Cardo naka-56K live viewers
CEBU, Philippines — Gipistahan og maayo viewers ang show ni Coco Martin nga Ang Probinsyano .
Atol sa streaming niini sa YouTube sa miaging gabii , nakalangkat kini og kapin sa 56K nga live viewers
Nalakip usab kini sa mga trending topic sa Twitter .
Nasayran nga sikat kaaayo ang karakter ni Coco isip Cardo sa maong teleserye.
Clint nagdumot kang Catriona?
Nahimong init nga topic sa social media kagahapon ang model-actor nga si Clint Bondad gumikan sa iyang nga cryptic message sa Instagram. Pipila sa netizens ang nagduda nga matud pa gipadungog-dungog ni Clint ang kanhi girlfriend nga si Catriona Gray ug ang bag-ong boyfriend niini nga si Sam Milby.
“Nobody can judge me; I know your dirty Little Secrets Too… well,” usa sa mga mensahe ni Clint. Sa uban niya nga mensahe , aduna kini background nga “The Ex”.
Teleserye ni Gerald tapuson og sayo
Giktahong pamub-an nalang ang istorya sa teleseryeng “ A Soldier’s Heart” kun diin usa sa mga bida niini mao si Gerald Anderson.
Suma pa nga tapuson nalang kini sunod buwan.
Kahinumdoman nga nagsugod kini niadtong Enero karong tuiga ug naputol og pipila ka buwan tungod sa pandemic. Naabtan pud kini sa problema sa pag-renew sa franchise ABS-CBN.
Gipadayon kini bag-ohay lang sa Kapamilya Channel sa Kapamilya Channel sa cable ug sa ubang digital platforms sa ABS-CBN.
Winwyn pasok sa Kapamilya project
Mapasalamaton ang beauty queen ug Kapuso artist nga si Winwyn Marquez sa iyang mother network nga GMA-7 gumikan kay nisugot dayon kini sa iyang paglugwa sa digital series sa iWant nga nag-ulohan og “Beauty Queens” .
Ang ABS-CBN maoy tag-iya sa iWant.
Suma pa ni Winwyn nga nananghid gyud siya og tarong sa GMA.
Nalakip usab sa “Beauty Queens” sila si Gloria Diaz ug Maxine Medina.
Descendants ipadayon sa 2021?
Gisumsoman karon ang taho nga posibleng sa 2021 na ipadayon ang taping sa Pinoy version sa “Descendants of the Sun”.
Sila si Jennylyn Mercado ug Dingdong Dantes ang mga bida sa maong teleserye.
Matud pa sa mga hungihong nga daghan pa kaayo ug angayan atimanon ang production ilabi na nga ubay-ubay ang mga bitoon niini ug giseguro nga mapatuman ang health protocols atol sa taping.
Pangalan ni Barbie gigamit sa scammer
Nakugang si Barbie Forteza sa dihang naabot niya ang taho nga dunay mga tawo nga nigamit sa iyang pangalan.
Giingong modus kini nga mogamit sa iyang pangalan aron makapangilad sa laing tawo.
Matud pa nga nagpaila kini isip Michelle ug nangangkon nga road manager sa aktres.
Suma pa ni Barbie nga wala siya’y road manager nga ginganlan og Michelle busa gipahimagnoan niya ang iyang fans nga dili dayon magpadala sa mangingilad.
”Game Boys” himoan og pelikula
Dili na gyud mabangbang ang popularidad sa BL (Boys Love) series nga “Game Boys” nga gibidahan nila ni Elijah Canlas ug Kokoy de Santos.
Tungod sa kasikat niini , gikatahong himoan og movie version ang maong series. Nasayran nga ang IdeaFirst Company maoy nagpaluyo sa Game Boys.
Nasayran nga nakaangkon na og kapin sa 4 million views ang maong BL series.
Nakalugwa sa GMA
Sa wala pa siya nisikat , nakalugwa na diay kaniadto sa pipila ka mga programa sa GMA-7 ang Kapamilya star nga si Ivana Alawi. Usa na niini mao ang programa ni Mel Tiangco nga Magpakailanman. Nisalmot usab siya kaniadto sa Star Struck ug kutob lang siya sa Top 28.
LizQuen molugwa sa TV5?
Niulbo karon ang taho nga molugwa matud pa sa usa ka show sa TV5 sila si Enrique Gil ug Liza Soberano . Matud pa nga usa kini blocktime program. Wala pa mohatag og komento ang LizQuen kalabot sa maong report.
Gitawag og plastik
Gitubag sa singer-actor nga si Janno Gibbs ang netizens nga nitawag kaniya og plastik human siya nipadangat og simpatiya sa ABS-CBN. Tungod sa kapungot, giingnan ni Janno og “tanga” ang maong netizens.
Mokatawa ra
Igo ra mokatawa si Luis Manzano sa higayon nga dunay mangutana kaniya kun kanus-a sila magpakasal sa iyang girlfriend nga si Jessy Mediola. Apan una na nga gibutyag ni Jessy nga kun magplano sila sa maong butang , ilaha gyud pahibaw-on ang ilang fans. Matud pa aktres walay angayan nga itago.
Ikatulong anak
Nagmalipayon sila si Geoff Eigenmann ug Maya Flores gumikan kay madugangan ang ilang anak sulod karong tuiga. Nagsabak karon si Maya alang sa ikatulong anak nila ni Geoff.
MayWard na bungkag na?
Hanap matud pa ang posibilidad nga magkapares og balik sa usa ka proyekto sila si Maymay Entrata ug Edward Barbers. Giingong dunay umaabot nga projects si Maymay apan walay labot niini si Edward.
Reunion project
Andam ra si Wowie de Guzman nga makaangkon sila ni Judy Ann Santos og reunion project. Kahinumdoman nga sikat kaayo ang ilang tandem niadtong 90’s.
Rated K nanamilit
Human sa 16 ka tuig , nanamilit na ang programa ni Korina Sanchez nga Rated K. Sukad nahunong ang operasyon sa ABS-CBN , gipadayon kini sa Facebook page sa maong show . Apan karon, hingpit na gyud kini nga gitapos.
Indecent proposals
Gibutyag ni Miss Universe 1969 Gloria Diaz nga dunay indecent proposals sa pipila ka mga indigay. Ug mao kini ang nahitabo kaniya sa iyang panahon.
Soud sa pamilya
Nagkalig-on og maayo ang relasyon nila ni Maine Mendoza ug Arjo Atayde. Suma pa nga soud na kaayo ni Maine ang pamilya ni Arjo.
- Latest