Susama og tingog ni Taylor

CEBU, Philippines — Nahimong  viral sa social media ang usa ka Pinay  gumikan sa iyang mga video kun diin gikanta niya ang hit songs ni Taylor Swift.

Ang maong babaye ginganlan og  Kemrie Barcenas ug gipistahan sa netizens ang iyang mga video gumikan kay kuha kaayo niya ang tingog ni Taylor.

Pipila sa iyang gikanta mao ang  “Back to December" ug “Love Story."

Suma pa ni Kemrie nga dugay na niya nga giidolo si Taylor.

Janine naka-Silver Play Button

Nagmaya ang Kapuso actress nga si Janine Gutierrez human siya nakadawat og Silver Play Button sa YouTube.

Gipahibalo niya kini pinaagi sa iyang latest Instagram post. Nasayran nga ang maong klase nga award idalit sa YouTube alang sa creator nga nakaabot na og 100,000 subscribers.

"I'm so happy that we finally have one of these and hopefully I make you guys happy with more videos," suma pa ni Janine. Nagsugod  ang aktres sa iyang pag-vlog niadtong December 2018.

Latest single ni JM gihangop

Gihangop dayon sa music lovers ang official music video sa latest  single ni JK de Guzman  nga “Huling Liham.”

Gi-produce kini ni Jonathan Manalo ug gi-compose sa magtiayong Moira dela Torre ug Jason Marvin.

Human sa pipila ka oras gikan sa pag- release , nakalangkat dayon kini og liboan ka views ug nakadawat og mga positibong feedback.

Bag-ong ‘maoy song’  ipalanog na!

Sa usa ka relasyon ,  dilli malikayan nga mag-agi gyud og mga kakulian .

Tungod sa mga pagsulay nga nasugatan sa usa ka relasyon, dunay gusto nga undangon nalang kini apan ang usa ka habig dili pud makatugot nga mobiya.

Pipila lang kini sa unod sa bag-ong awit nga ginama  sa kanhi Sinulog Idol finalist  nga si Yad Robal Jayme nga  “Di Ko Gustong Mobiya.”

Si Yad mismo ang nihatag og interpretasyon niini kauban ang iyang higala nga si Clarence Georpe.

“Kining kantaha , makonsiderar nato nga maoy song,” suma pa ni Yad.

Nahisgotan usab sa maong awit kung diin nasuta nga wala’y feelings ang usa ka habig.

Ang “Di Ko Gustong Mobiya” gikatakdang i-release karong Mayo 30, 2020 sa YouTube channel nga “Yad Robal Jayme”.

Pasok sa Top 50

Nakasulod dayon  sa Top 50 sa iTunes PH ang bag-ong awit ni Kim Chiu nga “Bawal Lumabas (The Classroom Song)".

Giingong mikulit kini og kasaysayan sanglit mao kini  ang unang OPM nga nakasulod dayon sa Top 50 sa iTunes sa unang adlaw sa pag-release niini.

Gawas sa iTunes, gipistahan usab ang “Bawal Lumabas” sa Apple Music, Spotify, Youtube, Deezer, ug Amazon.

“Never thought that this fiasco could turn into an official song. Yes! Sounds funny, but yeah!” suma pa ni Kim.

KC ug Apl.de.Ap nagpakahilom

Nagdumili gihapon sa paghatag og tubag si KC Concepcion kalabot sa chika nga matud pa duna sila’y relasyon sa singer nga si Apl.de.Ap.

Taod-taod na nga nasigpatan ang duha nga matud pa nag-uban  sa pagpanuroy.

Una na nga gipadayag ni KC nga ang kalidad sa  gipangita niya sa lalaki , kinahanglan matud pa nga kahibalo moatiman ug maayo ang istado sa kinabuhi.

“Somebody that is established, somebody that is respected, somebody that has values that resonate with me, somebody who actually cares and shows that and is able to express that. I want to be able to be of value to the people that are in my life,” nagkanayon si KC.

Nakagawas na sa tambalanan

Nakabalik na sa iyang panimalay ang TV host nga si Ruby Rodriguez human sa dul-an usa ka semana nga naka-confine sa tambalanan gumikan sa gipamati sa iyang tiyan.

“Finally out of the hospital! Still need 2 weeks of meds but feeling so much better. Hope nothing comes bad with biopsy,” suma pa sa iyang IG post.

Malipayon si Ruby gumikan kay nahimamat na gyud niya og balik ang iyang pamilya.

Dili matud pa lalim sa dihang naospital siya gumikan dili siya puwedeng duawon.

Dakong challenge sa KathNiel

Giangkon ni Daniel Padilla usa ka dakong challenge kaniya  ug sa iyang uyab nga si Kathryn Bernardo ang subling panagpres nila  sa ilang upcoming projects.

Kinahanglan matud pa nga lahi-lahi gyud ang ilang estilo aron dili gyud mapul-an ang ilang fans.

“Nine and a half years na yata kaming magkasama sa lahat ng rom-com at drama na pelikula. Mahirap kasi ang dami na naming nagawa eh. Ang dami na naming pelikulang nagawa at laging challenge yung, ‘O, paano na ‘to ngayon? Paano niyo iibahin na naman ’to?’ Kaya nung magsisimula kami nung The Hows of Us ang daming mga tanong, ang daming question sa aming dalawa na baka hindi na panuorin or baka hindi na kumita yang pelikula niyo dahil parang lahat ay nagawa niyo na,” saysay pa ni Daniel atol sa paglugwa niini sa  Actors’ Cue Series alang sa #ExtendTheLove

Seguradohon gyud nila ni Daniel ug Kathryn nga mahatagan og saktong emosyon  ang ilang mga karakter.

