Bagong baby nilantad, Carlo tatay na rin!

Ahhh tatay na rin pala si Carlo Aquino.

Yup, kahapon nga sa kanyang social media account ay nilantad ng A Soldier’s Heart actor ang baby nila ng girlfriend na si Trina Candaza. “You can thank your stars all you want but… Ill always be the lucky one. Enola Mithi Aquino@trinacandaza.”

Kaya naman apaw ang congratulatory messages sa kanyang post.

Obviously nailihim ng actor ang pagbubuntis ng girlfriend na isang model.

Wala siyang binigay na ibang information kung kailan ito nanganak.

Bongga, tahimik lang ang actor at nakatapos pa ng taping ng A Soldier’s Heart na una sa mga nagbalik na teleserye ng Kapamilya Channel at in fact, may staff pa nga raw na-infect ang nasabing serye pero hindi raw main character kaya itinuloy ang taping nila. Hanggang this week na lang mapapanood ang A Soldier’s Heart.

Maaalalang naging malaking issue noon ang nangyari sa kanila ni Angelica Panganiban matapos mag-akala ang actress na sila na uli. ‘Yun pala may girlfriend na si Carlo na nanay nga ng kanyang brand new baby.