Liza, gilabanan ni Angel

CEBU, Philippines — Gidepensahan ni Angel Locsin si Liza Soberano batok sa usaka basher nga nimando sa aktres nga maayo pa og mutabang inay mag-post sa social media.

May labot kini sa post sa aktres nga dili hulga ang gikinahanglan karong mga panahona, kundili, kaluoy.

Us aka netizen ang nikomento nga maayo pa og sundon na lang ni Liza sila si Angel ug Kathryn Bernardo nga nitabang sa mga nanginhanglan karong panahona taliwala niining Covid-19 pandemic nga giatubang sa nasud.

Gi-tag sa maong netizen ang mga accounts nila ni Angel ug Kathryn sa Twitter, hinungdan nga nitubag ang nahauna.

Matud ni Angel, nitabang si Liza, ug mao kini angayan nga masayran sa maong netizen. Dugang pa ni Angel, ang gibuhat sa netizen nga pagsaway kang Liza, maoy wala kinahanglana karong panahona sanglit dili kini makatabang sa sitwasyon.

Dungan niini, nikatap sa Twitter ang mga hulagway ni Liza kauban ang iyang pamilya samtang nag-andam og relief goods nga ilang gipanghatag ngadto sa mga nanginahanglan.

Kahinumduman nga nagka higala si Angel ug Liza gumikan sa remake sa movie nga Darna sa Star Cinema.

Si Angel ang unang gitakda nga muhimo niini, apan niatras siya sanglit aduna na siyay back injury. Gihatag kini ngadto kang Liza, nnga ni-atras sab human na-injury ang iyang kumagko sa kamot.

Hinungdan nga si Jane de Leon na ang gitakdang mulupad isip Darna sa dili madugay.

Reconnect. Review. Recharge

Magtunga na sa bulan nga gipaubos kita og Enhanced Community Quarantine isip usa sa pamaagi aron pagbatok sa pagkatap sa Covid-19. Busa, ubay-ubay na sab ang gilaay kay wala na makabuhat sa ilang naandan nga mga gimbuhaton matag adlaw kay lagi natanggong man sa balay. Apan daghan sab ang nahimong chef.

Kay bisan unsa na lang ang gi-imbento nga mga pagkaon aron lang gyud malingaw. Pakpak!

As for me, okay ra gyud ko aning ECQ.

Ganahan gani ko nga kun mahuman naning pandemic puhon, ipadayon lang gihapon ang work from home scheme nga gipatuman sa among kompaniya. Kumportabli ra gyud ko nga magpirmaninte lang sa balay.

Kay sa tinuod lang, dili man sab gyud ko laagan. Kun mupauli gani ko'g Pilar, Camotes, one week gyud ko nga dili mugawas sa balay.

Anha rako musuroy og mubalik na sab ko sa Cebu inig ka ugma. Pakkk!

And I like this stay at home too kay people are becoming thoughtful. And expressive.

Daghan mangumusta. Daghan muremind nga kinahanglan mag-amping.

Daghan sab nga mga tawo nga wala na nimo igkita ug igdungog sa dugay nang panahon ang mukalit lang og paramdam. Pakkk!

Ang ECQ nahimong kahigayonan aron maka reconnect kita sa atong mga higala, paryente ug mga kaila nga wala na nato natagad gumikan sa atong ka busy sa pagpanikaysikay niadtong normal pa ang tanan.

Karon kay daghan na kaayo kita og bakanteng oras malipay na kita kun daghan mu-chat nato sa messenger. Mabanhaw ang mga char char ug gemma gemma!

Ug kay lagi daghan naman kita og oras, nahimo nato kini nga kahigayon nga mag-review.

Ang uban mubalik og basa sa mga libro nga nabasa na nila pipila ka tuig na ang nilabay.

Mutan-aw og balik sa mga salida nga natan-aw na human sa hataas nga panahon.

Ang uban nagkat-on og balik sa mga life skills nga nalimtan na kay wala na magamit for how many years.

And of course, daghan na sab kita og panahon nga mupahuway, matulog, mag-recharge.

Pwede na kaayo kita nga magmuok. Inig mata mukaon, huma'g kaon matulog og balik. Ingon ana.

This is the new normal.

Apan sa gihapon, padayon kita nga mag-ampo nga matapos na kining tanan aron mahibalik na kita sa naandan kay ang uban raba sab no-work-no-pay intawon.

Apan samtang nagsagubang pa kita niining dakong pagsuway, let's make time to reconnect, review, and recharge.

Happy Easter, dear okRYANians!