Sofia nag-vlogger na
Gisudlan napud nii Sofia Andres ug sa iyang Sugbuanon nga boyfriend nga si Daniel Miranda ang pag-vlog.
Gilusad nila kagahapon ang ilang YouTube channel.
Usa kini sa mga pamaagi ni Sofia aron ma- updated ang iyang fans sa kasikas sa iyang kinabuhi bisan taod-taod na nga dili siya aktibo sa showbiz.
Kaagi ni Maja
Giangkon ni Maja Salvador nga paet pud ang iyang kinabuhi kaniadto. Usa kini sa rason nga naningkamot gyud siya nga magmalampuson ang iyang kinabuhi. “Palipat-lipat ako ng bahay. Siyempre ‘yung mommy ko nagtatrabaho abroad, lipat ako nang lipat ng bahay sa mga kapatid niya para alagaan ako. Doon pa lang nagsimula akong mangarap, hindi lang para sa akin kundi para sa pamilya ko,” suma pa ni Maja.
Gikalingawan ni Alden
Gibutyag ni Alden Richards nga stress reliever kaniya ang game streaming. Sa panahon nga dili siya busy sa showbiz, ang game streaming ang iyang gikalingawan. “I promote responsible gaming. We can all enjoy gaming pero pwede nating i-enjoy ‘yun nang nagiging responsible. Yung kinaganda ng gaming, parang hindi ako si Alden Richards du’n. I’m part of the gaming world. Pantay-pantay kami. It’s a matter of skills, dedication and love for the game,” saysay pa ni Alden ngadto sa GMA News.
Madayon gyud
Gikatahong madayon na gyud ang talk show ni Kris Aquino sa TV5. Suma pa nga nag-pictorial na si Kris sa miaging adlaw alang sa maong proyekto. Una na nga nitumaw ang hungihong kaniadto nga matud pa dunay nisulay og babag sa pagsulod ni Kris sa maong network.
Wala madayon
Niulbo ang taho nga matud pa nga usa diay unta si Janella Salvador nga gikonsiderar nga malakip sa morning show sa TV5 nga si Rise and Shine apan wala nagmalampuson ang negosasyon niini. Gihulip kaniya si Ria Atayde isip kauban nila ni Pokwang ug Pauleen Luna.
Vice magdaginot na
Tungod sa kalisod sa panahon , temporaryong gihunong ni Vice Ganda ang pagkamahiligon niya sa online shopping. Suma pa sa komedyanteng TV host nga kinahanglan nga dili magpalabi og gasto ug unahon og atiman ang mga nag-unang panginahanglonon.
Sentimento ni Nadine
Nipadangat og mensahe si Nadine Lustre alang sa gobyerno. Matud pa sa aktres nga gimahal niya ang iyang nasud busa nanghinaot siya nga matarong ang pagdumala niini. “Pagbabago, hindi abuso. Pagkakaisa wag mang-isa. Hawak kamay, wag hugas-kamay. I’m a Filipino! I stand for my country. We deserve better,” nagkanayon ang aktres.
Gitubag ang bashers
Wala palabya ni Sunshine Dizon ang mga tawo nga nanaway sa iyang opinyon kalabot sa isyu sa gobyerno. Ang uban niini nitawag kaniya og bogo. “Lalakas ng loob mangliit ng kapwa nilang Pilipino kahit wala naman sila ni singkong naiambag para sa kultura at bayan ,” mensahe pa ni Sunshine ngadto sa iyang bashers.
Mibalibad og proyekto
Gitanyagan diay unta og TV show si Kisses Delavin apan nibalibad kini gumikan kay dili siya sugtan sa iyang ginikanan nga makagawas sa balay tungod sa kahadlok sa COVID-19. Modawat ra og proyekto si Kisses kun ma-okay na ang sitwasyon.
Gikagat gihapon
Bisan karaan na ang teleseryeng “Be Careful with My Heart” nga gibidahan nila ni Richard Yap ug Jodi Sta. Maria , wala gihapon mahupas ang ilang karisma. Sa dihang gipasalida kini sa iWant , gikagobtan gihapon kini . Usa kini sa labing init nga series sa maong streaming platform .
Bright manghugyaw
Mogama og cover sa usa ka OPM hit ang Thai actor nga si Bright Vachirawit kinsa sikat kaayo karong panahona tungod sa Boys Love series nga “2gether” Suma pa sa Dreamscape Entertainment nga mahibaw-an ugma kun unsa nga OPM hit ang kantahon ni Bright.
- Latest