Regine, natanggong sa elevator; gisapot kang Ogie!

Ka usa ra nag-away ang magtiayong Regine Velazques ug Ogie Alcasid sukad sa pagsugod sa pandemya. Nahitabo kini niadtong Abril, human nasirad-an sulod sa elevator si Regine ug natanggong sulod sa 30 minutos.

Butyag sa magtiayon atol sa facebook live interview nila sa magtiayong Dra. Vicki Belo ug Dr. Hayden Kho Jr., mao kadto ang labing unang higayon usab nnga gisingkahan siya ni Ogie sukad sila nagminyo niadtong  2010.

May kasabutan gyud matud pa sila nga dili mag-away o muhimo og mga lakang nga mahimong sinugdanan sa away sanglit 24 oras sila nga mag-uban.

Apan, nasingkahan gyud siya ni Ogie niadtong Abril.

Tsika pa ni Regine nga nagkatawa ngadto sa magtiayong Belo: “Nakulong ako sa elevator… on my birthday. Dito sa bahay.”Tapos hindi ako hinanap.”

Pero giangkon ni Regine nga siya ra sab gyud ang mabasol sa nahitabo. Kini kay nalimot siya nga na-on diay niya ang ilang UV (ultraviolet) light sanitizer aron ma-disinfect ang ilang hagdanan.

Nasayran nga automatic nga musirado ang ilang elevator kun naka on ang UV light aron masiguro nga walay ma –expose sa silaw niini nga hayan makadaot sa mga mata.

Ang ending, natanggong si Regine og 30 minutos, apan nakagawas ra sab siya sa kaugalingon niyang paningkamot.

“I opened it myself!” butyag pa ni Regine. “Nakawala ako sa elevator, mag-isa ako.”

Frustration

Depensa ni Ogie nga nagbasa matud pa siya og libro sa taas kauban ang ilang anak nga si  Nate. Nakadungog siya og kasikas apan wala sab siyay mahimo sanglit nagsiga pa ang UV   light.

Matud ni Regine nga nakasabot sab siya nganong nasingkahan siya ni Ogie.

Kini kay buot niining matabangan siya apan limitado ang mahimo niini gumikan sa UV light.

“Parang alam ko naman na hindi niya kasalanan, but I just needed to blame someone, and I just blamed him.”