Gipakpakan ang Chrome Effect

CEBU, Philippines — Gidayeg og maayo sa netizens ang Walang Hanggang Paalam teleserye nga nagsugod na niadtong Lunes sa Kapamilya Channel ug sa Kapamilya Online Live. Kini gumikan sa paggamit sa production og chrome effect alang sa mga eksena nila ni Angelica Panganiban ug Paulo Avelino diin makauban nila ang ilang anak.

Pinaagi sa chrome effect, mora ra og naa ra sa susamang dapit ang ka eksena bisan ang tinuod naa siya sa laing dapit mahimutang. Mao na kini uso nga pamaagi nga gigamit sa Hollywood.

Kinahanglan nila nga mogamit og chrome effect gumikan kay gidili pa karon ang mga 15-anyos paubos nga mogawas gumikan usab sa pandemya. Gumikan niini, dili mahimong paadtuon sa set ang bata nga maoy nagdala isip anak sa character nila ni Angelica ug Paulo sa istorya.

Ang Walang Hanggang Paalam, usa ka action series ug gideklara ni Angelica nga maoy iyang katapusan nga teleserye nga himuon.

Sila na?

May relasyon na matud pa sila si Jodi Sta. Maria ug Raymart Santiago sugod pa niadtong Abril.

Kini maoy balita sa source ni Salve Asis nga gimantala sa www.latestchika.com.

Managsama na silang duha nga walay kabilinggan.

Nagpakisayod si Asis sa usa ka ABS-CBN executive kun may proyekto ba nga gigama sila si Raymart ug Jodi karon, apan tubag niini mao nga wala.

Suma pa sa source ni Asis nga nagpadala niining maong hulagway, nanihapon sila si Raymart ug Jodi niining tungora. Dungan sila nga niabot ug nibiya sa restaurant.

Didto matud pa kini sa Ayala Alabang diin surprise kini ni Jodi alang kang Raymart.

Hakog ka!

Nalingaw ang netizens sa reaksyon ni kanhi Miss International Kylie Versoza sa latest instagram photo sa iyang uyab nga nga gi-upload sa Instagram niining bag-o lang. Nagsul-ob og mask, apan naghukas si Jake sa hulagway, diin ubos na kaayo ang karsones niini. Hot and sexy ang reactions sa netizens sa maong hulagway, apan si Kylie lahi og reaksyon: Pwede itaas ang pants ng konti. Gumikan niini, gikomedyahan siya sa netizens nga hakog.

Unreleased Album

Madunggan na puhon sa mga fan ni Heart Evangelista ang iyang unreleased songs. Kini human naukayan niya iyang kaban nga gibutangan sa iyang recorded songs niadtong 21 years old pa lamang siya, apan wala ma release ngadto sa publiko.

New Episode

Bag-o na ang Tadhana episode nga idalit ni Marian Rivera karong Sabado puhon, October 3. Silas i Jason Abalos ug Katrina Halili ang bida sa istorya kabahin sa asawa nga nahiagom og sexual abuse sa iyang bana karong pandemya. Sa ilang balay nga gi-shoot ni Marian iyang eksena, u g ang iyang bana nga si Dingdong Dantes maoy director niya. Dili pa gyud mogawas si Marian sa ilang balay gumikan usab sa pandemya.

Para sa Pamilya

‘It’s for my family.” Kini ang rason ni Billy Crawford human siya hingpit nga gipaila isip labing bag-ong TV5 talent niadtong Martes. Si Billy maoy host sa reality show “Masked Singer Pilipinas” nga molugwa na karong October 24, 7pm, sa TV5.

Nagsugod na

Nagsugod na kagahapon ang lock in taping sa Cara Y Cruz, ang teleserye nga bituonan na ni Barbie Imperial human nibalhin si Julia Barretto sa Viva Entertainment. Apil gyud daan sa cast si Barbie, apan dili unta siya bida. Si Tony Labrusca iyang leading man. Apil sab niini sila si Rio Locsin, Sunshine Cruz, Cris Villanueva, Yves Flores, Heaven Peralejo, Keempee de Leon, Nikki Valdez, Bernadette Allyson, ug Richard Quan.

Frontliners

Adunay bag-ong news program ang TV5 nga makita na sugod karong Lunes, 6:30pm to 7:30pm. Kini mao ang Frontliners Pilipinas diin anchors sila si Raffy Tulfo, Cheryl Cosim, Luchi Cruz-Valdes, Lourd de Veyra ug Ed Lingao.

High Rise Lovers

Sa Lunes na, October 4, 9pm, makita ang ‘High Rise Lovers” episode sa GMA7 drama anthology I Can See You. Bida niini sila si Lovi Poe, Tom Rodriguez, Winwyn Marquez, Teresa Loyzaga, ug Kenneth “Tetay” Ocampo, sa direksiyon ni Monti Parungao.

Five- year contract

Lima ka tuig nga management contract ni Julia Barretto sa Viva Entertainment. Kini maoy nasayran kagahapon human siya opisyal nga gipaila isip labing bag-ong Viva talent. Ang 23-anyos, kanhi ubos sa pagdumala sa Star Magic sukad pa niadtong 2006.

Next year na  mo trabaho

Humanon na lang ni Derek Ramsay ang tuig, usa pa siya mobalik og trabaho. Gamiton na lamang niya matud pa ang nahabiling tulo ka bulan aron mas mahatagan og panahon ang iyang pamilya u gang pamilya sa iyang uyab nga si Andrea Torres. Hinuon, nakahuman na siya og duha ka commercial, busa okay na niya nga dili lamang usa motrabaho. Giklaro ni Derek nga gisunod gyud nila ang health protocols atong sa shooting sa commercials.

Nakabalay

Nakapatukod og balay si Dimples Romana sa iyang mga “best friend” role sa telebisyon kaniadto. Kini maoy iyang gibutyag sa latest vlog ni Beauty Gonzales. Suma pa ni Dimples, nagpaabot gyud siya og dugay usa pa niabot ang iyang break sa Kadenang Ginto isio Daniela Mondragon. Tambag niya, magpasensya lang gyud ug dili tubayan ang isulti sa mga tawo.