Sunshine motigi kang Ivana?

CEBU, Philippines — Wala gyud palabya sa mga himatayon ang pagkumpara nila sa bag-ong Viva star nga si Sunshine Guimary ngadto sa laing sexy star nga si Ivana Alawi.

Matud pa nila nga kun hisgotan ang paseksihay , magtigi gyud ang duha niini.

Susama ang duha  nga kusog kaayo mo-post sa ilang sexy photos sa Instagram.

Kahinumdoman nga nag-trending si Sunshine sa miaging semana tungod sa iyang ‘No Bra Challenge’.

Ang nahulma nga gugma

Ang magtiayong Moira Dela Torre ug Jason Marvin Hernandez maoy guests sa online show sa vlogger nga si Janina Vela dili pa lang dugay.

Gihisgotan sa duha ang pagsugod sa ilang  relasyon kanidto nga gitawag nila og godly courtship. 

“There’s no rule to it. Like the only rule is hearing from God and obeying and stepping out in faith. And defining your boundaries like ‘Hey, nililigawan kita. Walang nasa gray area,’” suma pa ni Moira.

Samtang si Jason sa iyang bahin, gipaambit niya ang verse nga iyang gipanaminam sa pagdiskarte niya kang Moira kaniadto.

“Nung niligawan ko si Moi, there’s this verse na for Him, by Him, through Him all things were made. So ibig sabihin, everything: our lives, our jobs, our school, our families everything was made by, for through Jesus Christ,” suma pa niya.

  Sa pagpadayag niya sa iyang gugma kang Moira kaniadto, dili gyud niya kalimtan ang sentro sa ilang panagkaila.

“So courtship is nothing new. It also falls in that category na all. Na even as you court someone, na even as you make ligaw the girl of your dreams, you try to see it from the lens na this is also for Jesus. So that’s basically Godly courtship,” dugang pa ni Jason.

Mapaubsanon gihapon

Mapaubsanon gihapon si Angel Locsin bisan ingnon pa siya sa uban nga doul kaayo ang iyang karakter kaniadto isip Darna gumikan sa pagkamatinabangon.

“Bilang ginampanan ko si Darna, at alagang alaga ako sa character ni Darna, isang malaking compliment sa akin ‘yun kasi alam ko kung gaano ka buting tao si Darna and si Narda ang hangarin nila is pure. Pero kung tutuusin, wala ako sa kalingkingan, ‘yun ‘yung reality doon,” suma pa ni Angel. Nasayran nga  ubay-ubay na ang natabangan sa  aktres  ilabi na sa mga tawo nga naglisod tungod sa pandemic.

Aktibo usab siya sa pagtabang sa frontliners.

“Pero I’m very flattered kasi siguro napapanood nila ‘yung mga ginagawa kong projects pero isa lang akong simpleng tao, hindi ako bilyonaryo, hindi ako mayaman, hindi rin ako laging nauuna,” suma pa ni Angel.

Gitataw hinoun sa aktres nga ubay-ubay pa nga mga personalidd ang nitabang ngadto sa ilang isigkatawo.

“Siguro, nagkakaroon lang ako ng coverage kasi kilala ka, so madalas ka napi-picturan ng tao, pero naniniwala ako na mas maraming tao ang mas active sa paligid ang hindi nabibigyan ng importance talaga, and ’yun ang gusto natin gawin sa show natin, bigyan natin ng limelight, ibida natin, ‘yung mga kakaiba ang kuwento, ‘yung kakaiba ang mga pagkatao, panahon nila ngayon so aatras po ako sa kung ano limelight na ‘yan, ibibigay natin sa kanila,” suma pa sa  aktres.

Ronnie gipasidunggan sa Philippine Army

Nakadawat og mga pasidungog ang singer ug army reservist  nga si Ronnie Liang sa Philippine Army gumikan sa pagkaaktibo niya sa operasyon pakigbatok sa COVID-19.

Ang awarding ceremony  nahitabo sa miaging adlaw atol sa  44th Founding Anniversary celebration sa  Armor Division sa Camp O’Donnell, Tarlac.

