Stay at home stories
CEBU, Philippines — Laing digital project ang gilusad dili pa lang dugay sa ABS-CBN .
Nag-ulohan kini og “Stay At Home Stories: Mga Kwento ng Taong Bahay” nga mopakita sa mga gipang-agian sa mga Pinoy taliwa sa COVID-19 outbreak.
Sa maong special program, ipakita usab ang pagpaningkamot sa mga Pinoy aron lang gyud makalingkawas sa krisis.
Duna pu’y laing programa nga gitawag og “Team FitFil” kun diin tumong niini mao ang pagyagyag og mga impormasyon aron mamintinar ang maayong panglawas sa viewers.
Makita kini sa Facebook Page sa ABS-CBN Entertainment Facebook page , YouTube ug sa website sa maong network.
Bag-ong singers tabangan sa NSF
Malipayong gipahibalo sa ABS-CBN Music International nga duna sila’y urban pop and hip hop music label nga “Not So Famous (NSF)” alang sa mga bag-ong sulbong nga mang-aawit sa tibouk Asya.
Naumol kini sa head niini nga si JV Kapunan o Young JV aron matabangan ang mga nangandoy nga mahimong recording artist.
Inubanan sa puwersa sa ABS-CBN Music International ,tinguha usab niini nga maka-produce og musika nga maabot gyud sa local ug global audience.
Sa pagka-karon , nalakip sa Not So Famous mao sila si Pau Palacio, Yeliee, ug King Murph.
Kita ni Kris sa pag-vlog , gidonar
Ni-click gyud ang pag-vlog ni Kris Bernal nga makita sa iyang YouTube channel. Una na nga nakadawat ang aktres og Silver Play Button gikan sa YouTube .
Ang Silver Play Button ihatag kun moabot og 100,000 ang subscribers sa usa ka YouTube Channel.
Gipahibalo usab ni Kris kun giunsa niya pagamit ang una niya nga kita sa iyang pag-vlog.
Matud pa sa aktres P20,000 ang una niya nga nadawat ug iyaha kining gidonar sa pipila ka mga animal welfare group.
“Yung first income ko dinonate ko siya sa iba't ibang animal welfare organizations kasi mahilig nga ako sa aso and may alagang akong pusa,” saysay pa niya ngadto sa GMA News.
Derek segurado na kang Andrea
Giangkon ni Derek Ramsay nga andam na gyud siya nga mo-settle down ug segurado na gyud siya sa iyang uyab nga si Andrea Torres nga maoy makauban niya nga babaye sa iyang tibouk kinabuhi.
Dili pa niya matino kun kanus-a , apan naa gyud sa iyang plano nga pakaslan gyud niya ang aktres.
Suma pa niya nga daghan na siya og naagian sa iyang kinabuhi busa angayan lang nga mosulod siya og usa ka butang nga segurado gyud siya.
Tungod kay naa man sa enhanced community quarantine ang Luzon, matag adlaw gyud sila nga naka-video call ni Andrea.
Nakahipos og P10.9M nga donasyon
Malipayong gipahibalo ni Angel Locsin nga nagmalampuson gyud ang iyang proyekto nga #UniTENTweStandPH .
Dako ang iyang pasalamat sa mga nipadangat og suporta niini.
Nasayran nga niabot of P10.9 million ang nadawat niya nga donasyon .
“Because of your overwhelming support, we are happy to announce that we have sufficiently funded the #UniTENTweStandPH campaign,” suma pa sa aktres.
Ubay-ubay ka tents ang napatukod sa nagkadaiyang hospital tungod sa maong programa ni Angel nga gamit kaayo alang s frontliners.
Gihunom na usab sa aktres ang pagdawat og dugang cash donations.
“With a full and grateful heart, we are now ending the fundraising and will no longer accept CASH donations through PayPal, Paymaya, or bank account,” dugang pa niya. Gi-post usab ni Angel ang breakdown sa mga nagasto sa maong proyekto isip pagpakita og transparency ngadto sa publiko.
“Binuo po ang #UniTENTweStandPH para po makatulong kahit papano sa overcrowding situation sa hospital, sa mga pasyente hindi na po nagagamot, sa mga health workers na hindi nabibigyan ng tamang proteksyon, sa mga pasyenteng nahahalo sa ibang mga cases. Ayun po ang dahilan kung bakit po tayo nandidito,” nagkanayon ang matinabangon nga aktres.
Target ni Julia, nakab-ot gyud
Ubos sa paningkamot sa aktres nga si Julia Barretto ,inubanan sa iyang mga igsoun nga sila si Dani ug Claudia, nakahipos na sila og pundo alang sa konstruksyon sa proyekto nila nga quarantine facility sa usa ka tambalanan didto sa Quezon City.
Dili pa lang dugay, nipasiugda og proyekto ang magsoun nga gitawag nila og #ParaMayBukas kun diin target nila nga makahipos P600,000 nga cash donations alang sa facility nga gidesinyo sa WTA Design Studio.
Suma pa nga nagbaha ang mga pasyente sa tambalanan ug dako na kaayo og tabang ang maong facility.
Dunay sobra sa nadawat nila nga donasyon ug mao kini ang ilang igasto sa protective equipment , ug pagkaon sa volunteers .
“Doors” sa Ben and Ben ,ipalanog na!
I-release na ugma , April 16 Ang labing una nga international single sa Ben and Ben nga nag-ulohan og “Doors”.
Nasayran nga dili na gyud mabangbang ang kasikat sa maong grupo.
"It’s about passive-aggressiveness, how it can ruin relationships, and how anyone can be on either the sending or receiving end of it," tipik sa statement sa maong banda.
Samtang karong April 18, laing hugna sa online concert ang idalit sa Ben and Ben pinaagi sa ilang YouTube Channel .
Tumong gihapon niini nga makahipos og cash donations alang sa mga naapektohan COVID-19 crisis. Ang matag miyembro sa maong grupo mo-perform gikan sa tagsa-tagsa nila ka panimalay.
- Latest