Ylona Garcia, nagtatrabahong serbidora sa Australia

Sumunod kina Jinri at Rich

Super trending kahapon ang Kapamilya star na si Ylona Garcia.

Ito ay matapos siyang mag-post na working siya sa kasalukuyan bilang crew member ng isang fastfood chain sa Australia. “hey y’all, i decided to work at @mcdonaldsau :)) feel free to come thruuu && i’ll serve you xx,” ang IG post ng young star na former PBB housemate.

Ang dami naman agad nag-joke na gusto nilang mag-order like Billy Crawford and Denise Laurel.

Kesa nga naman siguro maghintay na lang ng work dito, doon muna siya safe pa.

Saka more than 50% daw ang ibinababa ng talent fee ng maraming artista ngayon kaya maliit na rin naman ang kita ng karamihan.

There was a time na maingay ang pangalan ni Ylona at ka-loveteam na si Bailey May.

Maaalalang working din as waitress sa Australia ang former PBB housemate ring si Jinri Park kung saan sila naka-base ng husband niyang isang Pinoy. “Now that I’m in my 30s, life has changed 180! I got married, moved to Australia, and now… got a job!” ang update ni Jinri last June. “For this past week I worked as a trainee for a restaurant ­being a waitress,” sabi pa ng sexy model.

Ganundin si Rich Asuncion : Tagal ko rin naghanap ng work. Kailangan mo ‘yon dito dahil pag sa bahay ka lang mas lalo kang malulungkot. Marami naman ka­sing opportunities dito basta ‘di ka lang mapili. So ‘yon na nga, dahil ‘di na ko ako nagpaka-choosy, sinubukan ko na ang pagwi-waitress. Casual job at a restaurant. Nung una nahirapan ako tanggapin pero na-realize ko ngayon, ano naman ang masama ‘don. Part pa rin naman siya ng Tourism course na kinuha ko sa UP. At wala akong karapatan maginarte kasi nabigyan ako panibagong chance to start anew,” ang update naman last July ni Rich na nag-migrate na sa Australia kasama ang husband rugby player na Benj Mudie. Galing naman sa Starstruck ng GMA 7 si Rich.

Kasalukuyan ding nasa Australia si Anne Curtis since nanganak siya at ang family ni Cristalle Belo.

Matagal na rin sa Australia ang sexy star na si Sam Pinto at boyfriend niyang si Anthony Semerad.