P100K nga ‘ayuda’ gihimakak ni Heaven

CEBU, Philippines — Hugtanong gihimakak ni Heaven Peralejo ang niulbo nga intriga nga matud pa nangayo siya og ayuda nga P100,00 sa magtiayong Manny ug Jinkee Pacquiao .

Anak sa magtiayong Pacquaio ang ex-boyfriend ni Heaven nga si Jimuel.

Gitataw sa aktres nga resulta sa iyang pagkugi ang mga butang nga naa niya karon ug dili mahitabo nga mangayo siya og kuwarta sa laing tawo.

“I’ll get straight to the point. I didn’t ask anyone for money. I am beyond grateful that I am blessed with opportunities to earn an honest living. Whatever I have now is a product of my hard work and not extracted from anyone’s pockets,” niya pa.

Nagpasalamat si Heaven kang Jimuel sa pagdepensa kaniya sa maong isyu.

“Thank you to Jim and his family. I appreciate your efforts to stand with me. As well as to my family, friends, and supporters, thank you for always looking after me. I hope we can all move forward from this issue,” niya pa.

Una na nga nitataw si Jimuel nga dili tinoud ang isyu nga gibato ngadto sa iyang ex-girlfriend.

“We keep getting involved in these issues and I just want to clear things up. She is not the type of girl and we are in good terms so no need for all the bashing,” suma pa ni Jimuel.

Xian gipasigarbo ni Kim

Gipasigarbo gyud ni  Kim Chiu ang iyang boyfriend  nga si  Xian Lim gumikan kay wala gyud siya pasagdi niini sa panahon nga nagsagobang siya og mga pagsulay.

“Si Xian kasi lagi siyang nakikinig sa problema ko. Simula’t simula pa lang.So, para siyang sponge na nag-aabsorb ng sama ng loob kahit ilang oras kami magkausap. ‘Sige magsalita ka lang.’ Tapos after namin mag-usap, okay na ako,” saysay  pa ni Kim atol sa iyang interview sa online show ni Angeline Quinto nga  “PadaLOVE Season 2”

Suma pa sa aktres nga dali ra kaayo maka-detect si Xian kun duna siya’y problema.

“Tapos minsan kapag meron naman akong dinadala, sabi niya ‘Bakit parang naiiyak ka? Ano nangyari sa ‘yo?’Kahit hindi ko sabihin sa kanya, alam niya na parang meron akong dinadamdam,” dugang pa ni Kim.

”Buwag issue” dili tinuod

Gitataw ni Angel Locsin nga usa ka fake news ang nikatap nga taho nga matud pa nagbuwag sila ni Neil Arce.

Una na nga gibutyag sa duha nga giuswag na sunod tuig ang ilang kasal.

“Oh wow. Can’t believe some people would stoop this low.Why do some people make this much effort to put me in a bad light? That is the question,” suma pa sa iyang social media post.

Nakat-onan ni Kyle kang  Sarah

Sa usa ka radio interview , gipaambit ni Kyle Echarri ang mga nakat-onan niya gikan sa iyang mentor sa The Voice Kids kaniadto nga si Sarah Geronimo.

Kanunay gyud siya nga gipahimagnoan ni Sarah nga magpabiling mapaubsanon bisan paman sa kalamposan nga iyang nakab-ot sa kinabuhi.

"One thing that I kept with me that she always told me was to keep my feet on the ground and that's the number one thing. She always made sure that her artists are humble at all time no matter how far we've got. She always treated each one of her artists the same. And she always made sure that we always keep our feet on the ground," saysay pa ni Kyle sa interview niini sa Monster RX93.1.

Tungod usab ni Sarah , nawala ang iyang pagkamaulawon.

Nawili sa karakter

Puwerting hilaka ni Rocco Nacino samtang gihubo niya ang iyang uniporme pagkahuman  sa final taping day  sa Pinoy remake sa Descendants of the Sun sa GMA-7  kun diin nidala siya isip “Captain Diego Ramos” .Nagpasalamat siya sa tanang nisuporta sa maong teleserye. “Finally home. Yesterday was the last day na suot ko ang uniporme ni Diego Ramos. Mangiyak iyak ako habang hinuhubad ko ang outfit na ito, realizing that yes, tapos na kami sa show na ito,” suma pa sa IG post ni  Rocco.

Magpabiling Kapamilya

Gibutyag ni Sue Ramirez nga wala siya’y plano nga mobiya sa ABS-CBN . Wala pa’y ideya ang aktres sa sunod niya nga proyekto inigkahuman sa  teleseryeng A Soldier’s Heart.

Magpabukid

Target nila ni Jason Abalos ug Vickie Rushton nga sa bukid mopuyo sa higayon nga magminyo na sila . Giangkon sa duha nga naghisgot na sila og kasal.

Mga stuntman gitabangan

Gitabangan sa programa ni Angel Locsin nga “Iba Yan” ang  mga miyembro sa  Stunt Association of the Philippines (SAP). Nasayran nga naapektohan ang mga miyembro niini human giigo og pandemya ang nasud.

Baby ni Carlo

Giangkon ni Carlo Aquino nga duna na sila’y anak ni Trina Candaza nga ginganlan og Enola Mithi. Gi-post ni Carlo sa iyang Instagram account ang hulagway niini.

Nagpakilig napud

Gipakilig napud ni Dominic Roque ang iyang fans human siya nikomento og “kiss emoji” sa hulagway ni Bea Alonzo sa Instagram. Taod-taod na nga gitupo sa ilang fans sila si  Bea ug Dominic. Kahinumdoman nga pipila na ka higayon nga nasigpatan nga nag-date ang duha.

Bag-ong digital channel

Adunay ilusad  nga bag-ong digital channel ang GMA Network ug ka-partner niini ang  Jungo TV. Giingong maghatag kini og luna sa K-Pop, ug uban pa nga entertainment programs nga mosikad karong September 20.

Pasok sa BL series

Panahon sa pandemya, nakadawat og acting project ang kanhi  PBB Otso housemate nga si Lance Carr. Nalakip siya sa Boys Love series nga  In Between. Dugay na gyud nga gipangandoy ni Lance nga mahimong artista.

Carol mabdos

Nagsabak ang singer nga si Carol Banawa alang sa ikatulo nila nga anak sa iyang bana nga si  Ryan Crisostomo. “We can't wait to meet you. Baby Crisostomo. Arriving Apr 2021,"  suma pa sa Instagram post ni Carol.