Projects gibalibaran ni Alessandra
CEBU, Philippines — Tungod sa pandemya, ubay-ubay ka mga proyekto ang gibalibaran ni Alessandra de Rossi. Suma pa niya nga nituman gyud sa panawagan nga magpuyo ra gyud sa balay. Tungod kay wala na’y kita sulod sa pipila ka bulan, napugos siya sa pagbaligya sa iyang sakyanan.
Sugdan na
Karong August 17 na magsugod ang bag-ong show sa TV5 nga Chika Besh. Gihimo na sa miaging adlaw ang taping sa maong show nga gilangkoban nila ni Pokwang, Ria Atayde ug Pauleen Luna .
Magpa-swab
Magpa-swab test daan ang mga artista ug staff sa ASAP Natin ‘To sa sila mosulod sa set. Mao na kini ang ilang pamaagi aon maseguro ang istado sa ilang lawas.
Bag-ong manager
Usa ka negosyante nga ginganlan og Patricia Keng maoy gikataho nga bag-ong manager ni Angel Locsin. Lakip usab sa alagaran niini mao ang hinigugma ni Angel nga si Neil Arci.
Bagets nag-reunion
Nag-reunion ang mga bitoon sa pelikula niadtong ‘80s nga Bagets isip kasaulogan sa ilang 36th anniversary.Nitambong sa maong reunion sila si Eula Valdez, Ramon Christopher, Yayo Aguila ug Cheska Inigo.
Resulta sa paningkamot
Gibutyag sa mga online sensation nga sila si Pastillas Girl ug Flow G nga gipangandaman gyud nila og maayo ang ilang kaugmaon. Nagpuyo na gyud sila sa balay nga ilang hinagoan.
Naka-recover na
Nak-recover na sa COVID-19 ang komedyanteng aktor nga si Michael V. Nagpasalamat ang aktor sa tanang frontliners nga maisip nga bayani karong panahona. “Tulungan po natin sila at mag-ingat po sana tayo at sumunod po sana tayo sa batas doon sa mga protocol, para hindi na madagdagan 'yung cases ng COVID,” niya pa.
Nananghid og tarong
Giklaro ni Diego Loyzaga nga nananghid siya og tarong sa Star Magic sa wala pa siya nibalhin sa Viva Artist Agency. Nagpanikad na ang aktor sa umaabot niya nga projects.
Nakagawas na
Nakagawas na sa tambalanan ang aktor nga si John Regala. Nagpasalamat si John sa tanang nitabang kaniya. Gikinahanglan sa aktor ang saktong pahuway.
Nag-uban
Mahitabo na sulod karong buwana ang kolaborasyon sa BLACKPINK ug sa singer nga si Selena Gomez. Nagmaya og maayo ang ilang fans ug giisip kini nga kombinasyon sa mga banggiitan.
- Latest