Mature na’g hunahuna

Nakadayeg si Heart Evangelista kang Maria Isabela Galeria, ang pambato unta sa Sorsogon sa labing unang Miss Universe Philippines pageant apan niatras kay bisan og naayo na siya sa Covid 19, luya pa gyud iyang lawas aron makigsangka sa maong indigay. Higala ni Heart si Isabela, ug all out ang suporta nila niini sa iyang bana nga si Chiz kinsa maoy gobernador sa Sorsogon. Matud ni Heart, mature na kaayo si Isabela bisan sa edad niini nga 21, sanglit gipangandaman gyud niini ang MUP og maayo, apan nakaako gihapon og sakripisyo sa pangandoy alang usab sa kaayohan sa tanan.

Mahal, bug-at ang korona

May ga gwardya gyud ang Miss Universe Philippines Crown. Bisan og wala ibutyag ni national pageant director Shamcey Supsup pila gyuy kantidad sa maong korona, apan  giklaro niya nga tinuod gyud ang mga bato nga naa niini hinungdan ga medyo bug-at kini. Gawas sa diamonds aduna kini precious stones nga ruby, sapphire, ug topaz—nga nagsimbolo sa mga color sa Philippine flag.

Mixed emotions

Unta aduna nay vaccine batok Covid ug makapahimulos ang tanan, maayo na ang mga nataptan sa virus ug matapos na ang pandemya. Kini maoy birthday wish sa Sugbuanong si Isabel Oli kinsa nag-39th birthday sa nilabay nga adlaw. Mixed emotions ang gibati ni Isabel sa iyang birthday sanglit wala niya makauban ang iyang bana nga si John Prats kay naka lock-in taping kini. Wala sab iyang mga paryente gikan dinhi sa Sugbo, mga igsuon nga tua sa Manila ug mga kadugo gikan sa abroad, gumikan lagi sa pandemya karon.