Gimingaw og sayaw
CEBU, Philippines — Gibutyag ni Yassi Pressman nga napadaplin ang uban niya nga mga hilig tungod sa ka-busy niya sa Ang Probinsyano. Usa sa nabiyaan ni Yassi mao ang pagsayaw ug gimingaw na siya og maayo niini.
Gimingaw na
Giangkon ni Joshua Garcia nga gimingaw na siya sa iyang kinabuhi nga dunay uyab. Suma pa sa aktor nga usa sa dili niya malimtan mao ang higayon nga uyab pa sila niadto ni Julia Barretto.
Pananglitan lang
Giangkon ni KC Concepcion nga kun duna man siya‘y gusto nga balikan nga ex-boyfriend, kini mao negosyante nga si Pierre Emmanuel Passart. Aminado si KC nagkalain-lain ang personalidad sa iyang mga ex.
Lambing nga pagka-uyab
Lambing gyud nga pagkauyab si Pia Wurtzbach. Mao kini nabatyagan sa fans sa beauty queen base sa mga post niini sa Instagram. Nasayran nga nagkalig-on ang relasyon nila ni Jeremy Jauncey.
Tua sa layong dapit
Naabtan sa lockdown ang hinigugma ni Buboy Villar nga si Angillyn Serrano Gorens didto sa Amerika. Gimingaw na si Buboy sa iyang partner nga taod-taod na nga wala niya nahimamat. Dunay duha ka anak sila si Buboy ug Angillyn.
Barbie todo TikTok
Nagsagunson na ang pag-post ni Barbie Forteza og mga video sa TikTok. Matud pa nga kanunay kini nga kagobtan sa iyang followers. Usa sa iyang gi-post mao ang iyang dance cover sa “Ice Cream” nga giawit sa BLACKPINK ug ni Selena Gomez. Nahimout usab sa iyang video mao ang komedyanteng aktres nga si Ai Ai delas Alas.
Nagpaabot ra
Wala’y ideya ang mag-uyab nga sila si Ronnie Alonte ug Loisa Andalio kun duna pa ba sila’y follow-up project. Sa pagka-karon , ang pagsige og Instagram live maoy usa sa gikalingawan ni Loisa.
Vina nakalingkawas na
Nagmalipayon ang singer-actress nga si Vina Morales gumikan kay human sa duha ka tuig , gibasura na sa korte ang libel case nga gipasaka batok kaniya.Kahinumdoman nga ang iyang kanhi partner nga si Cedric Lee maoy nagpasaka niini.
Gikagat dayon
Nakalangkat dayon og kapin sa two million views sa YouTube ang theme song sa Kapamilya series nga Ang Sa Iyo Ay Akin nga giawit sa bandang Aegis. Sila si Jonathan Manalo ug TV Patrol anchor Bernadette Sembrano maoy nagsuwat sa maong kanta.
Balay sa London
Nakapalit na og balay sa London ang magtiayong Rachelle Ann Go ug Martin Spies. Nilungtad og unom ka buwan ang pagpili nila niini. Gikasal ang duha didto sa Boracay niadtong April 18, 2018.
Lotlot mihimakak
Hugtanong gihimakak ni Lotlot de Leon ang nikatap nga istorya nga matud pa nagtingog na sila sa iyang inahan nga si Nora Aunor.
Nagsugod ang maong taho human nag-post si Lotlot sa Instagram og karaang hulagway nila ni Nora.
Apan giklaro ni Lotlot nga igo siya nag-post sa maong hulagway gumikan kay gimingaw ra siya sa iyang inahan apan wala nagpasabot nga nagtingog na sila niini.
Kiray mitambag sa mga mag-uyab
Nipadangat si Kiray Celis og bulawanong mensahe ngadto sa mga mag-uyab nga gusto mahisama sa iyang nagkalami nga love life.
Nasayran nga malipayon kaayo si Kiray sa relasyon nila sa iyang non-showbiz boyfriend nga si Stephan Estopia.
Suma pa ni Kiray nga aron molig-on ang relasyon, kinahanglan nga dili magpalabwanay ilabi na kun maghisgot og batasan. ‘Kung gusto mo ng mabait, kailangan mo ring mabait. Kung gusto mo ng loyal kailangan mong maging loyal. Kung ano ‘yung binibigay mo ‘yun din ang mababalik sa ‘yo, promise,” nagkanayon si Kiray.
- Latest