Bernadette emosyonal sa iyang awit

CEBU, Philippines — Mitulo gyud ang luha niBernadette Sembrano sa dihang nadunggan niya ang pag-awit sa  Aegis sa "Ang Sa Iyo Ay Akin.”

Nasayran nga si Bernedette mismo ang nagsuwat sa maong awit kauban si Jonathan Manalo.

Gihimo kini nga themesong sa bag-ong Kapamilya series nga nag-ulohan gihapon og  “Ang Sa Iyo Ay Akin"  nga gibitoonan nila ni  Jodi Sta. Maria, Iza Calzado, Sam Milby ug Maricel Soriano. 

Karen Gallman mabdos

Malipayong gianunsyo ni Miss Intercontinental 2018 Karen Gallman nga nagsabak siya.

Mao kini ang unang anak nila sa iyang bana nga si Ian Garton. Gikatakdang manganak ang beauty queen karong January 2021.

“We are SO excited to be welcoming our little one into the world!", suma pa sa IG post ni Karen.

Gikasal sila si Karen ug Ian niadtong Marso didto sa Stoneridge Estate sa Queenstown, New Zealand.

Katy Perry nanganak na

Nanganak na ang sikat nga singer nga si Katy Perry sa miaging adlaw.

Mao kini  unang liwat nila ni Orlando Bloom ug usa kini ka babaye nga ginganlan nila og Daisy Dove.

Susama nga nag-alagad ang duha sa UNICEF isip Goodwill Ambassadors.

"We are floating with love and wonder from the safe and healthy arrival of our daughter.

But we know we're the lucky ones and not everyone can have a birthing experience as peaceful as ours was,” tipik sa statement nila ni Katy ug Orlando.

Kristel mo-focus sa digital world

Naka-focus karon sa pag-vlog ang aktres nga si Kristel Fulgar  gumikan kay nag-enjoy siya sa maong butang.

Nakapundar na si Kristel og sakyanan ug balay tungod sa iyang pagkugi.

“Noong pumasok ako sa digital world, inuna ko ang paggawa ng song covers kasi 'yun ang tingin ko na kaya kong gawin," saysay pa mi ni Kristel ngadto sa "Star Beginnings" sa  Star Magic. Wala damha ni Kristel ang init nga paghangop sa  mga tawo ngadto sa iyang song covers.

"Ang dami kong pwedeng i-consider sarili ko, 'di ko alam ano ba ako actor, singer, vlogger? 'Di ko rin alam kung saan magko-concentrate. Masasabi ko na na mas nagpo-focus ako sa vlogging kasi 'yon ang mas nae-enjoy ko ngayon," suma pa ni Kristel. Nihatag usab siya og tambag alang sa mga gustong mosulod sa digital world.

"Just stay positive at huwag igi-give up ang mga pangarap," niya pa. 

Mobile Legends ang gikalingawan

Aron mabanlas ang  anxiety nga nahatag sa pandemya, ang paglingaw-lingaw pinaagi sa pagduwa sa online game nga Mobile Legends maoy gibuhat ni Alden Richards.

“Nung first week ng lockdown wala pa namang effect. Nung pumapasok na yung second week, third week, sabi ko hindi na normal.Sobrang nakatulong sa akin yung online gaming to cope with anxiety. Kumbaga, outlet ko po siya,”saysay pa ni Alden nga namantala sa showbiz website nga PUSH.

Gihimo usab nga raket ni Alden  ang online gaming pinaagi sa pag-livestream.

“Nase-sendan po ako ng ng stars ng mga nanonood sa akin. Nagre-range po between P100,000. Isa po yon sa mga raket ko ngayong quarantine,” dugang pa sa Kapuso star.

Salamat, For Life!

Nagbaha ang singers nga nalakip sa Salamat, For Life!” nga makita sa  MOR website, Facebook ug Kumu karong alas 6 sa gabii.

Usa kini sa farewell special sa FM station sa ABS-CBN mga MOR.

Molugwa ang OPM hitmakers nga sila si Erik Santos, Jed Madela, Moira dela Torre,  Yeng Constantino  ug OPM icons nga sila si Gary Valenciano, Ogie Alcasid, ug Regine Velasquez.

Mo-perform usab ang bandang 6Cyclemind, Banda Ni Kleggy, Better Days, Gracenote, Imago, Itchyworms, Moonstar88, Sandwich, The Vowels They Orbit,  ug Trinidad kauban sila si  Mig Ayesa ug Arnel Pineda.

Mobalik-lantaw  ang MOR sa mga nangaging katuigan nga puno sa musika ug kalingawan.

Mangulo sa maong online special ang  retired MOR DJs nga sila si Chinapaps ug Bob Zilla kauban ang ubang  DJs sa MOR didto sa kaulohan nga sila si Maki Rena, Onse, Eva Ronda, Nicki Morena, Jhai Ho, Popoy, Chacha, Ana Ramsey, Bea, Kisses, Toni, Joco Loco, Biboy Bwenas, Chico Martin, Reggie V ug MOR station head (Manila) nga si Mars Ocampo.

Kathryn ug Nadine magtigi sa Gawad Urian

Susama nga nominado sa pagka-best actress  sa Gawad Urian Awards ang Kapamilya stars nga sila si Kathryn Bernardo ug  Nadine Lustre.

Nominado si Kathryn gumikan sa iyang  performance sa pelikulang “Hello, Love, Goodbye” , samtang si Nadine nalakip sa listahan sa mga nominado gumikan sa maayo niya nga pag-arte sa pelikula nga “Ulan”. Katigi sa duha alang sa maong kategoriya mao sila si Bela Padilla ("Mañanita"), Alessandra de Rossi ("Lucid"), Max Eigenmann ("Verdict"), Angie Ferro ("Lola Igna"), Jean Garcia ("Watch Me Kill"), Janine Gutierrez ("Babae at Baril"), Sue Prado ("Alma Ata"), Ruby Ruiz ("Iska") ug Anita Linda ("Circa").

Kahinumdoman nga si Nadine maoy best actress sa Gawad Urian sa miaging tuig alang sa pelikula niya nga “Never Not Love You.”

Nominado sa usab pagka-best actor ang  leading man  ni Kathryn sa “Hello, Love, Goodbye” nga si Alden Richards.  Kauban niya sa listahan sila si Louise Abuel ("Edward"), Oliver Aquino ("Jino to Mari"), Gold Azeron ("Metamorphosis"), Raymond Bagatsing ("Quezon’s Game"), Royce Cabrera ("Fuccbois"), Elijah Canlas ("Kalel, 15"), Gio Gahol ("Sila Sila"), Joel Lamangan ("Ang Hupa") ug Jansen Magpusao ("John Denver Trending").

Gabby makabaton  og show sa TV5?

Niulbo karon ang taho nga matud pa nga uslan sa usa ka producer  ang Kapuso actor nga si Gabby Concepcion aron malakip sa usa ka show sa TV5.    

Giingong soud kaayo ni Gabby ang maong producer nga kanhi politiko.

Apan napanglantawan nga basin maglisod si Gabby niini sanglit duna pud siyay umaabot nga show sa GMA nga First Yayan kauban si Marian Rivera.