Drew at Iya, naka-babae

Wow, nakababae ang mag-asawang Drew Arellano and Iya Villania. Sakto ang pamamahinga ni Iya sa 24 Oras dahil kakapaalam pa lang niya sa work from home, ayan at nakaraos na siya sa kanilang third baby.

Nauna nang sinabi ni Iya na “I’m feeling it’s another boy. May konting takot with the whole COVID thing that’s been happening. I’m just praying for a safe delivery and a healthy baby and to recover right away para balik-trabaho kaagad!” ang chika niya nang magkaroon ng surprise video ang 24 Oras family niya para nga sa pagdating ng baby no. 3 nila ng asawang si Drew.

Kasama sa nagbigay sa kanya ng messages sa nasabing video sina Judy Ann Santos at asawang si Ryan Agoncillo, Suzy Abrera at asawang si Paolo Abrera, pati na rin syempre ang asawang si Drew kasama ang kanilang cute na mga anak na sina Primo at Leon.

Pinangalanan nilang Alana Lauren V. Arellano ang brand new baby nila.

Dagsa naman agad ang congratulatory messages sa post ni Drew ng picture ng sanggol.