Mibalda kang Jen wala mosaler
CEBU, Philippines — Gitataw ni Jennylyn Mercado nga walay makabout kaniya sa pagpadayag sa iyang opinyon sa nagkadaiyang isyu.
“ The moment you hinder someone from speaking their mind to is the moment you failed to respect the rights of your Fellow Filipino,” suma pa ni Jen.
Aminado ang aktres nga dunay mga tawo nga nisaway kaniya tungod sa iyang opinyon sa mga isyu sa gobyerno.
"May qualification ba dapat bago ka magkaroon ng karapatan na magkomento sa mga isyung panlipunan? Hindi ba sapat na mamayan ka ng Pilipinas at nagbabayad ka ng buwis? Bakit kung kelan Pandemya na lahat tayo ay apektado saka ang iba ay pilit na pinatatahimik?" tweet pa sa aktres.
Nanawagan si Jen sa katawhan nga irespeto ang opinyon sa ubang tawo.
,"Naguguluhan na ako. Bakit parang nakalimutan ng ibang tao irespeto ang iba kahit iba ang opinyon nila? Hindi ba yun ang isa sa mga unang tinuturo ng ating mga magulang?",dugang pa sa aktres.
Lawas ni Jerry Yan gikagobtan
Nag-viral ang hulagway sa Taiwanese actor nga si Jerry Yan kun diin naa kini sa bathtub nga kuha sa usa niya ka eksena sa Chinese drama nga Count Your Lucky .
Nabatyagan sa iyang fans ang dakong kausaban sa lawas sa ilang idolo.
Nahimong hot topic si Jerry sa Twitter Philippines kagahapon tungod sa maong hulagway.
Ma-delay ang nahibiling episodes
Malangan og duha ka semana ang pag-release sa nahibiling episodes sa Boys Love series nga Gameboys tungod sa gipatuman nga Modified Enhanced Community Quarantine didto sa kaulohan.
Nanghinaot ang producer niini nga The IdeaFirst Company nga masabtan ra sa suking viewers ang ilang desisyon.
“I know this will disappoint many fans around the world and I am heartbroken that we have to do this. But it will help us keep everyone on the team safe and at the same time we will not be limited in our storytelling,” tipik sa satement ni Direk Perci Intalan.
Ivana naka- 8M YouTube subscribers
Malipayong gipahibalo ni Ivana Alawi nga niabot na og 8 million ang iyang subscribers sa YouTube.
Mapasalamaton ang aktres sa tanang nisuporta sa iyang vlogs.
Sa laing bahin , wala pa’y ideya si Ivana kun madayon pa ba o dili ang iyang Kapamilya series.
Nasayran nga mao kini ang una niya nga major project sukad siya nipirma og kontrata sa ABS-CBN niadtong Pebrero.
Sukad nahunong ang operasyon sa ABS-CBN ,gipaagi na sa ilang mga digital platform ang pag-ere sa ilang mga programa.
- Latest
