Lady Gaga mopasiugda og benefit concert

CEBU, Philippines — Mopasiugda  ang pop singer nga si Lady Gaga og online concert pagabitoonan sa mga ilado nga performers.

Ang maong event gitawag og  "One World: Together at Home” nga makita sa nagkadaiyang  television ug  digital networks sa kalibutan karong April 18.

Sila si Jimmy Kimmel, Jimmy Fallon ug Stephen Colbert ang magsilbing hosts niini.

Matud pa ni Lady Gaga nga ang mahipos nila nga donasyon ilahang idonar sa kampanya sa World Health Organization batok sa pagkuyanap sa COVID-19.

Mo-perform usab sa maong virtual concert sila si Alanis Morissette, Andrea Bocelli, Billie Eilish, Billie Joe Armstrong, Burna Boy, Chris Martin, David Beckham, Eddie Vedder, Elton John, FINNEAS, Idris and Sabrina Elba, J Balvin, John Legend, Kacey Musgraves, Keith Urban, Kerry Washington, Lang Lang, Lizzo, Maluma, Paul McCartney, Priyanka Chopra Jonas.Stevie Wonder ug , Shah Rukh Khan .

Pagpaambit sa blessings, ipatigbabaw ni Karla

Gitataw  ni Karla Estrada nga makita ra  ang kuwarta busa dili angayan magoul kun makagasto sa pagtabang sa isigkatawo.

Sa health crisis nga nasinati karon sa nasud, importante matud pa  ang pagtinabangay.

“Huwag manghinayang sa pera na itutulong dahil kikitain mo rin 'yan. Pero ang buhay na pwedeng mawala dahil sa gutom ay hindi na maibabalik. Ang buhay ng mga frontliners, health workers at ng iba pang nag seserbisyo sa gitna ng epidemya na ito ay pwedeng mawala ng dahil sa pagsisilbi nila sa atin,"  suma pa sa IG post ni Karla.

Dugang pa niya nga  dili ron panahon sa pagdinalo , angayan matud pa ipatigbabaw karong panahona ang pagpaambit sa blessings nga gihatag sa Kahitas-an.

"Kaya bago tayo maging sakim at makasarili, isipin mo muna ng paulit-ulit, paano kung tayo ang nasa posisyon nila? Kaya kaibigan, tama na ang kasakiman at pagiging makasarili dahil one day babawiin lahat ng Diyos sa 'yo lahat ng mga blessings na 'yan kapag 'di ka marunong umunawa at mag-share sa kapwa.,” dugang pa niya.0

Nagkanayon ang aktres nga dili ikapasigarbo  ang materyal nga butang, sanglit ang maayong pagtratar ngadto sa imong isigkatawo maoy labing importante.

“Life is so short. Sa dulo ng buhay natin, hindi ipagmamalaki ng mga tao kung ano mang material na bagay ang meron tayo kung 'di ang kung paano ka nakitungo sa kapwa mo. Tulong tulong na tayo at iisang bansa lang ang ating ginagalawan. Pagunawa at pagmamahal ang higit na kailangan ng bawat isa ngayon,” panapos pa ni Karla.

Gilibre ang “With A Smile”

Gipagamit matod pa nga libre ni Ely Buendia ang sikat nga kanta sa banda niya nga Eraserheads nga  "With A Smile" alang sa kampanya sa Department Of Tourism (DOT) mahitungod sa giatubang nga krisis sa nasud nga COVID-19 pandemic.

Nihimo og music video ang DOT nga nag-highlight sa pagkabayani sa mga frontliners ug sa mga  Pinoy nga madasigon sa pagpahunom sa health crisis.

Giasoy ni DOT Assistant Secretary Howard Lance Uyking pinaagi sa 24 Oras nga buot nilang pasalamatan ang frontliners sa tanang gibuhat niini nga sakripisyo alang sa nasud.

"We wanted to pay tribute to their sacrifices that's why we came up with a video just to show random acts of kindness. And napili namin yung 'With A Smile' because it encapsulates what Filipinos really are. Na we're resilient kahit anong challenges. We approach everything pa rin with a smile,"sigon pa ni Sec. Uyking.

Gipakanta sa DOH sa maong awit kay ang singer-songwriter nga si Bea Lorenzo, kinsa parehong doktor ang mga ginikanan.

Gi-upload ang maong video sa  DOT official Facebook page niadtong Sabado ug sa pagka-karon aduna na kini kapin sa 2.5 million views. —Junas Dungog Flores

Dingdong mitabang sa mga nangita og trabaho

Sa nagpadayon nga enhanced community quarantine didto sa Luzon ,nitabang si Dingdong Dantes sa mga tawo nga nangita og trabaho nga magbase rapud sa ilang mga panimalay.

Suma pa sa aktor nga kanhi National Youth Commission head ,  katambayayong niya sa maong programa  ang iyang advoacy group nga Yes Pinoy, pipila ka online job portals, ug  Department of Labor and Employment (DOLE).

"Gusto mo ba ng trabaho habang naka-home quarantine? May online jobs para sa freelancers, sa mga naghahanap ng alternative work, at sa K-12/HS grads. May home-based jobs din na 'no experience needed' at interview na pwedeng sa phone lang! Ayos!,” tweet pa ni Dingdong.

Pinaagi sa paghatag og mga link ,  tinguha ni Dingdong nga makatabang sa mga tawo nga nawad-an og trabaho human nitumaw ang COVID-19 crisis.