Pasok sa IWant
CEBU, Philippines — Naka-ere na karon sa iWant ang Best Film sa Cinemalaya 2019 nga “John Denver Trending” nga naghisgot sa mag-inahan ug anak nga nakasinati og diskriminasyon.
Nasayran nga kapin sa 1000 ka free movies ang gidalit karon sa iWant.
Nalakip sa maong pelikula sila si Jansen Magpusao, Meryll Soriano, Glenn Mas, Sunshine Teodoro, Sammy Rubido, Vince Philip Alegre, Jofranz Ambubuyog, Christian Alarcon, Zandro Leo Canlog, Luz Venus, Andy Yuarata, Estela Patino, ug Renato Sagot.
SB19 nakasulod sa Billboard
Dili na gyud mabangbang ang kasikat sa Pinoy Pop group nga SB19 gumikan kay nakasulod gyud kini sa Top 5 sa Billboard’s Social Top 50.
Nasayran nga nalakip pud sa listahan ang EXO, BTS, GOT7, Andrea Bocelli, ug NCT 127.
Ang SB19 gilangkoban nila ni Sejun, Josh, Stell, Ken, ug Justin. “Para po kasi sa amin, hindi pa po kami enough para mapunta sa Billboard chart na 'yon, pero dahil po sa tulong ng mga fans namin nangyayari po talaga lahat. Dream come true po para sa amin. Parang nanaginip pa rin po kami hanggang ngayon,” suma pa sa usa mga miyembro niini nga si Josh.
Ang laing miyembro nga Stell nipadayag nga wala gyud niya damha nga makasulod sa Billboard ang iyang grupo.
“Tsaka ayon po, nung nakita po namin 'yun, talagang napatanong po kami sa sarili namin na deserve ba talaga namin na mapunta kami sa Billboard? Tapos naglolokohan kami, sabi namin wala na, hindi na tayo aangat, sobrang taas na po ng nasa taas namin na artist,” niya pa.
Kapamilya movies ipasalida sa China
Moabot sa 16 ka mga pelikula sa ABS-CBN ang ipasalida sa Phoenix Movie Channel ng China.
Kahinumdoman nga nagpaninirmahay kaniadto ang ABS-CBN ug Phoenix Satellite Television alang pagpasalida sa mga sikat kaayo nga pelikula dinhi sa nasud.
Una na nga gi-ere sa maong dapit ang “Four Sisters And A Wedding” nga gisundan sa “Barcelona: A Love Untold” ug “Love You To The Stars And Back” .
Karong Mayo, ipasalida sa China ang “The Achy Breaky Hearts” ug “Dear Other Self.”
Samtang romantic movies ang molugwa sa maong nasud karong Hunyo, ug kini gilangkoban sa “My Perfect You” nga gibidahan ni Gerald kauban si Pia Wurtzbach, ug “Can’t Help Falling In Love” nga gibitoonan nila ni Kathryn Bernardo ug Daniel Padilla.
Ipasalida pud ang “My Exes and Whys” nila ni Liza Soberano ug Enrique Gil.
Pasok usab sa listahan ang “Always Be My Maybe” ug “ Can We Still Be Friends” nila ni Arci Munoz ug Gerald Anderson.
Ang pelikula nila ni Maja Slavador ug Zanjoe Marudo nga “To Love Some Buddy” nalakip pud sa ipasalida sa maong dapit.
Inig-abot sa Hulyo, ipasalida sa China ang “Everything About Her” nila ni Vilma Santos, Angel Locsin, ug Xian Lim.
Pasok pud sa line-up ang “You’re My Boss” niila ni Coco Martin ug Toni Gonzaga; “Hihintayin Kita Sa Langit” I Will Wait for You In Heaven”nila ni Richard Gomez ug Dawn Zulueta; “Kasal” nga gibidahan nila ni Bea Alonzo, Derek Ramsay, ug Paolo Avelino; ug
“Siargao” nila ni Jericho Rosales, Erich Gonzales, ug Jasmine Curtis-Smith.
Istado sa movie industry
Napanglantawan sa film producer nga si Mother Lily Monteverde nga posibleng molungtad pa og tuig aron maka-recover ang movie industry sa nasud nga usa sa naapektohan sa COVID-19 pandemic.
“We’re in paralysis, no business, no nothing," saysay pa niya ngadto sa ABS-CBN News.
Pipila sa mga pelikula sa Regal ang nahunom ug usa na niini mao ang "Mga Kaibigan ni Mama Susan,” nga gibidahan ni Joshua Garcia ug co-production kini sa Star Cinema .
Naapektohan pud ang “Mommy Issues," ni Joey Reyes kun diin pagabidahan unta kini nila ni Gloria Diaz, Pokwang ug Sue Ramirez.
Laing 20 ka proyekto sa Regal ang kasamtangang nakaung-ong. Samtang ang usa sa opisyal sa Regal Films nga si Roselle Monteverde nipadayag nga dako kini og hagit ngadto sa mga artista apan duna kini mga alternatibong pamaagi. “The challenge for artists is to be creative. They should shift from being just stars to become creators of their own content. We cannot be tamad at this time. In every obstacle there should be another way,” matud pa ni Roselle .
Nasayran nga nauso karong panahona ang mga vlog sa artista.
“Right now ang lakas ng short content on the internet, two minutes or less on Facebook, Instagram, YouTube and other platforms. That’s the way to go,” dugang p ni Roselle.
Samtang nakasirado ang mga sinehan, ang Viva Entertainment mihingusog usab karon sa ilang digital projects. Sa interview sa ABS-CBN News ngadto sa Viva vice-president for sales and marketing ng si Jay Montelibano, nagkanayon kini nga busy sila sa pag-produce og online projects.
“The next big step is to be on that digital space. While production is on hold, we’re focusing on producing concerts and comedy shows online,” matud pa ni Montelibano.
Nakaung-ong usab ang ilang mga proyekto sa Metro Manila Summer Festival, Miss Manila, Mutya Pilipinas ug Miss Asia Pacific . Gikanselar na usab ang ang major concert ni Sarah Geronimo nga pagahimoon unta sa hinapos nga bahin karong tuiga. “Hopefully we will recover by the last quarter of 2020,” dugang pa ni Montelibano.
PBB housemates nag-reunion
Nag-online reunion ang kanhi mag-uyab nga sila si Gerald Anderson ug Kim Chiu kauban ang ubang housemates sa labing una nga season sa Pinoy Big Brother (PBB) Teen Edition. Gigamit sa PBB housemates ang video conferencing application nga Zoom.
Nisalmot sa maong video conference sila si Mikee Lee, Clare Cabiguin, Matt Evans, Mikki Arceo, Olyn Memblan, Fred Payawan, Bam Romana, Joaqui Mendoza, Niña Jose, ug Brenda Fox.
Si Kim ang Big Winner sa nahisgotan nga season sa Pinoy Big Brother. – Sanden J. Anadia
Mi-click sa Ecuador
Mapasalamaton si Yasmien Kurdi sa tanang nisuporta iyang teleserye nga Hindi Ko Kayang Iwan Ka. Gikatahong ni-click didto sa Ecuador ang maong teleserye.
Gidayeg usab og maayo ang pag-arte ni Yasmien.
- Latest
