Basher gipatagam ni Ai-Ai

CEBU, Philippines — Niisyu na og public apology  ang basher ni Ai Ai delas Alas nga nitawag kaniya og bogo.

Kahinumdoman nga gisaway ni Ai Ai ang istorya sa K-Drama nga The King: Eternal Monarch.

Tungod sa iyang komento, giatake siya sa iyang bashers. Suma pa ni Ai Ai nga usa ka maestro ang nitawag kaniya og “bobo”. “In the light of the foregoing, the undersigned is demanding your public apology without prejudice to filing the appropriate case to preserve the future of this nation and the integrity of the academe, teaching profession and the Department of Education.”mensahe pa ni  Ai Ai nga gipadala niya sa maong maestro.

Ni-reply na ang maestro sa letter ni Ai Ai ug nipadayag kini nga usa ka dakong leksyon ang iyang gisagobang karon nga bunga sa iyang gibuhat ug nangayo siya og pasaylo sa komedyanteng aktres..

Matud pa ni Ai Ai nga mahimo kini nga panaminan sa ubang tawo nga modretso dayon og atake sa social media.

Suma pa sa komedyanteng aktres nga mahimo raman sawayon ang opinyon sa ubang tawo apan wala nagpasabot nga mahimo nang dauton ang pagkatawo niini.  “Sana maging aral ito sa mga cyber bullies. Maari naman kayong mag voice out ng opinyon or pakiramdam at saloobin ,pero hindi nyo kailangan murahin at durugin ang pagkatao ng isang tao tao na wala naman ginawa sa inyo kundi mag lahad ng kanyang opinyon sa palabas na hindI nya gusto ( iba din ito sa pagkakaintindi nyo na hindi ko naintindihan )sana din respetuhin nyo lahat ng tao sa industiryang kinagagalawan namin. Hindi natin alam mga pinag dadaanan ng bawat isa, kaya dapat we think before we click. GOD BLESS.” suma pa sa IG post ni Ai Ai.

Mikuwestyon  kang Aiko napalaw

Gibuweltahan ni Aiko Melendez ang iyang bashers nga nagyaga-yaga sa iyang ka-sexy.

Kahinumdoman nga nagsagunson ang iyang pag-post sa iyang mga hulagway sa Instagram kun diin makita nga nagka-sexy ang iyang lawas apan duna’y uban nga nikuwestyon gyud  niini.

"Don't be sarcastic coz i also worked hard for it.Don't make unnecessary comments when you don't know the real story.Just saying,”tubag pa ni Aiko sa nikuwestyon sa iyang ka-sexy.

Wala makapanukod sa maong mensahe ang basher sa  aktres.

Gong Yoo ug Bae Donna mag-uban

Makabaton og  Netflix series ang sikat nga Korean star nga si Gong Yoo ug makauban niya si Bae Donna. Nag-ulohan kini og Sea of Silence. Gikatahong malakip usab sa maong proyekto sila si  Kim Sun-young ug Heo Jeong-do. Suma pa sa report nga karong August sugdan ang shooting  niini ug duna kini walo ka episodes.

Janine busy sa quarantine album

Usa sa gikabisihan karon ni Janine Teñoso mao ang bag-o niya nga album. “I’m actually preparing for an album na product of ECQ, so exciting po siya ,” saysay pa ni  Janine sa interview niini sa Facebook live sa Umagang Kay Ganda kagahapon.

Kasamtangan pa nga giluto ang mahimong titulo sa maong album.

“Surprise pa po muna  pero I guess ang exciting po rito it’s all made sa bahay and recorded sa kuwarto. I’m looking forward po talaga sa production and arrangement ng album,” dugang pa niya.

Nitambag usab siya sa mga tawo nga ganahan mag-record sulod sa ilang balay.

“Kapag nagre-record ako, nasa closet ako para hindi nage-echo, para surrounded lang ang sound. So mga aspiring singer na gustong mag-record sa mga bahay nila, puwede nilang gawin 'yon. Tapos dapat sobrang tahimik ng kuwarto,m. Puwede naman sa banyo. Pero kapag may mic ka kasi kailangan surrounded 'yung sound. Pero kapag wala kang mic, puwede naman sa shower,” matud pa  ni Janine.

Si Janine maoy nagpasikat sa awit nga  "Di Na Muli."

Biktima sa ghosting gitambagan ni Ellen

Trending na pud ang laing hugna sa paghatag og tambag ni Ellen Adarna ngadto sa iyang followers.

Nahisgotan ang “ghosting”  kun diin mao kini ang sitwasyon  nga kalit lang namiya ang usa ka tawo ngadto sa iyang karelasyon  ug kalit usab giputol niini ang ilang komunikasyon. Nangutana ang usa niya ka follower og,” Pano kung ung ex mo nagpaparamdam pa kahit sya naman nang- ghost?"

Gitambagan kini ni Ellen nga dedmahon nalang kini.

“Ghosts—they don't exist in a physical world. Huwag ka na mag-black magic. Huwag mo na buhayin ang patay. Let them stay in the their realm and pray for them,” suma pa ni Ellen.

Gitubag kini ni Ellen pinaagi sa  Instagram sa miaging adlaw. Duna puy nangutana sa Cebuana actress kun angayan ba hatagan og second chance ang nagpakilouy nga ex.

"Tanang mga taong pugos for love and attention, wala silang self-worth. Why would you want to be with a person like that?",” ni Ellen pa.

Gitubag pud sa aktres ang pangutana kung "high-maintenance" girlfriend  ba siya.

"Arte ko. But I maintain myself,”direktang tubag ni Ellen.

 Nihatag usab siya og mensahe sa mga tawo nga “feeling victim”. "You can always tell them that it's sad that you're always the victim of your life and choices, and always feel sorry yourself. So you'll always be miserable,” matud pa niya.

Ruru dunay nahinuklogan

Dunay mga nahinuklogan  si Ruru Madrid samtang naka-quarantine ug usa na niini ang importansya sa  atong mga minahal sa kinabuhi.

Tungod sa COVID-19 pandemic , nakaingon si Ruru nga kinahanglan gyud nga mag-enjoy kanunay niining kalibutana.

“Because of COVID-19, na-realize ko na dapat every single moment, ini-enjoy na natin. I mean, ‘yung mga panahon na puwede pa nating sabihin sa mga taong mahal natin na mahal natin sila, sabihin na natin hangga’t kaya nating sabihin. Kasi, hindi natin alam kung ano ‘yung mangyayari,” suma pa sa aktor.

Kasikas ni Alisah

Mogama na pud og laing kisaw ang Pinay singer nga si Alisah Banaobra pinaagi sa iyang awit nga “Ginto ang Bawat Sandali”.

Katapusang kasikas  ni Alisah mao ang pagsalmot  niya sa X-Factor UK niadtong 2017.

Ang “Ginto ang Bawat Sandali” ginama ni Marizen Yaneza nga mao usab ang nagsuwat sa kanta ni Carol Banawa nga “Iingatan Ka.”

Si Alisah ang  first runner-up sa season 2 sa The Voice of the Philippines niadtong 2015.