Piolo target ni Kris

CEBU, Philippines — Gibutyag ni  Kris Aquino nga nagplano siya nga mobalik sa pag-produce og pelikula ug matud pa niya nga taod-taod na gyud ang maong plano.

“I want to produce a horror movie. Kasi, naudlot ‘yon. And I want a mature take that everybody can identify with... about what married couples who are splitting up, and what their children go through,”niya pa.

Target usab ni Kris nga makapares niya si Piolo Pascual sa maong proyekto.

“I want to produce that movie and write that script. And I want Piolo Pascual to be my leading man.Hindi masamang mangarap. And I want the two sons there to be Iñigo and Bimb. May casting na! May synopsis na,” dugang pa ni Kris.

“The One” ni Jak

Tulo ka tuig na isip mag-uyab sila si Jak Roberto ug Barbie Forteza  ug samtang nagkadugay, nagkalig-on usab kini.

Sa birthday message ni Jak ngadto kang Barbie , gitawag niya kini nga “The One”. “Happy Birthday to my sexiest, prettiest, to my 'THE ONE' Madam!!!". Another year ng blessing madam. Dami nating napuntahan last year at ang dami din natin nakain. Salamat sa pagiging supportive! I love you!", suma pa sa IG post ni Jak.

RR nag-focus sa negosyo

Ubay-ubay na ang negosyo ni RR Enriquez hinungdan nga maglisod pa kini og balik sa showbiz.

Suma pa niya nga siya gyud ang nangunay sa pag-atiman niini. Nasayran nga taod-taod na nga nawala si RR sa limelight.

Matt gisikop

Gisikop ang aktor nga si  Matt Evans sulod sa iyang panimalay didto sa Sampaloc, Manila sa miaging adlaw.

Aduna kini kalabotan sa  paglapas  ni Matt sa Republic Act 9262, o Anti-Violence Against Women and Their Children Act of 2004 nga gipasaka sa iyang kanhi  live-in partner nga si Johnelline Hickins niadtong 2012.

Una na nga gihimakak ni Matt ang pasangil sa iyang kanhi hinigugma nga matud pa iyaha kining gidapatan.

Nagbabag ang plastik

Sa Episode 10 sa Boys Love Series nga Game Boys , nag-atubang na gyud sila si   Cairo (Elijah Canlas) Gavreel (Kokoy de Santos).

Sa labing unang higayon, aduna na sila’y kissing scene.

Isip pagtuman sa health protocol , adunay giali   sa tunga atol sa ilang paghalok.  –

Gipasalamatan og todo ni Juday

Sa kaugalingong programa ni Judy  Ann Santos nga "Paano Kita Pasasalamatan”,  gipaila sa aktres  ngadto sa publiko ang espesyal nga tawo nga maoy usa sa mga rason kun nganong naabot sa iyang kinabuhi  ang bana niya nga si Ryan Agoncillo.

Suma pa ni Juday  nga  gitupo gyud siya kang Ryan kaniadto ug usa sa kusog nga manungog mao ang head sa wardrobe department sa  show nila kaniadto sa ABS-CBN nga si  Gloria Mayo  o "Nanay Gloria.”

Isip pagpasalamat, gihatagan ni Juday si Nanay Gloria og heart pendant. 

Wala kapugong si Nanay Gloria ug nakahilak gyud siya tungod kay wala gyud siya nakalimtan ni Judy Ann.  – Sanden Anadia

“Buntis issue” gikataw-an lang

Puwerting katawaa ni Derek Ramsay sa niulbo nga taho nga matud pa mabdos ang iyang girlfriend nga si Andrea Torres.  

Wala’y ideya ang aktor kun nganong niulbo ang maong report.

Suma pa ni Derek nga wala’y kamatouran ang maong taho. – Sanden J. Anadia

Album ni Taylor gipistahan og maayo

Bisan panahon sa pandemic, wala gyud kini kapugong sa pagratsada sa album ni Taylor Swift nga  “Folklore”.

Mao kini ang kasamtangan nga  top selling album  sa 2020   bisan bag-ohay lang kini nga gi-release.

Minilyon na ang ni-purchase niini sa nagkadaiyang digital platforms.