Pasok sa Bangkok ASEAN Short Film Festival

CEBU, Philippines — Dunay tulo ka Pinoy short films ang nalakip sa Bangkok ASEAN Short Film Festival ug kini naglangkob sa “Tokwifi,” or “Star,” ni Carla Pulido Ocampo, “Excuse Me, Miss, Miss, Miss”  ni Sonny Calvento, ug  “To Calm the Pig Inside” ni Joanna Vasquez Arong.

Makatigi niini ang ubang  entries nga gikan sa Singapore, Myanmar, Thailand, Cambodia, Vietnam, ug Malaysia.

Ang  Bangkok ASEAN Film Festival 2020 gidumala sa Thailand's Ministry of Culture.

Angel daogonon

Dako ang pagtoo ni Commission on Elections Commissioner Rowena Guanzon,  nga modaog si Angel Locsin kun modagan kini pagkasenador gumikan sa mga maayong binuhatan niini.

Gi -retweet ni Guanzon sa miaging adlaw ang post ni Angel kalabot sa bag-ong award nga nadawat niini.Nasayran nakakuha ang aktres og Centennial Champion Award  gikan sa usa ka non government organization tungod sa pagkamatinabangon niini.

“In my opinion, if Angel Locsin runs for Senator, she can win.Tatak Bisaya, Ilongga. Courageous, bright and with a sincere heart,” tweet pa ni Guanzon.

Naandan na ni Angel ang pagtabang sa mga tawo nga naapektohan sa kalamidad.

Aktibo usab siya sa mga kalihokan nga maghatag og tabang sa mga naapektohan sa pandemya.

Nagpakilig gihapon

Padayon nga mopakilig sa ilang fans sila si Tony Labrusca ug JC Alcantara human nagmalampuson ang Boys Love series nga “Hello Stranger”.

Nag-duet  sila sa awit nga “Kahit Na Anong Sabihin Ng Iba”  nga ubos sa  Star Music,

Nasayran nga  mao kini ang usa sa mga theme song sa ilang BL series.

Ang maong  kanta nagtuki sa importansya  sa pagsalig sa usa ka relasyon.

Ang “Kahit Na Anong Sabihin Ng Iba” kay orihinal nga kanta sa bandang Unit 406 ug gisulat sa  lead vocalist niini nga si Gabriel Tagadtad.

McCoy  mibalhin sa Viva Gisurpresa sa fans

Emosyonal ang Prima Donnas star nga si Elijah Alejo sa dihang gisurpresa siya sa mga miyembro sa iyang fans club. Gisaulog nila ang 9th anniversary ni Elijah sa showbiz pinaagi sa Zoom party. “Thank you dahil pinaparamdam niyo sa akin kung gaano ninyo ako kamahal, everyday. Kasi sa mga chat lang, pinaparamdam ninyo sa akin ‘yung suporta ninyo sa lahat ng bagay. Thankful ako na nandyan kayo para sa akin, thankful ako sa mga effort na ginagawa ninyo. Hinding-hindi ako magsasawang pasayahin kayo,” suma pa sa aktres.

Nagkadoul na

Pipila na lang ka adlaw, motungtong na ang “ber month”  busa nisamot pagbaha ang memes ni Jose Mari Chan sa social media. Si Jose maoy nagkanta sa pipila ka sikat nga Christmas songs busa  ang iyang hulagway maoy mahulbotan sa  netizens kun padulong na ang Pasko.

Feeling close

Napungot og maayo si Angelica Panganiban  sa “feeling close” kaayo  nga netizen nga nikomento nga ganahan kini mouban sa iyang pagsuroy kauban ang iyang barkada.

“Sino ka ba? Kaibigan ka ba namin?",” paghot pa ni Angelica.

Gipikhan ni Clint

Wala kaagwanta si Clint Bondad sa usa ka netizen nga magsige og pasingit kaniya . Ang maong netizen nibilin og mensahe sa comment section sa iyang social media account ug naghisgot kini sa iyang ex-girlfriend nga si Catriona Gray. Suma pa ni Clint nga dili na kini angay hisgotan gumikan kay hagbay na sila nga buwag sa beauty queen. Gitambagan niya ang maong netizen nga tarungon ang istado sa panghuna-huna niini.

Birthday surprise

Nasurpesa si Pokwang sa pagpatim-aw sa iyang hinigugma nga si  si Lee O’Brian ug sa iyang  best friend nga si K Brosas  sa iyang birthday special sa programang Chika Besh sa TV5 niadtong Huwebes. Mapasalamaton si Pokwang sa tanang tawo nga nagpangga kaniya.

Mensahe sa higala

Pinaagi sa Instagram, gipadangat ni Gary Valenciano ang iyang birthday message alang sa singer nga si Ogie Alcasid. Suma pa ni Gary nga usa ka tinud-anay nga higala si Ogie. “May you continue to be showered with endless creative ideas for the times we’re in. Happy bday to you my dear bro,” suma pa ni Gary.

Lahi ra

Gibutyag ni Sarah Geronimo nga  lahi ra gyud ang iyang kinabuhi karon kauban ang iyang bana nga si Matteo Guidicelli “Masarap po. Masaya,” suma pa ni Sarah.

Nag-TikTok

Trending karon ang dance video ni Gardo Verosoza sa mobile application nga TikTok. Nahimout pag-ayo ang fans sa aktor gumikan kay nikiay-kiay gyud og maayo ang ilang idolo.