Panghinaot ni Maja
CEBU, Philippines — Nanghinaot si Maja Salvador nga motugot unta ang Kongreso nga mahatagan og bag-ong prangkisa ang ABS-CBN. Usa si Maja sa mga lig-ong artista sa ABS-CBN kun diin nagsagunson gyud ang mga proyekto niini.
"Dasal ko po na sana mabigyan ng panibagong prangkisa ang aming pangalawang tahanan. Dasal ko din na patibayin niyo po at mas bigyan ng lakas ang aking mga Kapamilya at kaibigan sa industriya. Hindi po madali ang pinagdadaanan nating lahat, huwag po tayong sumuko, Kapamilya," suma pa ni Maja.
Mihimakak sa isyu
Hugtanong gihimakak nila ni Loisa Andalio ug Ronnie Alonte ang report nga matud nag-ipon na sila og balay. “Hindi po, gano’n lang namin kamahal ang isa’t isa. Lagi kaming magkasama kaya akala nila mag-live-in na kami. Kasi lagi kaming magkasama. Kasi kami ni Ronnie parang magkapitbahay lang kami, Laguna and Cavite. Kumbaga isang exit lang, parang 30 minutes away lang po ‘yung bahay namin,” suma pa ni Loisa.
Wala kasulod
Wala tugoti sa local government sa Sagada ang grupo nila ni Direk Joyce Bernal ug Piolo Pascual nga makataak sa maong dapit. Mag-shoot unta ang grupo ni Bernal alang sa umaabot nga State of the Nation Address ni Presidente Rodrigo Duterte. Nasayran nga walay kaso sa COVID-19 ang maong lugar busa nagdumili una sila sa pagpasulod og mga tawo nga gikan sa laing dapit.
Balik-trabaho na
Mibalik na sa trabaho si Iza Calzado niadtong Lunes. Nagsugod na siya sa taping sa Ang Sa Iyo ay Akin kauban sila si Sam Milby ug Jodi Sta. Maria . Giingong nalakip usab niini si Maricel Soriano. Gipaubos sila sa lock-in taping.
Malangan pa
Miulbo karon ang taho nga matud pa posibleng malangan ang comeback show ni Kris Aquino sa telebisyon partikular na sa TV5. Suma pa nga nakasinati kini og gamay nga kakulian.
Cinemalaya entries
Gipahibalo na ang 10 ka short films nga finalists sa Cinemalaya Philippine Independent Film Festival 2020. Naglangkob kini sa Ang Gasgas na Plaka, Ang Pagpakalma sa Unos, Excuse Me Miss Miss, Miss, Fatigued, Living Things, Quing Lalam ning Aldo (Under the Sun), Pabasa Kan Pasyon, Tokwifi,U twas ug The Slums. Tungod sa pandemic, makita kini pinaagi sa Vimeo.
Nag-reunion sa Zoom
Puwerting lipaya ni Julia Montes gumikan kay nahinabi niya ang iyang co-stars kaniadto sa afternoon series nga “Doble Kara” pinaagi sa Zoom.
Kini naglangkob nila Sam Milby, Rayver Cruz, Edgar Allan Guzman, Ella Cruz, ug Jacqui Leus.
Giseguro ang kaugmaon
Tipik sa plano nila ni Kathryn Bernardo ug Daniel Padilla mao ang pagpatukod og balay ug dugang negosyo aron maseguro ang ilang kaugmaon.
Walo na ka tuig ang ilang relasyon busa nilenggua ang ilang fans kasal na lang gyud ang kulang sa duha.
“Marikit” sikat gyud
Wala damha sa mga rapper nga sila si Kyle Capiles ug Juan Caoile ang pag-click dayon sa ilang awit nga "Marikit." Nasayran nga nag-una kini sa Top Hits Philippines ug nahimong Most Streamed Daily sa Spotify.
Nakalangkat usab kini og 250 million views sa Tiktok.
Showbiz workers gitabangan ni Dingdong
Tungod sa pandemya, nawad-an gyud og panginabuhian ang pipila ka showbiz workers.
Dili mahimutang si Dingdong Dantes nga makakita sa showbiz workers nga naglisod busa ang pipila niini iyahang gipasulod isip mga rider sa iyang delivery business.
Una na nga gibutyag sa aktor nga kutob sa iyang mahimo, iyang tabangan ang mga tawo nga nawad-an og trabaho.
Julia giintriga nga mobalhin sa GMA
Gihimakak sa kampo sa aktres nga si Julia Montes ang niulbo nga report nga matud pa mobalhin na kini sa GMA-7. Nakugang matud pa si Julia pagkadungog sa maong taho.
Kahinumdoman nga nahunong ang weekly series sa aktres nga “24/7” ug wala pa matino kun ipadayon ba kini o dili.
Son Ye Jin pasok sa Hollywood film
Dili na gyud kapugngan ang pagsaka og maayo sa popularidad sa Korean star nga si Son Ye Jin kinsa nahimong bida sa hit Korean drama nga “Crash Landing on You”.
Suma pa sa report nga malakip ang aktres sa Hollywood film nga “Cross” .
Makauban niya sa maong proyekto ang Australian actor nga si Sam Worthington nga nalakip kaniadto sa “Avatar” ug “Clash of the Titans”.
Indonesian singer makatrabaho ni Christian
Mag-uban sila si Christian Bautista ug ang Indonesian singer nga si Delon Thamrin sa bag-ong single nga "We Are Here."
Nagtangag nga mensahe sa maong awit mao ang pagkonek sa mga mga minahal sa kinabuhi o mga higala panahon sa pandemya. Nisikat si Delon human kini nahimong kabahin sa Indonesian Idol niadtong 2004.
- Latest
