10M views na !

CEBU, Philippines — Dili basta-basta ang performance sa anak   ni Manny Pacquaio nga si Michael sa Wish bus  gumikan kay niabot na kini og 10 million views . Gikanta ni Michael ang “Hate” kun diin gipakita gyud niya ang iyang hugyaw nga talento sa pag-rap.

Una na nga giklaro ni  Michael nga wala siya magsalig sa pangalan sa iyang amahan aron makaangkon og popularidad.  

12 “TV Patrol” sa mga probinsya, manamilit na

Kutob nalang ugma , Agosto 28  ang pag-broadcast sa  12  ka mga lokal nga TV Patrol nga naghatod sa mga balita ug impormasyon sa nagkadaiyang probinsya.

Kahinumdoman nga sa dihang nahunong ang operasyon sa network, nagpadayon ang pag-broadcast sa TV Patrol Regional sa tagsa-tagsa nila nga mga Facebook page apan ugma nalang kini kutob.

Nasayran nga resulta kini  sa wala pag-renew sa prangkisa sa ABS-CBN .

Manamilit ang TV Patrol -Central Visayas nga nanukad dinhi sa Sugbo.

Lakip sa mawala sa  mao ang TV Patrol North Luzon , TV Patrol Bicol , TV Patrol Palawan, TV Patrol Southern Tagalog ,  TV Patrol Negros , TV Patrol Panay , TV Patrol Eastern Visayas , TV Patrol Northern Mindanao , TV Patrol South Central Mindanao , TV Patrol Southern Mindanao (Davao),  ug TV Patrol Chavacano .

Mapektohan usab ang siyam ka mga morning show sa regional stations sa ABS-CBN.

Suma pa  ABS-CBN Regional head  nga si Tata Sy nga gawas sa paghatod og mga balita, nahimo usab nga taytayan kaniadto ang regional stations sa pagtabang sa mga tawo nga naapektohan sa kalamidad.

“Abot sa mga liblib na lugar ang pagbibigay serbisyo ng ABS-CBN Regional, pati ang mga lugar na tanging broadcast ng ABS-CBN lamang ang naaabot.  Bukod sa paghahatid ng balita, ang ABS-CBN Regional news teams din ang nauuna sa paghatid ng tulong sa mga komunidad tuwing tinatamaan ng kalamidad,” suma pa niya.

Mahal , vlogger na!

Wala nagpaulahi sa uso ang komedyante nga si Mahal ug gikalingawan usab niya karon ang pag-vlog.

Dali nga ni-click ang mga video ni Mahal sa iyang YouTube Channel.

Sa usa niya ka vlog, gipakita niya ang mga butang nga kasagaran niya nga buhaton sa mga ordinaryong adlaw.

Ang maong vlog ni Mahal nag-ulohan og  “A Day in the Life”

Kauban niya sa video ang model-actor nga si Mygz Molino. 

Nagbaha ang subscribers

Dili masukod ang gibating kalipay sa magtiayong Melai Cantiveros ug Jason Francisco human niabot na og 1 million subscribers  ang ilang  YouTube channel.

Mapasalamaton ang duha sa tanang nagsunod  sa ilang mga vlog.

Nagkaila sila si Melai ug Jason sa dihang nahimo silang housemates sa  "Pinoy Big Brother: Double Up"  niadtong 2009. 

Julia ug Janella nagtingog na?

Gi-follow na og balik ni Julia Barretto ang kanhi niya best friend nga si Janella Salvador sa Instagram.

Napanglantawan sa ilang fans nga posibleng nagtingog na ang duha ka aktres.

Kahinumdoman nga wala mohatag og rason si Julia sa pag-unfollow niya kang Janella kaniadto.

Naatol kini sa dihang na-link si Janella ngadto sa ex-boyfriend ni Julia nga si Joshua Garcia.