Nadawat sa singer ang Meritorious Achievement Medal ug Disaster Relief Rehabilitation Operation Ribbon gumikan sa  iyang pagka-COVID-19 frontliner.

Nitunol sa iyang mga pasidungog mao sila si Army Commanding General LT Gen. Gilbert Gapay ug Armor Pambato Division Commander Major General Robert C. Dauz.

“I would like to share these awards Meritorious Achievement Medal (MAM) and Disaster Relief & Rehabilitation Operations Ribbon (DRRO) to all the men in uniform who answered the call of duty in the fight against COVID-19. I would like to thank my Army family headed by Army Commanding General LT. General Gilbert Gapay and our Armor Pambato Division family headed by MGen. Robert C. Dauz for the recognition and support,"  suma pa ni Ronie.  Sukad pag-community quarantine , nadestino si Ronnie sa pag-escort sa medical workers ngadto sa mga hospital.

Sa higayon nga mahuman na ang iyang mga obligasyon , gikatakdang malakip si Ronnie sa pelikulang  “Harang”.

Malakip usab siya sa pelikula nila ni Bela Padilla ug Marco Gumabao nga “Spellbound”.

Pokwang molugwa sa Eat Bulaga

Miulbo ang report nga ang Kapamilya star nga si Pokwang maoy special guest sa segment sa show sa GMA-7 nga  Eat Bulaga nga “Bawal Judgemental” karong adlawa.

Giingong mao kini ang  gianunsyo sa komedyanteng TV host nga si Paolo Ballesteros.

Ang Eat Bulaga maoy kaatbang sa It’s Showtime sa ABS-CBN.

Bea negatibo sa  coronavirus

Mapasalamaton si Bea Alonzo gumikan kay negative  ang resulta sa pagpa-test niya sa coronavirus disease. Sa iyang Instagram account ,  gi-post sa aktres  ang hulagway sa resulta niini ug dunay caption nga ,” The only ‘NEGATIVE’ I need."

Suma pa ni Bea nga hinay-hinay  na ang mga tawo sa pagpatuman sa new normal.

“It’s comforting to know that slowly we are going back to normal, the way things were. So, kahit na new normal, at least we are adapting to it,” suma pa niya.

‘Most Viewed OPM Music Video’

Nagmaya og maayo popsters gumikan kay ang awit sa ilang idolo nga si Sarah Geronimo nga “Tala” maoy most viewed OPM music video human kini nakatala og 141 million views sa YouTube.

Ang maong balita giyagyag sa  VIVA Artists Agency kagahapon.

"Congratulations to the one and only Asia’s Popstar Royalty, Sarah Geronimo because her hit song 'Tala' has reached 141 million views and it’s now the ‘Most Viewed OPM Music Video’ on YouTube," suma pa niini.

 Ang “Tala"  nahimong  kabahin sa album ni Sarah nga The Great Unknown.

Ai Ai mipasilong sa artist center

Nipirma kagahapon og lima ka tuig nga kontrata sa  GMA Artist Center (GMAAC) ang komedyanteng aktres nga si Ai Ai delas Alas.

Wala magduha-duha si Ai Ai sa pagpirma og kontrata gumikan kay dako gyud siya og kabubut-on sa GMA.

Matud pa niya nga mao kini ang unang naghatag kaniya og TV show. Ang late-night show nga R.S.V.P. maoy unang programa ni Ai-Ai sa GMA 7 niadtong 1991. Nailhan siya  sa maong show isip Cheenie La Chika.

Nahimo usab siya nga  co-host sa mga noontime show nga Lunch Date (1991-1993) ug SST: Salo-Salo Together (1994-1995).

Ang sitcom nila nina Vic Sotto ug Rosanna Roces nga 1 For 3, maoy katapusang programa ni Ai-Ai sa GMA-7 sa wala pa siya nibalhin sa ABS-CBN niadtong 1998.  Nibalik siya sa GMA niadtong April 2015 pinaagi lang sa program contract.