Maine miidolo kang Dean Schneider

CEBU, Philippines — Giidolo og maayo sa Dabarkads nga si  Maine Mendoza ang  Swiss animal rights activist nga si Dean Schneider.

Gi-post ni Maine ang mga hulagway ni Dean sa iyang Instagram Stories . Vocal kaayo siya sa iyang pagdayeg sa maong personalidad.

Nasayran nga usa pud ka  YouTube vlogger si Dean ug  nakabase kini sa South Africa

“I can watch his  videos all day,” caption pa ni  Maine sa gi-post niya nga hulagway.

Espesyal nga  birthday celebration

Makahuloganon  ang pagsaulog sa Cebuana actress nga si Kim Chiu sa iyang 30th birthday dili pa lang dugay gumikan kay nakapaambit siya sa iyang blessings ngadto sa ubang tawo.

Sa iyang latest vlog , makita ang pag-apod apod ni Kim og food packs ngadto sa mga tambalanan , ug dugang relief goods ngadto sa pipila ka mga barangay.

Gawas sa  2,500 food packs,  nanghatag usab siya og 2,000 face shields ug vitamins alang sa frontliners.

Sa susama nga video, nilugwa usab ang iyang boyfriend nga si Xian Lim. Duna pu’y partisipasyon niini ang iyang higala nga si Bela Padilla.

"Tayo Pa Rin Pala”

Nagsuwat og kanta ang mag-uyab nga sila si KZ Tandingan ug TJ Monterde. Nag-ulohan kini og  "Tayo Pa Rin Pala," nga inspired sa nahitabong Instagram live session nila ni John Lloyd Cruz ug Bea Alonzo. Gitataw hinuon nila ni KZ ug TK nga dili kini promo sa usa ka movie project.

Romantic date

Nag-enjoy og maayo sila si  Lou Yanong  ug Andre Brouillette sa ilang romantic date sa miaging gabii nga gipahigayon lang sa ilang panimalay. Niabot na og 13 ka buwan ang ilang relasyon.

Luis nagpa-opaw

Nagpa-opaw si Luis Manzano ug gihulagway niya nga pang-high school o college ang bag-o niya nga hitsura.  Kahinumdoman nga pipila na ka mga artista ang nipakita sa ilang quarantine look, kini sama nila  ni Piolo Pascual ug Luis Manzano.

Cover girl

Si  Song Hye Kyo ang cover girl sa May 2020 issue aa Elle Singapore. Sa usa ka artikulo sa Elle, nahisgotan niya ang sekreto sa kalamposan sa iyang career. “I think I have been very fortunate. Being able to be in such amazing productions since I was young, and those productions performing well, along with receiving love from so many people, is why I am where I am today — and I’m very thankful for that," saysay pa ni Hye Kyo ngadto sa Elle.

Usa na ka amahan

Usa na ka amahan si Kim Jong-dae  o nailhan sa kadaghanan isip Chen sa K-Pop group nga EXO.  Gihimugso na sa iyang asawa ang labing una nila nga anak  nga babaye sa miaging adlaw.

Mikanta og  “Mr. Disco”

Nihimo og song cover si Claudia Barretto sa awit ni Ella Del Rosario nga “Mr. Disco.”  Nasayran nga sikat kaayo ang maong awit niadtong 70’s. “It has been a while... It is also the first time I'm covering a Manila Sound classic," matud pa niya.

Birthday message

Gisaulog ni Elmo Magalona dili pa lang dugay ang iyang  26th birthday . Wish ni Elmo sa iyang adlaw nga natawhan nga unta magpakalig-on ang mga tawo bisan pa man sa krisis nga gisagobang niini karong panahona.”My birthday wish actually for today, for this year is not just for myself but for everyone to stay positive,” niya pa.

Heart nagbangotan

Gihilakan gyud ni Heart Evangelista ang kamatayon sa iyang itoy nga si Linda.  “I usually foster a lot but this one was extra special and I actually thought of keeping her, but she died,” suma pa sa aktres.

Nahadlok si Direk Erik

Aminado ang award-winning director nga si Erik Matti nga nahadlok siya motrabaho og balik inigkahuman sa enhanced community quarantine.”I'm scared to go back to work because I don't want to know how this pandemic has changed my views of the world. I hope it is for the better,” suma pa ni Direk Erik.

Dugong negosyante

Samtang naka- enhanced community quarantine ,  nilutaw gihapon ang pagka-negosyante ni Marvin Agustin. Naghimo siya og mga cake ug gibaligya niya kini pinaagi online.