Anne naka-adjust dayon
Bilib kaayo si Erwan Heussaff sa iyang asawa nga si Anne Curtis gumikan kay dali ra kaayo kini naka-adjust sa iyang kinabuhi isip usa ka inahan.
Suma pa ni Erwan nga nakita gyud niya ang maayong pag-atiman ni Anne sa ilang anak nga si Dahlia Amelie.
Kahinumdoman nga gihimugso ni Anne ang ilang anak niadtong March 2, 2020.
John Regala gitabang
Nag-viral karon ang hulagway sa aktor nga si John Regala kun diin nag-inusara lang kini sa usa eskinita sa Pasay City.
Giingong nalipong ang aktor ug nangayo kini og tabang.
Ang Grab driver nga si Carlo Clariza maoy nitabang sa aktor ug matud pa naglisod kini og istorya niadtong higayona.
“Siya po si Mr. John Regala. Ang sikat na kontrabida [na] humingi nang tulong po kase nahihilo siya. May hinahanap siya na nurse. Ang kaso di ko po siya maintindihan kase po medyo utal na po magsalita dahil nahihilo po siya kaya humingi siya nang tulong saken,” suma pa sa Favebook post ni Carl.
Dali nga niresponde ang mga polis, tanod ug opisyal sa Barangay 183 sa Pasay .
“Agad naman po akong lumapit sa mga tanod at pulis na para matulungan dito po siya sa lugar nang Brgy. 183 Pasay City tapat nang Lots a Pizza. Masakit lang isipin na ang dating idolong kontrabida ay nasa ganyang kondisyon,” dugang pa Carl.
Giubanan gyud ni Carl si John samtang nagpaabot sa health workers.
“Kaya mas minabuti ko munang hindi umalis hanggat di pa siya naaasikaso kahit na ako'y may deliver pa. Maraming salamat sa mga tanod at health worker na tumulong,” niya.
Taod-taod na nga dili aktibo si John sa showbiz . Gikatahong dunay sakit nga liver cirrhosis si John.
Mon pasok sa tulo ka international films
Nalakip ang Pinoy actor nga si Mon Confiado sa tulo ka international films.
Usa na niini mao ang Korean movie nga "The Golden Holiday" nga ubos sa direksyon ni Kim Bong-han.
Suma pa nga ipasalida na kini didto sa Korea sulod karong tuiga.
Nalakip usab si Mon sa pelikulang “ Turncoat” nga gigama didto sa Amerika.US. Kauban niya sa maong pelikula ang Italian actress nga si Annaluisa Capasa .
Dugang pelikula sa aktor mao ang “Dito” nga ubos sa Japan-Philippines co-production. Usa kini ka family-drama-action film nga gibidahan ni Takashi Yuki.
Sofia nag-vlogger na
Gisudlan napud nii Sofia Andres ug sa iyang Sugbuanon nga boyfriend nga si Daniel Miranda ang pag-vlog.
Gilusad nila kagahapon ang ilang YouTube channel.
Usa kini sa mga pamaagi ni Sofia aron ma- updated ang iyang fans sa kasikas sa iyang kinabuhi bisan taod-taod na nga dili siya aktibo sa showbiz.
Duha gihulip kang Liza
Duha ka veteran personalities sa showbiz industry ang gitudlo isip mga bag-ong miyembro Metro Manila Film Festival (MMFF) Executive Committee.
Kini naglangkob sa director-actress nga si Laurice Guillen ug actor-director nga si Nick Lizaso.
Ang duha maoy gihulip kang Liza Diño.
Intresado mag-uban sa pelikula
Susama nga intresado sila si Nadine Lustre ug Alden Richards magpares sa usa ka pelikula.
Kun madayon kini , si Nadine maoy magsilbing ikaduha nga Kapamilya star nga makapares ni Alden sa pelikula.
Kahinumdoman nga nakapares ni Alden kaniadto si Kathryn Bernardo sa Hello Love Goodbye.
Kasamtangang nag-uban sila si Nadine ug Alden isip endorsers sa usa ka brand sa tuna.
- Latest