Ipasalida sa iWant

CEBU, Philippines — Ipasalida sa iWant TV ug Kapamilya Channel ang Thai Boys’ Love (BL) series nga  2gether .Mao kini ang unang  Thai Boy Love Asianovela nga nakuha sa Kapamilya network.  Gibitoonan kini nila ni  Vachirawit “Bright” Chivaaree (Sarawat Guntithanon)  ug Win Metawin Opas-iamkajorn (Tine Teepakorn).

Nasakit

Nangayo og tabang sa iyang mga higala ang komedyante nga si Joey Paras. Nasayran nga dunay sakit sa kasingkasing si Joey. Dako matud pa siya og  magasto sa angioplasty procedure.

Kryz nanganak na

Gihimugso na sa vlogger nga si Kryz Uy ang unang anak nila ni Slater Young. Malipayon si Uy gumikan kay normal  ang iyang pagpanganak ug usa kini ka lakaki nga ginganlan og Scott Knoa.

Property sa probinsya

Pinaagi sa iyang latest vlog,  gi-tour ni Alice Dixson ang iyang fans sa iyang property sa Buenavista town sa Quezon Province. “This trip, we’re visiting my parents’ province here in Quezon and a lot of the people that you’ll be seeing in this video are in some way related to us because my grandparents settled here in Quezon a hundred years ago,” suma pa sa aktres.

Nagminyo na

Taod-taod na nga walay kisaw sa showbiZ si  “BJ” Forbes o nailhan sa kadaghanan isip Tolits.   Malipayon na kini kauban ang iyang pamilya. Nagminyo na  ug aduna kini usa ka anak. Usa usab siya ka SK official  sa Angono sa Rizal.

Segurado na kang Xian

Giangkon ni Kim Chiu nga nakita na gyud niya kang Xian Lim ang iyang ugma. “Wala naman akong ibang mahal. Wala naman akong ibang tinitignan na guy ngayon bukod ka Xi. Yung respeto namin sa isa’t isa is really there. Kung ano ang decision niya, I respect it. Kung ano ang decision ko, nire-respect niya din,” suma pa ni Kim.

Makita sa FB

Bisan wala pa kabalik sa ere ang ABS-CBN,  magpadayon gihapon ang morning snow niini nga Umagang Kay Ganda nga gilangkoban nila ni Anthony Taberna, Amy Perez, Jorge Carino, Winnie Cordero, Jeff Canoy, Ariel Ureta, Gret­chen Ho, ug Ariella Arida. Makita kini pinaagi sa Facebook live. Makita gihapon sa FB ang programang Mission Possible ni Julius Babao  ug SOCO ni Gus Abelgas.

Wala katigom

 Plano unta magtigom  ang magtiayong Jay-R  ug Mica Javier alang unta sa ilang honeymoon apan wala pa gyud nila kini nabuhat  gumikan sa COVID-19 pandemic. Nasayran nga nakanselar ang mga show ni Jay-R busa wala gyud siya katigom og maayo.

Balik-trabaho na

Mibalik na sa trabaho si Joshua Garcia  sugod karong June 20  partikular na sa shooting sa pelikula niya nga Mga Kaibigan ni Mama Susan bga co-production venture sa Regal Entertainment, Inc. ug Star Cinema. Si Chito Roño ang direktor sa maong proyekto.

Excited na

Naghinam-hinam na si  Piolo Pascual sa pagbalik  sa   Sunday musical variety show nga ASAP Natin ‘To . Nasayran nga molugwa na kini og balik pinaagi sa Kapamilya Channel sugod karong Dominggo.     “I’ve been with ABS since my college days… after I came back from the States and signed on for the next 20 plus years, my life has changed for the better,@ suma pa ni Piolo.

Nganong nag-wild?

Nitingog na si Pinky Amador kalabot sa iyang viral video kun diin nag-wild siya ug iyang giyawyawan ang staff  sa giistaran niya nga condo-hotel.  Matud pa sa aktres nga napugos siya sa pagyawyaw gumikan kay makapila na siya nga higayon nga nangayo siya og konkreto nga plano niini aron mahatagan og proteksyon ang mga tenant sa hulga sa COVID-19 apan wala gyud siy hatagi niini. Nasayran nga nagbutang og isolation center alang sa nangabot nga OFW’s  ang giistaran niya nga condotel. “Please understand however, that my emotion was the product of countless minutes of worrying for my safety and that of my neighbors, following up with building administration, and talking to my very emotional neighbors and friends,” suma pa ni Pinky.

Sakit nga desisyon

Mitingog na ang direktor sa teleserye nila  ni Enrique Gil ug Liza  Soberano nga “Make It With You’ nga si  Theodore Boborol kalabot sa pagputol sa maong show.

“Believe me. It was also hard for everyone,” suma pa sa direktor.

Suma pa niya nga naapektohan gyud kini sa coronavirus pandemic ingon man usab ang  paghunom sa operasyon sa ABS-CBN.

“We respect and understand why it ought to be done,” niya pa.

Suma pa ni Theodore nga ang ubang teleserye  nga sama sa  FPJ’s Ang Probinsyano”, “A Soldier’s Heart”, ug  “Love Thy Woman,  adunay multiple episodes sa wala pa moigo  ang pandemic hinungdan nga makasugakod ra kini sa pagpadayon niini sa kahanginan.

Jodi ug Iwa nag-bonding

Subling nag-bonding sila si Jodi Sta. Maria, Iwa Moto ug ilang mga anak. Sa Instagram ni Iwa, gipaambit niini ang  video clip kung diin nanayaw sila sa TikTok.  Si Iwa ang partner karon sa kanhi bana ni Jodi nga si Pampi Lacson. Una na nga gibutyag sa duha nga wala’y rason nga mag-away sila.

Lloydie nagpakaon sa frontliners

Mapasalamaton kaayo kang John Lloyd Cruz ang pipila ka frontliners sa Barangay Guadalupe gumikan kay nanghatag kini og pagkaon kanila kagahapon. Suma pa nga kalit lang naabot si Lloydie sa area ug nagdala og pagkaon. Kahinumdoman nga nanghatag usab kaniadto og vitamins  si John Lloyd sa frontliners sa susama gihapon nga barangay.

Julia miundang sa Burado

Miulbo karon ang taho nga niatras sa Kapamilya action series nga Burado si Julia Montes gumikan kay dili makaya niini ang bag-o g set up sa taping.

Nasayran nga i-lock in ang mga bitoon busa maabtang pa og usa ka buwan sa dili pa kini makabalik sa ilang panimalay.

Nalakip usab sa Burado sila si Nadine Lustre, Paulo Avelino ug Zanjoe Marrudo.