“Dun na siguro papasok yung character nung pelikula mismo kasi dun namin nilalagay na hindi naman kami yun eh. It’s a character na pino-portray namin. So mas challenging siya yet mas satisfying din lalo pag positive yung outcome ng pelikula. At least na-overcome na naman yung pagsubok na yun sa aming dalawa ni Kathryn. Hindi siya madali at kailangan naming trabahuin, kailangan ibahin. Kasi kung pare-pareho lang, wala namang mangyayari na di ba? At kung si Kathryn at si Daniel eh sana reality show na lang ginawa nun,” niya pa.

Kanunayn usab nga mohangop si Daniel kung dunay motambag kaniya.

“Nagpapasalamat ako siyempre dahil ang laking tulong nga ng mga director namin na dagdag mata ay mas maigi, mas maraming sumisita, mas maganda. Lagi kong tini-take yung mga sita ng tao sa set eh. Kapag sinasabi nila na, ‘Teka DJ parang ginawa mo na yan ah.’ Kahit sila minsan nag-su-suggest sila ng puwede naming gawin. At tinatanggap ko yun kasi siyempre iba yung mata nila eh, iba yung nakikita nila. So as audience din sila. So hindi puwedeng memorize mo lang yung script mo tapos bahala na kung paano mo ibabato. Dapat alam mo rin sa sarili mo paano mo babaguhin itong linya na ‘to? It’s a collaboration din,” ni Daniel pa.

Daily routine

Gipaambit ni Pia Wurtzbach  ang naandan niya nga gimbuhaton samtang naka-quarantine. Sa pgsugod sa iyang adlaw, manubag siya og emails ug mag-online interview pinaagi sa Zoom. Isunod dayon dayon niya ang pag-ehersisyo . “But I always, always end my day getting some sun. This is my favorite time of the day. Me time. #AtHome”,” suma pa sa iya IG post.

Komento ni Ai Ai gisaway

Gilabhan og maayo si Ai Ai delas Alas sa iyang bashers gumikan sa pagsaway niya sa  K-drama nga The King. Una na nga gipadayag ni Ai Ai nga kung dili pa lang si Lee Min-ho ang bida , dili gyud unta siya motan-aw niini. Wala matud pa siya kauyon sa dagan sa istorya niini.

Balay ug yuta gibaligya

Nabaligya na ni Allan K ang iyang balay ug yuta.  Nibalhin na siya og panimalay sa wala pa naabot ang pandemya. Kasamtangan usab nga nakasirado ang iyang comedy bar.

Mauswag napud

Sa ikaduhang higayon , subling iuswag ang "coronation night" sa  Binibining Pilipinas tungod sa hulga aa coronavirus disease (COVID-19) . Ang tagdumala sa maong indigay nitataw nga tinguha lang nila nga protektahan ang mga kandidata ug ang ilang pamilya. Dili pa nila matino ang bag-ong schedule niini. Kahinumdoman nga sa katapusang bahin unta karong buwana ang orihinal nga schedule niini.

Ipasalida sa Netflix

Usa ang 2016 Cinemalaya Independent Film Festival entry nga Pamilya Ordinaryo sa mga bag-ong molugwa sa Netflix. Naghisgot kini sa teenage couple nga gidala nila ni Ronwaldo Martin ug Hasmine Killip. Kahinumdoman nanghakot kaniadto og mga pasidungog ang maong pelikula  nga naglangkob sa  Best Editing, Best Actress, Best Director ug Best Film. Nalakip usab sa maong pelikula si Edruardo Roy Jr sina Maria Isabel Lopez, Sue Prado, Ruby Ruiz, Moira Lang, Karl Medina, Erlinda Villalobos ug Menggie Cobarrubias.

Gimingaw ni mommy

Samtang gisagobang ang coronavirus pandemic, giangkon ni KC Concepcion nga gimingaw na siya og maayo sa iyang inahan nga si Sharon Cuneta . Una na nga gitataw ni KC nga okay na ang pagtinagdanay nila sa iyang inahan. Suma pa niya nga nagpadayon gihapon ang ilang komunikasyon. “I miss her, I love her so much. I think she is an amazing mom. At the end of the day, lahat ng nangyayari sa amin should stay in the family and just like any family, no one is perfect,” suma pa ni KC sa YouTube Channel ni Tim Yap.

Gibalibaran ni Alessandra

Ubay-ubay  ka mga proyekto ang gipangbalibaran ni Alessandra de Rossi sa miaging tuig gumikan kay dili siya ganahan sa dagan sa istorya niini. Pilian gyud ang aktres og proyekto.   “Yes. 6 shows tinanggihan ko last year and 3 films dahil ang pangit ng mga mensahe.

Engaged na

Engaged na ang TV host ug disc jockey  nga si Mo Twister  ug ang iyang longtime partner nga si DJ Angelika Schmeing. Lima ka tuig ang relasyon nila ni Mo ug Angelika.