A real shining“star”
Name: Lormil Marie Montesclaros Cabrera de Gracia
Nickname: Star
Citizen: Filipino
Address: Talisay City
Hobbies: Playing board games, listening music and playing badminton
Motto: No matter how you feel, get up, dress up, show up
and never give up.
Upcoming shows:
*Si Diego ug si Pobreng Syano (CCTN-47)
* #Lingaw workshop(CCTN-47)
Mangtas na sa paghilak atubangan sa kamera ,ingon man usab sa entablado.
Siya si Lormil Marie Montesclaros Cabrera de Gracia nga nailhan sa kadaghanan isip Star.
Tang-an an na si Star sa natad sa pag-arte ug nagpabilin nga aktibo sa industriya sulod na sa 15 ka tuig.
Gawas sa iyang pagka-artista, usa siya ka negosyante, asawa ug seaman ug inahan sa duha ka anak.
Malingaw gyud si Star sa pag-arte sanglit naa gyud sa iyang hunahuna nga makahatag gyud siya og kalingawan sa mga tawo.
“Gawas nga makahatag ta og kalingawan, nakahatag sad mi og lessons sa mga nanan-aw,” suma pa ni Star.
Dugang asset ni Star mao ang pagka-natural sa iyang tingog nga mokulit gyud og atensyon sa viewers.
Mapasalamaton si Star gumikan kay napagbiling buhi ang mga bisaya nga drama series karong panahona ug nagbaha kini sa CCTN-47 .
Katapusang proyekto ni Star sa CCTN mao ang lenten special nga “Sa Imong Mga Kamot” nga sinuwat ni Andro Banate.
Kun mahuman na ang health crisis, duna pud siya’y pagabuhaton nga ubay-ubay nga projects sa maong TV network.
Usa sa iyang umaabot nga show mao ang Si Diego ug si Pobreng Syano.
Padayon na nga gihan-ay ang makalingaw nga istorya niini.
Usa usab ka direktor si Star, ug giangkon niya kalmado siya modala og production .
“Mangasaba rako if gikinahanglan, dili ko monster pagka-direktor. Tulin ra gyud ko katrabaho ,” suma pa niya.
Q and A
Banat News Hugyaw: Unsa imo nahuman nga kurso?
Star: Nakahuman ko og BSHRM sa USJR.
Banat News Hugyaw (BNH): Giunsa nimo pagsulod sa entertainment industry?
Star: Dunay mga tawo nga maoy naka-impluwensya nako, sila ang rason nga nakasulod ko sa industriya. Akong mama Mildred Montesclaros ug papa Lorte Cabrera puros gyud mga drama talent, writer ug director. Nakatabang pud si Direk Boy Lido Patalinghug sa radyo, samtang sa TV kay si Teresa Diez. Magtan-aw lang ko nila sauna hangtud nga gipasuway ko og pag-arte. Nakat-on rapud ko.
BNH: Unsa imong preparasyon sa dili paka moarte?
Star: Ibilin tanang mga problema or mga bisan unsay gipang huna -huna, focus sa imong role.
BNH: Unsa ka nga klase nga pagka-performer o drama talent?
Star: Dako ko og respito sa director ug sa sa akong kaubanan sa production ug mga artista, mo- commit sa maong show bisan pila pa ang TF tungod lang gyud sa love sa drama.
BNH: Unsa ka importante ang attitude sa usa ka drama talent?
Star: Importante kaayo ang attitude sa usa ka drama talent, para hapsay ang pagpanarbaho. Dili magpa - star star sa inyong groupo kay parehas ra mo. Ang commitment sad jud nimo sa maong project, madako o magamay man ang tf, importante kaayo na.
BNH: Kinsa ang gipang-idolo nimo sa industriya?
Star: Sa Cebu, siyempre akong mama Mildred Montesclaro, idol kaayo nako iyang paghilak-hilak. Didto sa kaulohan, idol nako sila si Claudine Bareto ug Judy Ann Santos, magsige ko’g tan aw sa ilang mga salida , mag observe sad ko sauna sa ilang pag-arte ug bilib kaayo ko.
BNH: Unsa ang imong gikabisihan karon?
Star: Tungod kay naka-community quarantine man ta, siyempre nahunong tanang taping tungod sa panghitabo , aw naki -uso online selling ,mga rtw and bags ang akong gikabisihan karon. Nalingaw pud ko sa Tiktok nga hapit nako mahuman, 100 Tiktok nga naa sad koy mga sponsors gihapon. Target nako mahuman ang ubang videos karong June 11 dungan sa akong adlaw’ng natawhan.
BNH: Unsa imong itambag sa gustong masusama kanimo?
Star: Padayon sa imong damgo, dili mohunong, bahalag kapila na ka gikasab-an sa imong director, part ra na para ka makat on, dapat willing ka bisan unsa nga lugar inyong location, dili mag -inarte. On time ug focus ka sa maong project
BNH: Dili nimo malimtan nga kasinatian sa taping?
Star: Katong salida namo nga Dear Tatay, nga grabe among hilak kami sa akong mama kay grabe kabug-at ang scene , hapit nami dili moundang sa paghilak kay nindot na kaayo ang maong scene, hapit mi di makaginhawa . Ug katong last year nga taping nako sa lenten nga heavy kaayo ang akong role sa sinuwat ni Andro Banate ug ako ang producer, director ug leading lady . Grabe pud ang hilak-hilak ug wala ko nakatiwas , na admit ko kay wa ko ka ginhawa, abi nako di mahuman ang maong salida tungod sa nahitabo nako. Praise God natiwas gyud.
BNH: Unsa imong sekreto nga dali raman ka makahilak?
Star: Grabe ang paghuna-huna og lawom sa role, basta naa sa inyong dugo ug passion nimo ang pag arte, dali ra jud kaayo makahilak.
BNH: Unsa imong dream project and why?
Star: Kanang action nga salida. Kasagaran man gud nabuhat nako kay hilak-hilak, ug comedy. Halos sa tanang role nako sa “ ISADORA” nako nga salida nabuhat nako tanang nga role- nahimo pa kong madre didto kay mao to ang pinakataas nga salida nako nga naila pud ko ug na feature sa KMJS.
- Latest
