Proud sa iyang pagka-retokada

CEBU, Philippines — Wala gikaulaw ni Angeline Quinto ang pagparetoke  niya sa pipila ka parte sa iyang lawas.

Sa post sa singer  sa Instagram, mapasigarbohon niya nga gibutyag nga nag-agi siya og Eyelid surgery,  Arm liposuction, Belly liposuction, Thermage, Glutathione ug uban pa.

Nahisgotan ang maong topic human duna siyay  Instagram follower  nga nangutana kalabot niini.

Mga konsyerto ni Vice sa laing nasud gikanselar

Nakanselar ang mga nakalinya nga konsyerto  ni Vice Ganda sa laing nasud ug resulta gihapon kini sa pandemya.

“Hindi ako makakapag-concert abroad. Kasi originally, sa taon na ito meron akong schedule na series of concerts sa ibang bansa. Pero since wala na yon malaking tipak ng oras ang nabalik sa akin.

“Tapos hindi tayo masyadong busy ngayon. Pero pag naging busy na ulit, ano bang magiging pagkaka-busy-han – pelikula? Pero gagawa at gagawa tayo ng paraan kasi wala na rin naman akong ano, Showtime na lang naman ang ginagawa ko, so hindi namin gagawing madugo yung schedule para mapangatawanan namin ito,”niya pa.

Sa pagka-karon , ang iyang Vice Ganda Network  mao giatiman sa komedyanteng TV host.

“Pag nag-normalize na lahat, siyempre magkakaroon ng maraming adjustments and we will have to be ready for that ,” niya pa.

Sanya nag-adjust sa taping

Si Sanya Lopez ang bida sa bag-ong episode sa  "Wish Ko Lang” ug dakong hagit kaniya ang new normal sa taping. Suma pa sa aktres nga  nabag-ohan gyud siya  niini apan angayan na siya maanad.

Nasayran nga dunay mga kausaban sa taping ilabi na sa gidaghanon sa mga tawo sa set ug uban pa nga maagi pinasubay sa health protocols.

Darren ug Jayda nag-uban

Sa labing unang higayon, nag-uban sila si Darren Espanto ug Jayda pag-awit og  love song nga  "Sana Tayo Na"  nga ubos sa Star Music.

Kahinumdoman nga  sa nangagi nila nga mga social media post, ilahang gipadayag nga ganahan gyud sila magkauban sa usa ka project.

Usa ka  feel-good love song ang "Sana Tayo Na" kun diin nagmalaumon ang duha ka tawo nga magkauban puhon sa usag-usa.

Orihinal kini nga komposisyon sa amahan ni Jayda nga si Dingdong Avanzado ug nahimong  parte sa iyang  “Coming of Age” album.

Katapusan nga nakig-collaborate si Jayda sa “The Voice Teens” finalist nga si Jeremy G niadtong  2019 alang  sa kantang "Perfectly Imperfect"  nga siya mismo ang nagsulat. Si Darren  usab ang naghatag og kinabuhi   sa awit niya nga  "Sasagipin Kita" sa bag-ohay lang nga  MYX Awards 2020.

Sandara gipistahan sa Twitter

Nahimong trending topic si Sandara Park sa Twitter human siya nigamit og pinulongang Filipino sa  latest episode sa  VideoStar nga gi-ere sa MBC EveryOne channel sa South Korea.

Usa  ka weekly talk show ang VideoStar nga gilangkoban nila ni  Sandara, Kim Sook, Park Na-Rae, ug Park So-Hyun.

Sa latest episode niini, ilahang giimbitar ang suki sa mother-in-law roles sa K-dramas ug movies.

Kini naglangkob nila ni  Kim Cheong (I Have a Lover, 2014), Yoo Hye-Ri (Love Rain, 2012), Choi Soo-rin (The Great Show, 2019), ug  Kwak Jeong-Hee.

Sa  usa ka bahin sa interview, nilenggua si Sandara og  ,"Ano po sinasabi niyo? Hindi ko kayo maintindihan, galing po ako sa Pilipinas kaya hindi ko alam.Hindi ko alam ang sinasabi niyo.”

Gipatagam ni  K Brosas ang  usa niya ka basher

Suma pa sa komedyante nga gibalikas siya og maayo niini.

Wala na niya tubaga ang maong basher, apan iyaha kining gitug-an sa employer niini.

Tungod sa kalisang, nag-deactivate na ang  account sa iyang basher.

Suma pa ni K nga respeto ra gyud ang iyang gipangayo.