Benefit concert ni Darren nagmalampuson

CEBU, Philippines — Moabot ngadto sa tunga ka  milyon ka pesos ang nahipos nga donasyon ni  Darren Espanto alang sa mga naapektohan sa COVID-19 pandemic.

Nahitabo  kini sa iyang 19th birthday  celebration  pinaagi sa online concert sa miaging gabii.

Nag-ulohan kini og  “D’Birthday Concert from Home”.

Nagpungasi nga gugma

Nagpadala si Karla Estrada og birthday greetings ngadto sa iyang boyfriend nga si Jam Ignacio pinaagi sa Instagram.

“Happy birthday to this beautiful soul. I'm so grateful for your support and kindness. After this exercise gawa ka pork steak ha! I love you!,” suma pa ni Karla.

Una na nitumaw ang hungihong nga nagplano na ang duha nga magpakasal.

Nasayran nga suportado  kaayo sa mga anak ni Karla ang iyang love life.

Usa gyud ka anghel

Usa ang  Kapamilya character nga si  Janus del Prado sa  kanunay manalipod kang Angel Locsin sa higayon nga atakehon ang aktres sa iyang bashers.

Suma pa ni Janus nga usa ka maayong tawo si Angel busa dili siya makatugot nga dunay magyaga-yaga  niini.

Matud pa sa aktor nga dili gyud niya makalimtan ang pagkamatinabangon ni Angel.

Mao kini ang bugtong higala niya sa showbiz nga nitabang kaniya sa dihang nasakit siya niadtong 2014.

Si Angel mismo ang niboluntaryo nga nibayad sa bayranan niya sa tambalanan.

“Naalala ko dati nu’ng nagka tigdas ako way back 2014, ikaw lang sa mga kakilala ko sa industriya ang nag-offer ng tulong at malasakit. Sinagot mo na nga hospital bill ko, nagpupumilit ka pa dumalaw kahit bawal kasi naka-quarantine ako sa hospital. Hehe. Baliw ka talaga. Salamat sa malasakit at sa pagkakaibigan,”  suma pa ni Janus.

Matud pa ni Janus nga masakitan gyud siya kung duna’y mo-bash sa iyang higala.

Beauty naka-3M followers na

Malipayong gibutyag ni Beauty Gonzalez nga niabot na og kalpinn sa 3 million ang iyang followers sa Instagram account.

“Wow! 3 Million is a Massive Number any which way I look at it, woohoo!! Maybe not so impressive for the many cool tech savvy Manila Millenial influencing Superstars with many millions of followers, but pretty fab I think for a simple introverted probinsyana girl from Dumaguete .Thank You from the Bottom of my heart,” tipik sa iyang post.

Kahinumdoman nga nikisaw og maayo ang pangalan ni Beauty  tungod sa afternoon series kaniadto sa ABS-CBN nga Kadenang Ginto.