Karaang Darna vs. Bag-ong Darna?

CEBU, Philippines — Gitataw ni Jane de Leon nga dili kinahanglan nga moadto siya sa kadalanan aron iyagyag ang iyang sentimento sa pagsuporta niya sa ABS-CBN

“My support to the current crisis that the network is facing right now is not just measured by going out in the streets in this time of pandemic. Alam kong para sa nakakarami sa atin, masakit ang closure ng ABS-CBN. Nakikiisa at nakikisimpatya rin po ako sa mga kapwa ko Kapamilya na nawalan ng kabuhayan,” suma pa ni Jane.

Apan pipila ka oras human nag-post si Jane sa maong mensahe , adunay makahuloganon nga mensahe si Angel Locsin sa iyang Instagram story.

Ang post ni Angel nagkanayon,”No one asked you to go to a rally. Obviously, you don't need to go out to use your voice for the voiceless.But making up an excuse to save face at the expense of those who are fighting for their lives is purely disgusting.”

Una na nga gisaway ni Angel ang Kapamilya stars nga nagpakahilom lang sa suliran nga gisagobang sa ilang mother network.

Nasuwayan na ni Angel ang role nga Darna sa usa niya ka proyekto kaniadto  , samtang si Jane maoy modala isip Darna sa upcoming movie sa Star Cinema.

Tumong sa show ni Vice Makapalipay ug makatabang

Masaligon si Vice Ganda nga kagaton sa publiko ang hingpit na niya nga pagsulod sa digital world.

Kahinumdoman nga nag-eksperimento lang siya kaniadto pinaagi sa FB live ug nakabaton kini og minilyon nga views. Human naputol ang operasyon sa ABS-CBN , naninguha si Vice nga makakonektar gihapon siya sa iyang fans .

Dinhi nahulma ang Vice Ganda Network ug langkoban og hugyaw nga mga content ug duna pud siya’y nakalinya celebrity guests ug makita kini sa  www.viceganda.com.ph sugod karong  July 24, Biyernes. Tungod sa maong show, makapadayon siya sa paghatag og kalipay sa mga tawo.

“Ang vision ko lang talaga is very simple, very basic – to serve my purpose. To make the people happy, to make my audience happy. Yon ang dapat lagi kong maging compass sa lahat ng gagawin ko,”  saysay pa ni Vice atol sa virtual presscon nga gidumala sa Viva Entertainment.

Tinguha usab niya nga makatabang  sa mga stand up comedian ug sa mga production staff nga nawad-an og trabaho.

“Kasama sa secondary objective ko  ay makapagbigay ng trabaho sa mga bakla, yung mga stand-up comedians. Hindi pa man nagkakaroon ng problema ang ABS-CBN na-hit talaga ang mga komedyante. Yung live performances nawala. Ang mga comedy bars nagsara at hindi ko makitang magbubukas sila anytime soon dahil hindi rin naman puwede yung gatherings ng mararaming tao. So, nawalan ng hanapbuhay ang napakaraming komedyante at ang sakit-sakit sa puso ko no’n,” niya pa.

Mapasalamaton usab si Vice sa  ABS-CBN  ug Viva gumikan kay gisuportahan gyud ang iyang digital network.

“Ang dami kasing napakahuhusay na tao sa ABS-CBN na in one way or the other may naituro sa akin, ang dami nilang naituro actually. Yung mga nakatrabaho ko sa ABS at sa Viva sobra silang generous na i-share yung wisdom, i-share yung kaalaman nila, kaya ang suwerte-suwerte ko kasi napapaligiran ako ng mga pinaka-mahuhusay na tao sa industriya kaya alam kong hindi ako maliligaw,” dugang pa ni Vice.

Gisamokan ni Clint

Gisamokan na ang Thai billionaire nga si Jakkaphong "Anne" Jakrajutatip ngadto ka Clint Bondad.Giawhag niya ang katawhan nga dili magpadala sa cryptic messages ni Clint sa Instagram stories niini. Giangkon ni Anne nga pipila ka buwan na nga nagpuyo si Clint sa iyang balay ug giklaro niya nga dili sila uyab.

Maghiusa karong panahona

Miapelar si Nadine Lustre  sa iyang mga kaubanan nga maghiusa karong panahona alang panawagan nga makabalik sa operasyon ang ABS-CBN. “Sana ay ibaling natin ang atensyon natin sa mga bagay na nararapat na pagtuunan ng pansin. Pakiusap, wag tayo magaway away at maghati. Wala na tayong oras,”suma pa ni Nadine.

“Listen 2 Love”

Gikatakdang mo-release sa umaabot nga mga adlaw ang Star Cinema sa labing una nila nga digital project. Nag-ulohan kini Listen 2 Love nga ipaagi og podcast.

Bahaghari

Pormal na nga gipalanog ni Julie Anne ang iyang  bag-ong single  nga nag-ulohan og  "Bahaghari." Ka-duet niya sa maong awit mao ang rapper nga si Gloc-9.

Nagbaha ang mga series

Gisugdan na sa TV 5 dili pa lang dugay ang pag-ere sa ilang Tagalog-dubbed series. Makita kini gikan sa Lunes hangtud sa Biyernes ug gilangkoban kini sa Furious Fire (1:00 PM), DC’s Legends of Tomorrow (7:30 PM), Gotham (8:30 PM), Betty sa NY (9:30 PM), ug Tierra de Reyes (10:30 PM).

Nakaserbisyo na

Nakahuman na sa  iyang military service ang South Korean artist nga si Lee Jin-ki nga nailhan sa kadaghanan isip Onew sa K-Pop group  nga SHINee.  Gihangop si Lee sa iyang fans  nga taod-taod na nga gimingaw sa iyang presensya.