay nga tuig human kini nagpuyong single sulod sa 15 ka tuig. Ug gihimugso sa asawa niini niadtong October 20—manghod og 10 ka mga adlaw sa anak nila ni Billy Crawford nga si Amari.