Movie workers gitabangan ni Robin

CEBU, Philippines — Usa ang aktor nga si  Robin Padilla sa mga nihatag og ayuda ngadto sa mga pamilya nga naapektohan og maayo sa COVID-19 crisis.

Nihatag usab siya sa mga  panginahanglanon  sa frontliners aa nagkadaiyang dapit sa kaulohan.

Gitabangan pud sa aktor ang  movie workers .  Kahinumdoman nga nahunom ang movie production  sukad gipatuman ang Enhanced Community Quarantine.

Sandara suportado ni Minzy

Mapasalamaton si Sandara Park sa kauban niya kaniadto sa 2NE1 nga si Minzy gumikan sa mainitong suporta  niini sa iyang musical play nga “Another Oh Hae Young."

Giangkon ni Sandara nga emosyonal gyud  siya sa dihang nahibaw-an niya nga nitan-aw ang iyang higala sa maong musical play.

Una na nga nipadayag  si Minzy nga proud kaayo siya sa performance ni Sandara.

Glaiza migama og awit

Nigama og inspirational song si Glaiza de Castro ug ang iyang  Irish boyfriend.

Naghatag  kini og importansya  sa frontliners nga nakigbatok sa pagkuyanap sa COVID-19.

Ang maong awit nag-ulohan og  “Ode to the New Heroes.”

“This is the least that we can do while we’re here. We all have different ways to cope, help and support and we hope we are able to share positivity amidst uncertainty through this,” suma pa sa Instagram post ni Glaiza.

Si Glaiza mismo ang nikanta niini kauban ang iyang uyab nga si David Rainey.

Kapin na sa usa ka tuig ang relasyon nila ni Glaiza ug David.

Christopher midonar sa iyang plasma

Human naka-recover  sa COVID-19,  gidonar sa beteranong aktor nga si Christopher de Leon ang iyang plasma aron makatabang sa  ubang tawo nga nataptan sa maong sakit.

"Hubby donated his plasma this afternoon. Thank you to all the doctors and staff of St. Luke's Global for your help and assistance. All honor and glory to God," suma pa sa IG post sa iyang asawa nga si Sandy Andolong. Kahinumdoman nga nagpositibo si Christopher niadtong March 17 , ug naka-recover kini niadtong April 13. 

Sexbomb nag-online reunion

Nagkumustahay pinaagi online ang mga miyembro sa grupong Sexbomb nahimong kabahin sa afternoon series  kaniadto sa GMA-7 nga Daisy Siete.

Wala gyud nila sipyata ang pagsiyagit sa naandan nila nga linya "Get, get, aww!"

Nanawagan usab sila sa katawhan nga  tabangan ang frontliners sa ilang mga panginahanglan.

"Gusto ko ring makatulong kasi marami pa rin silang kailangan like PPEs, masks, thermal scanners, alcohol. Para sa mga hindi na umuuwi ng bahay, 'yung mga nag-stay sa ospital, para lang labanan 'yung COVID-19 na tayo naman yung maitutulong lang naman natin bukod sa fundraising ay pag-stay  naman talaga sa bahay,  malaking tulong na 'yon,”  matud pa ni Rochelle Pangilinan.

Kauban nj Rochelle sa maong virtual reunion mao sila si  Jopay Paguia, Monic Icban, Evette Pabalan, Weng Ibarra ug Izzy Trazona . 

Nominado  sa “100 Most Beautiful Faces”

Nalakip ang mga aktres sa ABS-CBN nga sila si Liza Soberano ug  Ivana Alawi sa mga nominado sa 2020 edition sa “100 Most Beautiful Faces” .

Usa kini ka tinuig nga listahan nga gi-compile sa TC Candler .

Gibase kini sa komento ug botasyon sa YouTube channel niini.

Dili na kini bag-o alang kang Liza sanglit naapil na ang iyang pangalan sa “Most Beautiful Faces" sukad niadtong 2015.

Siya ang nag-una sa rank niadtong 2017 ug 2018.

Nalakip pud sa mga nominado ang international stars nga sila si Taylor Swift, Emma Watson, Lily Collins, Selena Gomez, Gal Gadot,  Lisa saBLACKPINK ug , Scarlett Johansson.

World tour sa BTS gikanselar

Tungod sa nagpadayon nga pagkuyanap  sa COVID-19 sa nagkadaiyang dapit sa  kalibutan , pormal na nga gianunsyo  sa K-pop boyband nga BTS  nga gisuspenso  na na nila ang ilang  world tour karong tuiga.

"Due to the nature of BTS concerts involving travel by thousands of international fans no matter where the performances are held, it is also difficult to resume the tour with the current strict restrictions on cross-border movement still in place," suma pa sa statement Big Hit Entertainment .

Gikatakdang mag-concert unta ang maong grupo sa pipila ka mga dapit sa Europe ug Japan.