Angelica, JM, Tony, Jake, Arjo, Sue, at Kylie, bibida sa Love Lockdown
Usap-usapan sa social media ang pagsasama-sama nina Angelica Panganiban, JM de Guzman, Jake Cuenca, Arjo Atayde, Sue Ramirez, at Kylie Verzosa sa isang teaser para sa isang panibagong proyekto ng iWant na Love Lockdown.
Sa litratong nilabas ng Dreamscape Entertainment, makikitang magka-video chat ang naturang Kapamilya stars at may caption na “Zoom meeting in progress.”
Habang marami ang naghuhulaan kung pelikula o teleserye ba ang proyekto, mas malaking tanong naman para sa iba kung paano nila ito kukunan sa kabila ng quarantine. Naintriga rin ang iba kung may kinalaman ba ang titulong Love Lockdown sa kasalukuyang lockdown na ipinapatupad sa ilang bahagi ng bansa.
Ang Love Lockdown ang reunion project ng That Thing Called Tadhana lead stars na sina Angelica at JM, Los Bastardos co-stars at real-life partners na sina Jake at Kylie, at tambalang Arjo at Sue o ArSue mula sa teleseryeng Hanggang Saan.
- Latest
