Oops: Kim Chiu 'nadulas' sa ugnayang Gerald Anderson-Julia Barretto sa live TV
MANILA, Philippines — Patong-patong ngayon ang espekulasyon ng netizens hinggil sa "real score" sa pagitan nina Gerald Anderson at Julia Barretto matapos tila kumpirmahin live on television ng dating nobya ng aktor.
Number 1 trending kasi ngayon si Kim Chiu matapos puntahan ang social media account ni Gerald para sa isang televised "punishment": "Tapos pagbukas mo rito, nandito si Julia Barretto."
"Ay... bawal ba [sabihin]?" wika niya matapos i-like ang limang Instagram posts ng ex-boyfriend para sa segment ng "It's Showtime" ngayong Miyerkules.
Tila shocked naman si Kim sa naging reaksyon ng ibang "Showtime" hosts sa kanyang sinabi, at napa-"peace sign" na lang habang nakangiti.
Maririnig pa sa background ang ibang hosts na sinasabi ang sumusunod matapos ang statement ni Kimmy: "Live tayo ngayon... Live!"
Kim Chiu napa-upo dahil mali ang kanyang hula sa unang round ng MAS TESTING ngayong Miyerkules!#ShowtimeSolid11 pic.twitter.com/Uue7NPXOCO
— It's Showtime (@itsShowtimeNa) October 28, 2020
Taong 2019 pa nababalitang may kinalaman si Julia sa hiwalayang Gerald-Bea Alonzo, ngunit nananatili pa ring tahimik ang kampo ng aktor at ng unang nabanggit.
Dati na ring itinanggi ni Julia na naging sila ni Gerald noon at ngayon.
Basahin: Gerald Anderson still mum on real score with Julia Barretto
May kinalaman: Julia Barretto finally speaks up on alleged relationship with Gerald Anderson
Matatandaang kinampihan pa ni Gretchen Barretto si Bea nang mangyari ang break-up, kahit na pamangkin niya mismo si Julia.
'It's just a game'
Habang ginagawa ang kanyang "FUNishment," tiniyak naman ni Kimmy na walang dapat ipagselos ang kanyang celebrity jowa na si Xian Lim sa kanyang ginawa sa telebisyon.
"Hi Xi! Nanunuod ka ngayon, Xi. This is just a game, Xian Lim!" wika ng kinakabahang girlfriend.
Unang nagkrus ang landas nina Kim at Gerald nang lumabas sa reality TV series na "Pinoy Big Brother," hanggang sa maging magkarelasyon sa totoong buhay.
Nagresulta ito sa pagkakaroon nila ng maraming proyekto hanggang sa maging onscreen love team na rin. Taong 2010 nang mag-break ang tambalang "Kimerald."
"Bakit niyo naman isasali 'yung taong 'to [Gerald]? Nananahimik na kami ah?" patawang sabi ni Kim nang unang banggitin sa kanya ang kanyang parusa.
"Isang dekada na ang nakalipas. Xi, alam mo naman ang totoo."
- Latest