Jen nanalipod sa single moms
CEBU, Philippines — Wala mahimout si Jennylyn Mercado sa usa ka netizen nga nibuhi og dili maayong pulong ngadto sa single moms.
Dali nga nag-post og mensahe si Jennylyn sa Twitter kun diin niunong siya ngadto sa single moms.
"To all the single moms out there, never let comments like this get to you. Having a kid early doesn’t make you less of a woman. In fact it’s the opposite. Being a single parent made us stronger than ever. Mahirap maging nanay at tatay ng ating anak pero kinakaya natin,” suma pa ni Jen.
Tribute video sa ABS-CBN gilusad
Pormal na nga gilusad sa ABS-CBN ang tribute video alang sa mga Pinoy nga padayon nga nitabang sa ilang isigkatawo bisan pa man sa mga pagsulay nga giatobang sa nasud.
Ang maong presentastyon nag-ulohan og “Tinig ng Mga Nawalan” nga nagtangag sa mga tingog nila ni Daniel Padilla ug Kathryn Bernardo.
Nilugwa usab sa video sila si Coco Martin, Vice Ganda, Angel Locsin, Enrique Gil, Liza Soberano, Bea Alonzo, Karla Estrada, Jolina Magdangal, Melai Cantiveros, Jericho Rosales, Beauty Gonzales, Bianca Gonzales, Enchong Dee, Robi Domingo, Jake Cuenca, Kylie Versoza, Edward Barbers, and Alex Gonzaga, and journalists Bernadette Sembrano, Zen Hernandez, Alvin Elchico, Jeff Canoy, Chiara Zambrano, ug Jacque Manabat.
Ang paglusad sa “Tinig ng Mga Nawalan” kay tipik sa ABS-CBN campaign nga “Lingkod ng Isa’t Isa”.
Showtime ug EB atbangan sa TV5?
Niulbo karon ang hungihong nga matud pa dunay producer nga nagtinguha nga mogama og noontime show sa TV5 nga iatbang sa It’s Showtime sa Kapamilya Channel ug Eat Bulaga sa GMA-7.
Suma sa nikatap ng taho nga si Luis Manzano maoy usa sa mga host sa maong giplano nga show.
Duna pa’y ubang Kapamilya stars ang gidungog nga makauban ni Luis sa maong proyekto.
Pagkamapaubsanon gipabuhagay ni Gloc-9
Nakadawat og mga positibong komento ang Facebook post sa rapper nga si Gloc-9 gumikan kay naghisgot kini sa pagpaubos.
Gitataw sa rapper nga sa bisan unsa nga talento nga gihuptan sa tawo kinahanglan nga dili gyud kini makatamak sa ubang tawo.
“NEVER let your swag overshadow your talent. Ang sobrang galing na mayabang ay MAYABANG pero ang sobrang galing na hindi mayabang ay SOBRANG GALING,@ suma pa sa Facebook post ni Gloc-9.
Ylona mitrabaho isip fast food crew
Sa pag-uli ni Ylona Garcia didto sa Sydney Australia, gipahimuslan niya ang iyang bakanteng oras pinaagi sa pagtrabaho sa usa ka kan-anan.
Nag-post si Ylona og hulagway sa Instagram kun diin nagsul-ob siya og service-crew uniform.
Una na nga gibutyag sa aktres nga ganahan niya masudlan ang mga butang nga wala niya nasuwayan kaniadto ug usa na niini ang pagtrabaho og kan-anan. —Sanden J. Anadia
Joshua nagtinguhang mahinabi si Gerald
Sa interview ni Joshua Garcia sa programang Cinema News AT Home Edition sa Cinema One , gibutyag sa aktor nga ganahan siya nga iyang mahinabi sa personal si Gerald Anderson.
“Siya—kasi na-realize ko nung quarantine, nung nag-lockdown, ang hirap, ang liit ng industriya namin. Ang hirap nung may ka-awkward-an.Ang ginawa ko, tinext ko siya, sabi ko, ‘Bro, Joshua ito. Gusto ko lang maging honest, lahat.’Tinext ko siya ng ganun, pero hindi pa siya nagre-reply,” niya pa.
Mao kini ang pamaagi nga matud pa matul-id na ang isyu nila kaniadto.
Kahinumdoman nga na-link kaniadto si Gerald sa ex-girlfriend ni Joshua nga si Julia Barretto.
“I'm being honest lang, ha, kasi ako wala naman akong kaso sa kanya. Ako, sobrang cool na ako sa kanya. Ako, okay na ako sa kanya.Kuya ko kasi siya, same handler kami,” niya pa.
Nakatrabaho og balik ang asawa
Si Dingdong Dantes maoy direktor sa usa ka episode sa programang Tadhana kun diin host ang iyang asawa nga si Marian Rivera.
Nag-post si Dingdong og hulagway ni Marian nga kuha sa set sa maong show.
“Ayan nanaman siya oh! Mukhang #tadhana ko talagang makita at makatrabaho parati itong mahusay na taong ito sa harap ng akin kamera. Teka, subukan ko munang mag small-talk sa kaniya,” caption pa nu Dingdong sa maong hulagway.
Dali nga ni-reply si Marian niini og ,"Bwhahahahahahah direk ano vah!!!".
Tuesday gihilakan ang gipanulti sa netizens
Puwerting hilaka sa komedyanteng aktres nga si Tueday Vargas human siya gipasanginlan sa pipila ka netizens nga matud pa gipaburot niya og maayo ang presyo sa mga gipamaligya niya nga tanom.
Tungod sa maong hitabo , temporaryong nihunom si Tuesday sa pagpamaligya og tanom.
Na-trauma ang komedyanteng aktres sa dili maayong pulong nga gipika sa netizens batok kaniya kun diin ang uban niini giingnan siya nga nawong og kuwarta.
Park Bo-Gum misulod na sa navy
Misulod na sa navy sa miaging adlaw ang South Korean heartthrob nga si Park Bo-gum. Una nga motikang si Bo-gum sa Navy Education and Training Command sa Changwon, South Gyeongsang Province alang sa iyang basic military training .
Inigkahuman sa training, mobalhin dayon siya sa Navy headquarters sa central city sa Gyeryong.
Mahimo usab siya nga miyembro sa Naval military band ug ang piano maoy iyang instrumento.
- Latest