Una na nga nitumaw ang chika kaniadto nga na-develop sa usag-usa sila si Janella ug Joshua tungod sa teleseryeng The Killer Bride. 

Naapektohan gyud

 Usa si Ryzza Mae Dizon sa mga taod-taod na nga wala makalugwa sa Eat Bulaga tungod sa pandemya. Naapektohan og maayo si Ryzza sanglit mao kini ang nagbuhi

Nadine mobalhin  sa GMA?

Nitumaw karon ang hungihong nga matud pa mobalhin sa GMA-7 ang Kapamilya actress nga si Nadine Lustre. Kahinumdoman nga bata pa lang si Nadine, nakalugwa na siya sa pipila ka mga show sa GMA.

Dili na mag-field

Gipahibalo sa Kapamilya broadcast journalist nga si Bernadette Sembrano  nga na-retrench na siya sa iyang pagka-field reporter sa ABS-CBN. Hinoun magpabilin siya nga co-anchor sa TV Patrol. Nisulod si Bernadette sa ABS-CBN niadtong 2004.

Padayon sa pagtabang

Wala pa gyud mahuman si Angel Locsin sa pagtabang sa mga tawo nga naapektohan sa pandemya. Dili pa lang dugay, nag-apod apod ang aktres og mga pagkaon sa na-stranded nga pasahero sa pier sa Tondo.

“Silong”

I-release na ugma ang bag-ong awit ni Nicole Asensio nga nag-ulohan og “Silong” ug available kini sa Spotify. “It is also the only original song in my upcoming album that I did not predominantly write the lyrics for, instead I focused on the melody and being involved in instrumentation ideas with my bandmates,” suma pa niya.

National Artist

Niduso og resolusyon ang mga senador nga sila si  Manny Pacquiao ug Sherwin Gatchalian aron mahimong nominado ang kanhi senador nga si anhing Ramon Revilla Sr.   nga mahimong National Artist For Film. “Revilla Sr. is an embodiment of talent, intelligence, artistry that makes him befitting of the title of National Artist," tipik sa pamahayag ni Pacquiao sa iyang  Senate Resolution No. 477.

Bag-ong negosyo

Gibuksan na sa miaging adlaw ang bag-ong negosyo ni Robi Domingo nga usa ka restaurant didto sa Mandaluyong. Bunga kini sa nagpungasi niya nga mga proyekto. Nisulbong ang career ni Robi human siya nisalmot sa Pinoy Big Brother Teen Edition Plus niadtong 2008.

Bilib sa asawa

Bilib kaayo ang singer nga si  Mark Escueta ngadto  sa iyang asawa nga si Jolina Magdangal gumikan kay nikugi gihapon kini bisan pa man sa panahon sa pandemya.

“Parang ang dali-dali mag host ng show pag pinapanood ko si Jolina, pero alam naman natin na hindi talaga ito madali. Kung gaano siya ka-committed sa mga naging shows niya sa TV though the years, ganon din sa aming munting online show. Ganyan nga talaga pag mahal mo ang ginagawa mo,” suma pa ni Mark.

Resulta sa pandemya

Giangkon ni Richard Yap nga grabe kaayo og epekto ang nahatag sa pandemya ngadto sa iyang mga negosyo nga kan-anan. “Yung restaurant business, grabe 'yung effect doon. It’s given us a lot of hardship especially to all our employees also kasi karamihan walang trabaho. Siyempre saan mo kukunin 'yung ipambabayad mo ng every day necessities di ba,” nagkanayon si  Richard Yap sa latest episode sa online show ng  I Feel U .

Mosulod na sa militar

Mosulod na sa military service ang Korean actor nga si Park Bo-gum sugod karong August 31. Ang iyang talent agency nga Blossom Entertainment maoy nikumpirmar sa maong report. Nahuman na ang aktor sa iyang shooting sa  drama series nga  Record of Youth nga gibitoonan usab nila ni  Park So-dam, ug Byun Woo-seok.